ខេត្តបាត់ដំបង ៖ នារីម្នាក់មានស្វាមីជាអាណិកជននៅសហរដ្ឋអាមេរិក បានសម្រេចធ្វើអត្តឃាតខ្លួនឯងដោយចង.កនៅក្នុងបន្ទប់ដេកលើផ្ទះ ហើយត្រូវឪពុកប្រទះឃើញនៅម៉ោង០៥ និង៣០នាទីល្ងាចថ្ងៃទី១០ កញ្ញា ស្ថិតនៅក្នុងភូមិកសិកម្ម ឃុំតាពូង ស្រុកថ្មគោល ដោយក្រុមគ្រួសារអះអាងថា ព្រោះតែខឹងម្ដាយជំទាស់មិនឱ្យនាងទៅរៀនបន្តនៅភ្នំពេញ បន្ទាប់ពីរៀបការរួច ។
ប្រភពបានឱ្យដឹងថា នារីរងគ្រោះឈ្មោះលឿង ម៉េងលី អាយុ២១ឆ្នាំ ទើបរៀបការរួចបានរយៈពេល៤ខែ ។ ប្រភពបន្តថា នារីរូបនេះបានយកអាវរាត្រីចង.កខ្លួនឯងភ្ជាប់និងទំពក់វាំងននក្បែរបង្អូច ដើម្បីបញ្ចប់ជីវិតចោលស្វាមី ដែលស្ថិតនៅឯនាយសមុទ្រ។ ក្រុមគ្រួសាររបស់នាងបាននិយាយថា មូលហេតុដែលនាំឱ្យនាងធ្វើអត្តឃាតបែបនេះ ព្រោះតែខឹងនឹងម្ដាយមិនឱ្យនាងទៅរៀនបន្តនៅភ្នំពេញ។
ប្រភពពីឪពុកបានឱ្យដឹងថា កូនស្រីគាត់បានរៀបការរយៈពេល៤ខែហើយ តែក្រោយពីស្វាមីនាងត្រឡប់ទៅអាមេរិកវិញ នាងបានទទូចសុំទៅរៀនបន្តនៅភ្នំពេញ ។ លោកបន្តថា រូបលោកនិងប្រពន្ធបានបដិសេធ ព្រោះយល់ថា នាងមានស្វាមីហើយ ។ ប៉ុន្តែដោយនាងទទូចខ្លាំងពេក គាត់និងប្រពន្ធក៏យល់ព្រម តែចាំរួចបុណ្យភ្ជុំបិណ្ឌសិន ខណៈនាងចង់ទៅរៀនមុនភ្ជុំបិណ្ឌ ដែលជាហេតុនាំឱ្យមានបញ្ហានេះកើតឡើង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ