រាជធានីភ្នំពេញ ៖ បុរសម្នាក់ស្រវឹងស្រាជោគជាំបានបើកម៉ូតូដួលបោកក្បាលទៅនឹងថ្នល់បែកហូរឈាមកក្លាក់។ ហេតុការណ៍នេះកើតឡើងកាលពីវេលាម៉ោង ១១ និង១០នាទីយប់ ថ្ងៃទី៣១ កក្កដា២០១៤ នៅចំណុចមុខមជ្ឈមណ្ឌលពាណិជ្ជកម្ម អ៊ែតវូដ តាមមហាវិថីសហព័ន្ធរុស្ស៊ី ស្ថិតក្នុងសង្កាត់ទឹកថ្លា ខណ្ឌសែនសុខ។
ប្រភពព័ត៌មានពីកន្លែងកើតហេតុបានឱ្យដឹងថានៅមុនពេលកើតហេតុគេ ឃើញម៉ូតូឃ្លីក ពណ៌ក្រហម មួយគ្រឿងពាក់ស្លាកលេខភ្នំពេញ 1W-5839 បើកបរដោយបុរសស្រវឹងស្រាជោគជាំម្នាក់ យ៉ាងលឿនតាមមហាវិថីសហព័ន្ធរុស្ស៊ី ក្នុងទិសដៅពីលិច ទោកើតមកដល់ចំណុចកើតហេតុ ក៏បានដួលម៉ូតូដោយខ្លួនឯង បោកក្បាលអ្នកជិះទៅថ្នល់ បណ្តាលឱ្យបែកក្បាលហូរឈាមកក្លាក់ ។
ក្រោយពេលកើតហេតុត្រូវបានគេបញ្ជូនទៅសង្រ្គោះបន្ទាន់នៅមន្ទីរពេទ្យ ចំណែកម៉ូតូត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌសែនសុខ។
ចែករំលែកព័តមាននេះ