រាជធានីភ្នំពេញ ៖ គ្រោះអគ្គិភ័យនៅទូទាំងប្រទេសកម្ពុជាបានកើតឡើងសរុបចំនួន១,១៩៦លើក បង្កការខូចខាតគិតជាខ្នងផ្ទះ១,៣២១ខ្នង និងតូបផ្សារ៤១៧តូប បណ្តាលឲ្យមនុស្សស្លា.ប់បាត់បង់ជីវិត៣៥នាក់ និងរបួស៩៣នាក់ យោងតាមរបាយការណ៍ប្រចាំឆ្នាំស្តីពីករណីគ្រោះអគ្គិភ័យរបស់អគ្គស្នងការដ្ឋាននគរបាលជាតិនៃក្រសួងមហាផ្ទៃ។
រាជធានីភ្នំពេញ ៖ គ្រោះអគ្គិភ័យនៅទូទាំងប្រទេសកម្ពុជាបានកើតឡើងសរុបចំនួន១,១៩៦លើក បង្កការខូចខាតគិតជាខ្នងផ្ទះ១,៣២១ខ្នង និងតូបផ្សារ៤១៧តូប បណ្តាលឲ្យមនុស្សស្លាប់បាត់បង់ជីវិត៣៥នាក់ និងរបួស៩៣នាក់ យោងតាមរបាយការណ៍ប្រចាំឆ្នាំស្តីពីករណីគ្រោះអគ្គិភ័យរបស់អគ្គស្នងការដ្ឋាននគរបាលជាតិនៃក្រសួងមហាផ្ទៃ។
នេះបើតាមប្រសាសន៍របស់លោកស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ក្នុងវេទិកាអន្តរជាតិកម្ពុជា-ជប៉ុន ស្តីពី«ការគ្រប់គ្រងគ្រោះមហន្តរាយនិងអគ្គិភ័យ» កាលពីព្រឹកថ្ងៃទី០៣ កញ្ញា នៅសណ្ឋាគារសូហ្វីតែលភ្នំពេញភូគីត្រា ស្ថិតក្នុងសង្កាត់ទន្លេបាសាក់ ខណ្ឌចំការមន ។
លោកឧបនាយករដ្ឋមន្ត្រីបានថ្លែងបន្តទៀតថា សរុបវេទិកាដែលប្រារព្ធធ្វើឡើងនេះសំដៅពង្រឹងកិច្ចសហប្រតិបត្តិការបន្ថែមទៀតរវាងកម្ពុជា-ជប៉ុន និងពង្រឹងសមត្ថភាពមន្ត្រីជំនាញរវាងប្រទេសទាំងពីរតាមរយៈការពិភាក្សា ពិគ្រោះយោបល់ផ្លាស់ប្តូរបទពិសោធន៍រវាងគ្នានិងគ្នាក្នុងការបង្ការទប់ស្កាត់គ្រប់គ្រងគ្រោះមហន្តរាយ និងអគ្គិភ័យដែលអាចកើតមានឡើងជាយថាហេតុ ហើយវាក៏ជាព្រឹត្តិការណ៍ដ៏មានអត្ថន័យរួមចំណែករឹតចំណងមេត្រីភាពឲ្យកាន់តែស្និទ្ធស្នាលមួយកំរិតថែមទៀតរវាងរាជរដ្ឋាភិបាលប្រទេសទាំងពីរផងដែរ ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ