រាជធានីភ្នំពេញ ៖ បុរសម្នាក់បើករថយន្តកាមរីឆ្លាម ពាក់ស្លាកលេខសៀមរាប2A-6675 ដោយធ្វើដំណើរយ៉ាងលឿនតាមមហាវិថី សហព័ន្ធរុស្ស៊ី ក្នុងទិសដៅពីកើតទៅលិច ខណះមកដល់ក្បែរអាកាសយានដ្ឋានភ្នំពេញអន្តរជាតិ រថយន្តក៏បានរេចង្កូតទៅបុករៈរនាំងដែកពុះចែកទ្រូងផ្លូវបាក់អស់ចំនួន ៥ផ្ទាំង ហើយមួយផ្ទាំងបានខ្ទាតទៅត្រូវម៉ូតូវ៉េវអាល់ហ្វាមួយគ្រឿងទៀត ពាក់ស្លាកលេខភ្នំពេញ 1BP- 7340បើកដោយបុរសម្នាក់ក្នុងទិសដៅ(បញ្រ្ចាសទិសគ្នា) បណ្តាលឱ្យរបួសស្រាល ចំណែករថយន្តបង្ករងការខូចខាតមួយកំណាត់មុខខាងឆ្វេងយ៉ាងដំណំ។
ហេតុការណ៍នេះកើតឡើងកាលពីវេលាម៉ោង ៦និង៥០នាទីល្ងាច ចំណុចក្បែរអាកាសយានដ្ឋានភ្នំពេញអន្តរជាតិស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។ក្រោយពេលកើតហេតុបុរសម្ចាស់រថយន្តបង្កបានបើកទ្វាររថយន្តរត់គេចខ្លួនបាត់ទៅ នៅសល់តែរថយន្តបង្កនៅនឹងកន្លែងកើតហេតុ ហើយត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌពោធិ៍សែនជ័យរងចាំម្ចាស់ចូលខ្លួនមកដោះស្រាយ។
ចែករំលែកព័តមាននេះ