បាងកក ៖ ថ្មីៗនេះ អាជ្ញាធរទេសចរណ៍របស់ថៃកំពុងតែធ្វើការសម្រេចចិត្តជ្រើសយកវិធានការមួយចំនួន ដើម្បីទាញយកចំណូលពីវិស័យទេសចរណ៍ក្នុងកម្រិតអតិបរមា ក្នុងនោះរួមមាន ការពង្រីកទិដ្ឋាការ(Visa) ស្នាក់នៅជាដើម ខណៈការរកចំណូលឆ្នាំនេះ ទំនងជាទទួលបានតិចជាងទិសដៅក៏ថាបាន ។
បាងកក ៖ ថ្មីៗនេះ អាជ្ញាធរទេសចរណ៍របស់ថៃកំពុងតែធ្វើការសម្រេចចិត្តជ្រើសយកវិធានការមួយចំនួន ដើម្បីទាញយកចំណូលពីវិស័យទេសចរណ៍ក្នុងកម្រិតអតិបរមា ក្នុងនោះរួមមាន ការពង្រីកទិដ្ឋាការ(Visa) ស្នាក់នៅជាដើម ខណៈការរកចំណូលឆ្នាំនេះ ទំនងជាទទួលបានតិចជាងទិសដៅក៏ថាបាន ។
សៀងហៃ ៖ សមាគមឧស្សាហកម្មសកលលោក បានថ្លែងនៅទីក្រុងសៀងហៃ ប្រទេសចិន កាលពីថ្ងៃពុធនេះថា បរិមាណនៃអ្នកប្រើប្រាស់ Wi-Fi នៅលើពិភពលោកនឹងកើនទ្បើងទ្វេដងប្រមាណ១០ពាន់លាននាក់ នៅឆ្នាំ២០១៨នោះ ក៏ព្រោះតែការរីកចម្រើននៃការប្រើប្រាស់បណ្តាញអីុនធើរណេត និងគម្រោង Smart home ក្នុងប្រទេសចិន ។
ណៃពិដោ ៖ អាជ្ញាធរមីយ៉ាន់ម៉ាកំពុងស្ថាបនាតំបន់សេដ្ឋកិច្ចកណ្តាលថ្មីមួយក្នុងទីក្រុង Muse នៃភាគខាងជើងរដ្ឋShan របស់ខ្លួនដែលមានព្រំប្រទល់ជាប់នឹងទីក្រុងលីវលី នៃខេត្តយុនណា ប្រទេសចិន ដើម្បីជំរុញពាណិជ្ជកម្មតាមព្រំដែន ដែលឆ្លងកាត់ច្រកសំខាន់បំផុតនេះរវាងប្រទេសទាំង២ ។
ហាណូយ ៖ កាលពីថ្ងៃព្រហស្បតិ៍នេះ ក្រសួងហិរញ្ញវត្ថុវៀតណាម បានចេញអាជ្ញាប័ណ្ណឱ្យក្រុមហ៊ុនធានារ៉ាប់រងរបស់កូរ៉េខាងត្បូង បើកសាខាក្នុងរដ្ឋធានីហាណូយ ។ គួររំលឹកថា ក្រុមហ៊ុនខាងលើបានបង្កើនទ្បើងក្នុងឆ្នាំ១៩៦៩ និងបានបើកការិយាល័យតំណាងក្នុងប្រទេសវៀតណាម កាលពីឆ្នាំ២០០៧ ។
ញូវដេលី ៖ ជាមួយនឹងការប្តេជ្ញាគាំទ្រការអភិវឌ្ឍហេដ្ឋារចនាសម្ព័ន្ធក្នុងប្រទេសឥណ្ឌា ធានាគារអភិវឌ្ឍន៍អាស៊ីបានលើកទ្បើងកាលពីថ្ងៃពុធនេះថា ខ្លួននឹងផ្តល់ឥណទានចំនួនពី៧ទៅ៩ពាន់លានដុល្លារឱ្យប្រទេសនេះ ក្នុងរយៈពេល៣ឆ្នាំក្រោយ ។
វៀងចន្ទន៍ ៖ សារព័ត៌មានក្នុងស្រុកបានផ្សាយថា ការកើនទ្បើងនៃអ្នកប្រើប្រាស់យានយន្តនិងគម្រោងវិនិយោគនានា ក្នុងប្រទេសទ្បាវ ត្រូវបានគេរំពឹងថា នឹងបង្កើនការប្រើប្រាស់ប្រេងឥន្ធនៈ១០% ក្នុងឆ្នាំ២០១៤នេះ ។ ក្នុងនោះ ការប្រើប្រាស់ប្រេងឥន្ធនៈរបស់ក្រុមហ៊ុនប្រេងរដ្ឋនឹងឈានដល់១,១ពាន់លានលីត្រ ក្នុងឆ្នាំនេះ ។ មួយវិញទៀត ប្រទេសទ្បាវនឹងចំណាយប្រមាណជា៩៣៥លានដុល្លារ លើការនាំចូលប្រេងសម្រាប់ប្រើប្រាស់ក្នុងឆ្នាំ២០១៤ ចំណែកតម្លៃទីផ្សារលក់០,៨ដុល្លារក្នុងមួយលីត្រ ។
ឌូបៃ ៖ សេចក្តីថ្លែងការណ៍កាលពីថ្ងៃពុធកន្លងមកបានឱ្យដឹងថា ក្រុមហ៊ុនអាកាសចរណ៍របស់អារ៉ាប់ (Emirate airline) និងក្រុមហ៊ុមដឹកជញ្ជូន Arik Air របស់អាហ្វ្រិកខាងលិចបានចុះអនុស្សរណៈ (MOU) ដើម្បីអភិវឌ្ឍន៍និងពង្រីកទំនាក់ទំនងពាណិជ្ជកម្ម និងការពិនិត្យបន្ថែមនូវតំបន់សហប្រតិបត្តិការ ។
ប៉េកាំង ៖ កាលពីថ្ងៃអង្គារកន្លងមកនេះ រដ្ឋាភិបាលចិនបានថ្លែងថា ទីភ្នាក់ងារគ្រង់គ្រងគម្រោងនឹងបញ្ចុះតម្លៃថាមពលវារីអគ្គិសនីចាប់ពីខែកញ្ញាតទៅ ដើម្បីឆ្លើយតបទៅនឹងការធ្លាក់ចុះនៃតម្លៃធ្យូងថ្ម ។ ក្នុងនោះ ស្របទៅតាមការប្រែប្រួលនៃតម្លៃពីខេត្តមួយទៅខេត្ត ដែលអាចនឹងបញ្ចុះតម្លៃប្រមាណជា១,៨%ទៅ២,៣% ។
បច្ចេកវិទ្យាទូរស័ព្ទ ៖ កាលពីដើមសប្តាហ៍កន្លងមកនេះ សារព័ត៌មាន Bloomberg បានបង្ហើបឱ្យដឹងថា ក្រុមហ៊ុនផលិតទូរស័ព្ទ Apple Inc របស់សហរដ្ឋអាមេរិក កំពុងគ្រោងនឹងចេញកំណែទម្រង់នៃផលិត iPad ដែលមានទំហំធំជាងស៊េរីមុន១២,៩អីុញ សម្រាប់ឆ្នាំ២០១៥ ជាមួយនឹងផលិតកម្មដែលនឹងចាប់ផ្តើមនៅក្នុងឆមាសទី១ឆ្នាំក្រោយ ។
ហា្សាការតា ៖ អត្រាអត់ការងារធ្វើរបស់ឥណ្ឌូណេស៊ីបានកើនទ្បើង២ខែជាប់ៗគ្នាគិតមកដល់ក្នុងខែកក្កដា កន្លងមកនេះ បើទោះជាសន្ទុះនៃការងបង្កើតការងារមានកម្រិតសមរម្យក៏ដោយ ដែលវាគឺជាកើនទ្បើងខ្ពស់បំផុត ក្នុងបរិមាណកម្លាំងពលកម្មចាប់តាំងពីខែកក្កដា ឆ្នាំ២០១៣ ។
សេ៊អូល ៖ កាលពីថ្ងៃពុធនេះ ក្រសួងយុទ្ធសាស្ត្រនិងហិរញ្ញវត្ថុបានថ្លែងថា ចំពោះការបញ្ចុះតម្លៃក្នុងកាតព្វកិច្ចពន្ធសម្រាប់អ្នកដំណើរ ដែលចូលប្រទេសកូរ៉េខាងត្បូងនឹងត្រូវដំទ្បើងថ្លៃ៦០០ដុល្លារអាមេរិក ពីបរិមាណ៤០០ដុល្លារ ដែលគម្រោងទុកសម្រាប់ខែកញ្ញាខាងមុខនេះ ។ គួរបញ្ជាក់រដ្ឋាភិបាលគ្រោងនឹងបន្ធូរបន្ថយពន្ធដល់អ្នកដំណើរទាំងទ្បាយណាដែលផ្តល់របាយការណ៍នៃសំណុំបែបបទនៃការចូលឱ្យដោយស្ម័គ្រចិត្ត ។ ក្នុងនោះគេរំពឹងថា នឹងអាចបញ្ចុះតម្លៃបាន១៤៧ដុល្លារ ។
ការ៉ាកាស ៖ តាមរបាយការណ៍របស់ក្រុមហ៊ុនក្នុងស្រុកបង្ហាញថា ក្រុមហ៊ុនប្រេងរបស់រដ្ឋវ៉េណេស៊ុយអេទ្បា PDVSA កំពុងធ្វើការសម្រេចចិត្តលើការនាំចូលប្រេងឆៅរាវពីក្រុមហ៊ុនអាល់ហ្សេរី ដើម្បីយកមកប្រើប្រាស់សម្រាប់ពង្រាវនូវប្រេងខាប់របស់ខ្លួនបន្ថែមទៀត ។
ញូវយ៉ក ៖ ប្រាក់អឺរ៉ូបានហក់ទ្បើងខ្ពស់ជាងមុនធៀបនឹងដុល្លារអាមេរិក កាលពីថ្ងៃពុធនេះ បន្ទាប់ពីរដ្ឋមន្ត្រីហិរញ្ញវត្ថុអាល្លឺម៉ង់ បានទម្លាក់ក្តីរំពឹងដែលធានាគារកណ្តាលអឺរ៉ុបនឹងបង្ហាញនូវវិធានការថ្មី ដើម្បីបង្ការបរិត្តផរណា(សភាពការណ៍ទំនិញចុះថ្លៃជាទូទៅ) នៅសប្តាហ៍ក្រោយ ។
កដ្ឋមណ្ឌូ ៖ ឯកអគ្គរដ្ឋទូតចិនប្រចាំប្រទេសនេប៉ាល់បានថ្លែងថា នេប៉ាល់ចាំបាច់ត្រូវតែធ្វើឱ្យប្រសើរទ្បើងនូវហេដ្ឋារចនាសម្ព័ន្ធរបស់ខ្លួន ដើម្បីទទួលបានគុណប្រយោជន៍ពីវិស័យទេសចរណ៍ ។ ជាមួយគ្នានោះដែរ សហគ្រិននេប៉ាល់ បានស្នើក្រុមហ៊ុនអាកាសចរណ៍មកពីប្រទេសចិន ពង្រីកជើងហោះផ្ទាល់ពីបណ្តាទីក្រុងធំៗដូចជា ក្រុងប៉េកាំង និងសៀងហៃជាដើម ៕
ចែករំលែកព័តមាននេះ