អង្គការសម្រាលទុក្ខអន្តរជាតិបញ្ជាក់កាលពីថ្ងៃទី២០ កក្កដា ២០១៤ ថា ពលរដ្ឋសូម៉ាលី ជិត៣លាននាក់ប្រឈមនឹងការបាត់បង់ជីវិតដោយសារខ្វះខាតស្បៀងអាហារ ។ នៅក្នុងសេចក្ដីថ្លែងការណ៍របស់អង្គការសម្រាលទុក្ខអន្តរជាតិដឹកនាំដោយក្រុមWorld Vision បញ្ជាក់ថា បច្ចុប្បន្នមានកុមារសូម៉ាលីច្រើនជាង៣០០.០០០នាក់ ធ្លាក់ខ្លួនឈឺដោយជំងឺខ្វះអាហារ ខណៈពេលប្រជាពលរដ្ឋ
អង្គការសម្រាលទុក្ខអន្តរជាតិបញ្ជាក់កាលពីថ្ងៃទី២០ កក្កដា ២០១៤ ថា ពលរដ្ឋសូម៉ាលី ជិត៣លាននាក់ប្រឈមនឹងការបាត់បង់ជីវិតដោយសារខ្វះខាតស្បៀងអាហារ ។ នៅក្នុងសេចក្ដីថ្លែងការណ៍របស់អង្គការសម្រាលទុក្ខអន្តរជាតិដឹកនាំដោយក្រុមWorld Vision បញ្ជាក់ថា បច្ចុប្បន្នមានកុមារសូម៉ាលីច្រើនជាង៣០០.០០០នាក់ ធ្លាក់ខ្លួនឈឺដោយជំងឺខ្វះអាហារ ខណៈពេលប្រជាពលរដ្ឋជាង២,៩លាននាក់ទៀតកំពុងត្រូវការជំនួយឧបត្ថម្ភផ្នែកម្ហូបអាហារ និងឱសថដើម្បីព្យាបាលបន្ទាន់ក្នុងរយៈពេលពី៣ទៅ៦ខែខាងមុខ ។
អង្គការសហប្រជាជាតិ(UN)បានប្រកាសអាសន្នក្នុងអំឡុងដើមខែកក្កដា ថា វិបត្តិកង្វះសារធាតុអាហារនៅក្នុងតំបន់ ផ្សេងៗរបស់សូម៉ាលីកំពុងធ្លាក់ក្នុងស្ថានភាពបន្ទាន់ រួមទាំងនៅក្នុងរដ្ឋធានី ។ គ្រោះរាំងស្ងួត ម្ហូបអាហារឡើងថ្លៃខ្ពស់ និងប្រាក់ជំនួយផ្នែកមនុស្សធម៌ធ្លាក់ចុះ រួមទាំងទទួលការគំរាមកំហែងពីក្រុមឧទ្ទាមគឺជាកត្ដាអវិជ្ជមានផ្នែកមនុស្សធម៌ដ៏អាក្រក់បំផុតនៅស៊ូម៉ាលី ។នៅក្នុងរបាយការណ៍បញ្ជាក់ថា ប្រាក់បរិច្ចាគពីអន្តរជាតិដើម្បីជួយដល់ប្រជាជនសូម៉ាលី ក្នុងផ្នែកមនុស្សធម៌នៅឆ្នាំនេះមានត្រឹមតែ១២% ពីគោលដៅប្រាក់បរិច្ចាគដែលត្រូវប្រើសរុប៩៣៣លានដុល្លារ ។
កាលពីឆ្នាំ២០១១ សូម៉ាលី ប្រឈមមុខនឹងវិបត្តិកង្វះខាតម្ហូបអាហារដ៏អាក្រក់ដែល បណ្ដាលមកពីគ្រោះរាំងស្ងួតបង្កឱ្យប្រជាពលរដ្ឋជាង១៣លាននាក់ទទួលផលប៉ះពាល់ ខណៈពេលជិត២៦០.០០០នាក់ បានស្លាប់ដោយសារអត់ឃ្លាន ៕
ចែករំលែកព័តមាននេះ