ខេត្តសៀមរាប ៖ មនុស្សម្នាក់ស្លា.ប់ភ្លាមៗនៅនឹងកន្លែង និងជ្រូកមួយក្បាលងាប់ ក្នុងហេតុការណ៍គ្រោះថ្នាក់ចរាចរណ៍មួយរវាងរថយន្តសាំយ៉ុងដឹកភ្ញៀវទេសចរជនជាតិចិន បុកជាមួយរ៉ឺម៉កដឹកជ្រូក កាលពីវេលាម៉ោង៨ និង៣០នាទីព្រឹកថ្ងៃទី២២ កក្កដា ២០១៤ ស្ថិតនៅផ្លូវជាតិលេខ៦ ក្នុងភូមិអន្លង់២ ឃុំត្រពាំងធំ ស្រុកប្រាសាទបាគង ខេត្តសៀមរាប ។
ខេត្តសៀមរាប ៖ មនុស្សម្នាក់ស្លាប់ភ្លាមៗនៅនឹងកន្លែង និងជ្រូកមួយក្បាលងាប់ ក្នុងហេតុការណ៍គ្រោះថ្នាក់ចរាចរណ៍មួយរវាងរថយន្តសាំយ៉ុងដឹកភ្ញៀវទេសចរជនជាតិចិន បុកជាមួយរ៉ឺម៉កដឹកជ្រូក កាលពីវេលាម៉ោង៨ និង៣០នាទីព្រឹកថ្ងៃទី២២ កក្កដា ២០១៤ ស្ថិតនៅផ្លូវជាតិលេខ៦ ក្នុងភូមិអន្លង់២ ឃុំត្រពាំងធំ ស្រុកប្រាសាទបាគង ខេត្តសៀមរាប ។
ប្រភពបានឱ្យដឹងថា ជនរងគ្រោះដែលស្លាប់ គឺជាអ្នកបើករ៉ឺម៉កដឹកជ្រូកឈ្មោះជា សាក់ឡូ អាយុ៥៣ឆ្នាំ មានទីលំនៅក្នុងភូមិអង្គ្រង ឃុំកន្ទ្រាំង ស្រុកប្រាសាទបាគង ខេត្តសៀមរាប ។ ចំណែកអ្នកបើករថយន្តទេសចរណ៍ត្រូវបានគេចខ្លួនបាត់ បន្ទាប់ពីកើតហេតុ រីឯភ្ញៀវទេសចរចិនចំនួន១១នាក់ ត្រូវបានម្ចាស់ក្រុមហ៊ុនយករថយន្តផ្សេងមកដឹកបន្ត ។
ប្រភពបន្តថា មុនពេលកើតហេតុ គេឃើញរ៉ឺម៉កដឹកជ្រូកធ្វើដំណើរបញ្ច្រាសទិសគ្នាជាមួយរថយន្តទេសចរណ៍ខាងលើ។ បើតាមការវាស់វែងបង្ហាញថា រ៉ឺម៉កដឹកជ្រូកបានរេចង្កូតចូលផ្លូវខាងរថយន្ត ទើបមានហេតុការណ៍នេះកើតឡើងតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ