រាជធានីភ្នំពេញ ៖ បុរសម្នាក់បានស្លាប់បាត់បង់អាយុជីវិតភ្លាមៗនៅនឹងកន្លែងកើតហេតុ បន្ទាប់ពីបើករថយន្តទួរីស មួយគ្រឿងដឹកផ្លែឈើពេញ ទៅបុករះរនាំងដែកពុះចែកទ្រូងផ្លូវបាក់អស់៨ផ្ទាំង និងបានដោយតាមរថយន្ត៣ផ្ទាំងអូសប្រហែល៣០ម៉ែត្រ ។ ហេតុការណ៍នេះកើតឡើងកាលពីវេលាម៉ោង ២និង៣០នាទីរំលងអាធ្រាត ឈានចូលថ្ងៃទី ២៩ កក្កដា ២០១៤ នៅចំណុចមុខក្រុមហ៊ុនលក់រថយន្ត HCB អូតូខូល័រ អិលធីឌី តាមមហាវិថីសហព័ន្ធរុស្ស៊ី ស្ថិតក្នុងសង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តទួរីស មួយគ្រឿងមានដឹកផ្លែឈើពេញ បើកដោយបុរសម្នាក់ធ្វើដំណើរចេញពីខេត្តកោះកុង ចូលមករាជធានីភ្នំពេញដោយបើកបរយ៉ាងលឿនតាមមហាវិថីសហព័ន្ធរុស្ស៊ី ក្នុងទិសដៅពីលិច មកកើតមកដល់ចំណុចកើតហេតុ រថយន្តក៏បានជ្រុលចង្កូតទៅបុករះរនាំងដែកចំនួន៨ផ្ទាំងក្នុងនោះ៣ផ្ទាំងត្រូវបានកៀបជាប់និងរថយន្តអូសចម្ងាយប្រហែល៣០ម៉ែត្រ បណ្តាលឱ្យស្លាប់អ្នកបើកបររថយន្តនៅនឹងកន្លែង។
ចែករំលែកព័តមាននេះ