រាជធានីភ្នំពេញ ៖ សពបុរសម្នាក់អាយុជាង៣០ឆ្នាំត្រូវបានគេប្រទះឃើញហើមស្អុយអណ្តែតលើផ្ទៃទឹកទន្លេទល់មុខធនាគារមេគង្គ វិថីព្រះស៊ីសុវតិ្ថ ស្ថិតក្នុងភូមិ៤ សង្កាត់ផ្សារកណ្តាល១ ខណ្ឌដូនពេញបង្កឲ្យមានការភ្ញាក់ផ្អើលកាលពីវេលាម៉ោង១១ព្រឹក ថ្ងៃទី២៩ កញ្ញា ២០១៤។
រាជធានីភ្នំពេញ ៖ សពបុរសម្នាក់អាយុជាង៣០ឆ្នាំត្រូវបានគេប្រទះឃើញហើមស្អុយអណ្តែតលើផ្ទៃទឹកទន្លេទល់មុខធនាគារមេគង្គ វិថីព្រះស៊ីសុវតិ្ថ ស្ថិតក្នុងភូមិ៤ សង្កាត់ផ្សារកណ្តាល១ ខណ្ឌដូនពេញបង្កឲ្យមានការភ្ញាក់ផ្អើលកាលពីវេលាម៉ោង១១ព្រឹក ថ្ងៃទី២៩ កញ្ញា ២០១៤។
បុរសម្នាក់ឈ្មោះរស់ សារ៉េត បាននិយាយឲ្យសមត្ថកិច្ចមូលដ្ឋានដឹងថា កាលពីវេលាម៉ោង១១ព្រឹក ថ្ងៃទី២៩ កញ្ញា ២០១៤ រូបគាត់បានដើរចុះទៅរកលាងជើងនៅមាត់ទន្លេក្រោយពីជួយរៀបចំទុកដាក់ឥវ៉ាន់ឲ្យប្រពន្ធរួច ខណៈពេលនោះគាត់ក៏មើលទៅផ្ទៃទន្លេស្រាប់តែប្រទះឃើញសពអណ្តែតទឹកដែលមានចម្ងាយពីច្រាំងទន្លេប្រហែលជា៣០ម៉ែត្រទៅ៤០ម៉ែត្រ ហើយសពនោះមានសភាពហើម និងដេកផ្ងារមុខឡើងខ្មៅ។ ក្រោយមកសពនោះក៏អណ្តែតរសាត់មកទើនឹងច្រាំងទន្លេទល់មុខធានាគារមេគង្គ វិថីព្រះស៊ីសុុវត្ថិ ស្ថិតក្នុងភូមិ៤ សង្កាត់ផ្សារកណ្តាល១ ខណ្ឌដូនពេញ ទើបគាត់ទូរស័ព្ទរាយការណ៍ដល់នគរបាលមូលដ្ឋានឲ្យចុះមកពិនិត្យ។
សមត្ថកិច្ចជំនាញបានឲ្យដឹងថា សពបុរសនោះមិនស្គាល់អត្តសញ្ញាណនោះទេមានអាយុជាង៣០ឆ្នាំ សក់ស្លូត មានសភាពហើម មានស្នាមរបកស្បែកលើ.ក និងផ្ទៃមុខ ពាក់អាវយឺតកីឡា ពណ៌ខៀវដៃខ្លី ស្លៀកខោខូវប៊យទឹកប៊ិចជើងវែង។
សពអណ្តែតទឹកនោះត្រូវបាននគរបាលប៉ុស្តិ៍រដ្ឋបាលផ្សារកណ្តាល១បញ្ជូនទៅតម្កល់នៅឈាបនដ្ឋានវត្តទួលសង្កែ ខណ្ឌឫស្សីកែវ ក្រោយសមត្ថកិច្ចជំនាញពិនិត្យរួចហើយ រហូតដល់ល្ងាចថ្ងៃដដែលសពមិនទាន់ស្គាល់អត្តសញ្ញាណនៅឡើយទេ៕
ចែករំលែកព័តមាននេះ