សេអ៊ូល ៖ កាលពីពេលថ្មីៗនេះរដ្ឋាភិបាលកូរ៉េខាងត្បូង បានប្រកាសថា នឹងដំឡើងថ្លៃលើពន្ធថ្នាំជក់ ៨០% នៅដើមឆ្នាំ២០១៥ ដែលជាផ្នែកមួយនៃវិធានការកាត់បន្ថយអត្រាអ្នកជក់បារីដែលមានកម្រិតខ្ពស់នៅក្នុងប្រទេសក្នុងចំណោមបុរសពេញវ័យឱ្យបាន២៩% នាឆ្នាំ២០២០ ខាងមុខ។
លោក Moon Hyung-pyo រដ្ឋមន្ត្រីសុខាភិបាលបានថ្លែងថា យើងនឹងខិតខំដើម្បីបង្កើនតម្លៃថ្នាំជក់ប្រមាណជា១,៩៥ដុល្លារក្នុង១កញ្ចប់ ហើយយើងក៏ព្យាយាមណែនាំនូវប្រព័ន្ធតម្លៃនៃបារីដែលនឹងស្ថិតនៅពីក្រោយសម្ពាធអតិផរណារបស់ជាតិ ។ មួយវិញទៀត គឺការផ្សព្វផ្សាយពាណិជ្ជកម្មថ្នាំជក់នឹងត្រូវបានហាមប្រាមយ៉ាងទូលំទូលាយនៅតាមបណ្តាហាងលក់បារីនៅទូទាំងប្រទេស ។ រូបភាពនៃការដាស់តឿនអំពីសុខភាពក៏នឹងត្រូវបានបោះពុម្ពផ្សាយនៅលើផ្នែកមួយនៅគ្រប់កញ្ចប់បារីផងដែរ ដែលចាប់ផ្តើមឡើងនៅឆ្នាំក្រោយ ។
ថ្មីៗនេះកូរ៉េខាងត្បូងមានតម្លៃបារីថោកជាងគេបំផុតក្នុងចំណោមប្រទេសដែលជាអង្គការអភិវឌ្ឍន៍សហប្រតិបត្តិការសេដ្ឋកិច្ច (OECD) ជាមួយប្រទេសថៃ និងចិន។ ជាងនេះទៅទៀត កូរ៉េខាងត្បូងក៏ស្ថិតក្នុងចំណោមប្រជាជាតិដែលមានអត្រាអ្នកជក់បារីខ្ពស់ជាងគេបំផុតផងដែរ ចំពោះមនុស្សពេញវ័យ គឺមានចំនួន៤៣,៧% ក្នុងចំណោមប្រទេសជាច្រើន ។ ចំណែកអត្រាជក់បារីជាមធ្យមក្នុងចំណោមយុវជនក្នុងប្រទេសជាសមាជិកទាំង៣៤ គឺ២៦% ។ លោក Lee Kyung-eun អគ្គនាយកផ្នែកផ្សព្វផ្សាយសុខភាពរបស់ក្រសួងសុខាភិបាលបានបញ្ជាក់ថា បន្ទាប់ពីការបង្កើនតម្លៃនេះការហូតពន្ធលើថ្នាំជក់របស់កូរ៉េខាងត្បូង និងតំណាងឱ្យ៧៣,៧% នៃតម្លៃលក់រាយ ។
ទោះបីជាយ៉ាងណា អង្គការសុខភាពពិភពលោកព្យាករថា ប្រសិនបើគ្រប់ប្រទេសទាំងអស់ដំឡើងថ្លៃលក់បារី៥០% នោះវានឹងអាចសង្គ្រោះអាយុជីវិតមនុស្សបានជាង១១លាននាក់ពីគ្រោះថ្នាក់ដែលបណ្តាលមកពីការជក់បារីនៅ៣ឆ្នាំក្រោយ ៕
ចែករំលែកព័តមាននេះ