រាជធានីភ្នំពេញ ៖ បុរសម្នាក់ស្រវឹងធ្លាក់ភ្នែកបានបើករថយន្តតាកូម៉ាមួយគ្រឿងយ៉ាងលឿនមកដល់ផ្លូវកោងអ្នកបើកយកចង្កូតមិនទាន់ក៏បានបើកទៅបុកស្លាកប៉ាណូ មួយដើមបាក់រាបដល់ដីហើយរថយន្តជ្រុលឡើងទៅលើខឿនសួនច្បារ ជ្រោយចង្វា បណ្តាលឱ្យអ្នកបើករថយន្តបែកក្បាលហូរឈាមរួចឡើងរថយន្តមិត្តភក្តិមួយ
រាជធានីភ្នំពេញ ៖ បុរសម្នាក់ស្រវឹងធ្លាក់ភ្នែកបានបើករថយន្តតាកូម៉ាមួយគ្រឿងយ៉ាងលឿនមកដល់ផ្លូវកោងអ្នកបើកយកចង្កូតមិនទាន់ក៏បានបើកទៅបុកស្លាកប៉ាណូ មួយដើមបាក់រាបដល់ដីហើយរថយន្តជ្រុលឡើងទៅលើខឿនសួនច្បារ ជ្រោយចង្វា បណ្តាលឱ្យអ្នកបើករថយន្តបែកក្បាលហូរឈាមរួចឡើងរថយន្តមិត្តភក្តិមួយគ្រឿងទៀត រត់គេចខ្លួន ដោយបន្សល់ទុករថយន្តនៅនឹងកន្លែងកើតហេតុ ។ ហេតុការណ៍នេះកើតឡើងកាលពីវេលាម៉ោង ២និង៣០នាទី រំលងអាធ្រាត្រ ឈានចូល ថ្ងៃទី ២៣ សីហា២០១៤ នៅចំណុចសួនច្បារ ជ្រោយចង្វា ទល់មុខស្ថានទូតបារាំង ស្ថិតក្នុងសង្កាត់ស្រះចក ខណ្ឌដូនពេញ ។
ប្រភពព័ត៌មានពីកន្លែងកើតបានឱ្យដឹងថា នៅមុនពេលកើតហេតុគេឃើញរថយន្តតាកូម៉ា មួយគ្រឿងពណ៌ទឹកប្រាក់ ពាក់ស្លាកលេខភ្នំពេញ 2Y-3530 បើកដោយបុរសម្នាក់ស្រវឹងធ្លាក់ភ្នែកបានធ្វើដំណើរយ៉ាងលឿនតាមផ្លូវព្រះមុនីវង្ស ក្នុងទិសដៅពីត្បូងទៅជើង មកដល់ចំណុចកើតហេតុដែលជាផ្លូវកោង អ្នកបើករថយន្តយកចង្កូតមិនទាន់ក៏បានបើកទៅបុកស្លាកប៉ាណូ មួយដើមបាក់រាបដល់ដី ហើយរថយន្តបានជ្រុលឡើងទៅលើសួនច្បារជ្រោយចង្វា បណ្តាលឱ្យអ្នកបើករថយន្ត បែកក្បាលហូរឈាម ហើយបានចុះពីលើរថយន្ត ខ្លួនឯងរួចឡើងជិះរថយន្តមិត្តភក្តិមួួយគ្រឿងទៀតគេចខ្លួនបាត់ នៅសល់តែរថយន្តតាកូម៉ាមួយគ្រឿងនៅនឹងកន្លែងកើតហេតុ ។
ក្រោយពេលកើតហេតុសមត្ថកិច្ចបានហៅរថយន្តស្ទូចមកស្ទូចយករថយន្តបង្កខាងលើយកទៅកាន់ការិយាល័យចរាចរនៃស្នងការដ្ឋាននគរបាលរាជធានីភ្នំពេញ រងចាំម្ចាស់មកដោះស្រាយគ្នាតាមនិតិវិធីច្បាប់។
ចែករំលែកព័តមាននេះ