ADផ្ទាំងផ្សព្វផ្សាយពាណិជ្ជកម្ម

ហ្វ​ត​តេ ផ្សារ​ភ្ជាប់​ថ្នាក់ដឹកនាំ ទិស​ដៅ​ជំរុញ​កំណើនសេដ្ឋកិច្ច​ថ្មី​របស់​កម្ពុជា

1 ថ្ងៃ មុន

រាជធានី​ភ្នំពេញ, ថ្ងៃ​ទី​ ១៧ ខែវិច្ឆិកា ឆ្នាំ​ ២០២៦ ៖ ហ្វ​ត​តេ ដែល​ជា​សម្ព័ន្ធ​ក្រុមហ៊ុន​ធានា​រ៉ាប់រង​ឈានមុខ​គេ​នៅ​កម្ពុជា នា​ថ្ងៃនេះ បាន​អញ្ជើញ​មន្ត្រីជាន់ខ្ពស់​រាជរដ្ឋាភិបាល ថ្នាក់ដឹកនាំ​សហគ្រាស និង​ឧស្សាហកម្ម​នានា មក​ចូលរួម​ក្នុង​វេទិកា​ជំនួប និង​បង្កើត​បណ្តាញ​ទំនាក់ទំនង​ធុរកិច្ច ក្រោម​ប្រធានបទ «​គំរូ​កំណើនសេដ្ឋកិច្ច​ថ្មី​សម្រាប់​កម្ពុជា​៖ ការ​បើកចំហ​កម្ពុជា ២.០ (Cambodia Openness 2.0)»​។ វេទិកា​នេះ​បាន​ឆ្លុះ​បញ្ចាំង​នូវ​វិធីសាស្ត្រ​ដែល​កម្ពុជា​អាច​រក្សា​ភាព​ប្រកួតប្រជែង​នៃ​ការ​នាំ​ចេញ កសាង​សមត្ថភាព​ក្នុងស្រុក និង​ពង្រឹង​ភាព​ធន់​ផ្នែក​ហិរញ្ញវត្ថុ ដើម្បី​ត្រៀមខ្លួន​ឆ្ពោះទៅ​រក​ការ​ចាក​ចេញពី​ប្រទេស​កំពុង​អភិវឌ្ឍន៍ (LDC) នៅ​ឆ្នាំ​២០២៩​។

ក្នុង​ឱកាស​បើក​វេទិកា លោក យក់ ចំរើន​ឫទ្ធិ អគ្គនាយក​ប្រតិបត្តិ​នៃ​ក្រុមហ៊ុន ហ្វ​ត​តេ គ្រុប បាន​គូសបញ្ជាក់​ពី​តួនាទី​របស់​វិស័យ​ឯកជន​ក្នុង​ការ​ជំរុញ​ភាព​ធន់​របស់​ជាតិ តាម​រយៈ​ការ​គ្រប់គ្រង​ហានិភ័យ​បែប​បុ​រេ​សកម្ម និង​ការ​កសាង​ភាព​ជា​ដៃគូ​យុទ្ធសាស្ត្រ​។ លោក​បាន​មាន​ប្រសាសន៍​ថា​៖ «​កំណើន​ប្រកបដោយ​ចីរភាព មិន​ត្រឹមតែ​ត្រូវការ​ឱកាស​ចូល​ទៅ​កាន់​ទីផ្សារ​ប៉ុណ្ណោះ​ទេ ប៉ុន្តែ​ថែម​ទាំង​ត្រូវការ​អាជីវកម្ម​ដែល​មាន​ផលិតភាព​ខ្ពស់ ទទួល​បានការ​ការពារ​យ៉ាង​ល្អ និង​កម្លាំង​ពលកម្ម​កាន់តែ​ប្រសើរ​»​។ នេះ​គឺជា​គុណ​តម្លៃ​ដ៏​ពិសេស​នៃ​អ្វី​ដែល​យើង​ធ្វើ​នៅ ហ្វ​ត​តេ តាម​រយៈ​ការ​ផ្សារ​ភ្ជាប់​ការ​យល់​ដឹង​អំពី ការ​បើកចំហ​កម្ពុជា ២.០ ជាមួយនឹង​ដំណោះស្រាយ​ជាក់ស្តែង​សម្រាប់​សុខភាព និង​សុវត្ថិភាព​ហិរញ្ញវត្ថុ ដើម្បី​ជួយ​ប្រជាពលរដ្ឋ និង​សហគ្រាស​អាច​ឆ្លងកាត់​ដំណាក់កាល​នៃ​ការ​ផ្លាស់​ប្តូរ​ប្រកបដោយ​ទំនុកចិត្ត​។

ក្នុង​សុន្ទរកថា​គន្លឹះ ឯកឧត្តម​សាស្ត្រាចារ្យ​បណ្ឌិត​សភាចា​រ្យ សុក ស៊ី​ផា​ន់​ណា ទេស​រដ្ឋមន្ត្រី​ទទួល​បន្ទុក​បេសកកម្ម​ពិសេស និង​ជា​ប្រធាន​គណៈកម្មាធិការ​ផ្តល់​យោបល់​លើ​គោលនយោបាយ​ពាណិជ្ជកម្ម បាន​បង្ហាញ​អំពី​យុទ្ធសាស្ត្រ «​ការ​បើកចំហ​កម្ពុជា ២.០» ដែល​ជា​យុទ្ធសាស្ត្រ​កំណើន​ផ្តោត​លើ​ការ​រក្សា​តម្លៃបន្ថែម​នៅ​ក្នុងស្រុក ជា​ជាង​ការ​ពឹងផ្អែក​តែ​លើ​លំហូរ​ទុន​វិនិយោគ​ពី​ខាងក្រៅ​។ ដោយ​កត់​សម្គាល់ថា ៧៥% នៃ​ទំនិញ​នាំ​ចេញ​របស់​កម្ពុជា អាច​ចូល​ទៅ​កាន់​ទីផ្សារ​សហភាព​អឺរ៉ុប​ដោយ​មិន​ជាប់ពន្ធ និង​មិន​មាន​កូតា​កំណត់ ក្រោម​ទំហំ​ពាណិជ្ជកម្ម​ទំនិញ​ទ្វេភាគី​ចំនួន ៧,៣ ពាន់​លាន​អឺ​រ៉ូ ក្នុង​ឆ្នាំ​២០២៥ ឯកឧត្តម​សាស្ត្រាចារ្យ​បណ្ឌិត​សភាចា​រ្យ បាន​សង្កត់ធ្ងន់​លើ​អាទិភាព​បន្ទាន់​ចំនួន​បី មុន​ឆ្នាំ​២០២៩ រួម​មាន​៖ ការ​ពង្រឹង​ភាព​ជឿជាក់​លើ​ស្ថាប័ន និង​ការ​កាត់​បន្ថយ​ថ្លៃដើម​ជា​ប្រព័ន្ធ ការ​ត្រៀមខ្លួន​របស់​អ្នក​នាំ​ចេញ​ចំពោះ​ការ​ផ្លាស់​ប្តូរ​របប​ពន្ធគយ និង​ប្រព័ន្ធ​អនុគ្រោះ​ពន្ធ GSP+ ព្រមទាំង​ការ​លើកកម្ពស់​បណ្តាញ​អ្នក​ផ្គត់ផ្គង់​ក្នុងស្រុក ជំនាញ​កម្លាំង​ពលកម្ម និង​សមត្ថភាព​ប្រកួតប្រជែង​ផ្នែក​បៃតង និង​ឌី​ជី​ថ​ល​។

វេទិកា​នេះ​ក៏​បាន​រំលេច​ពី​មូលធន​មនុស្ស និង​ការ​ការពារ​ផ្នែក​ហិរញ្ញវត្ថុ ដែល​ជា​សសរស្តម្ភ​ស្នូល​នៃ​ភាព​ប្រកួតប្រជែង​របស់​សហគ្រាស​៖
•​ ​ភាព​ធន់​របស់​កម្លាំង​ពលកម្ម​៖ ការ​បង្ហាញ​ពិសេស​អំពី​ព្រឹត្តិការណ៍​រត់ប្រណាំង Angkor Empire Marathon បាន​រំលេច​ពី​របៀប​ដែល​កីឡា សុខុមាលភាព​រាង​កាយ និង​ស្មារតី​ការងារ​ជា​ក្រុម អាច​ជួយ​កសាង​ស្ថាប័ន​ឱ្យ​មាន​សុខភាព​ល្អ និង​ផលិតភាព​កាន់តែ​ខ្ពស់​។
•​ ​ការ​ការពារ​ផ្នែក​ហិរញ្ញវត្ថុ​៖ លោក ព្រូ ស៊ី​ថន អគ្គនាយក​ប្រតិបត្តិ​នៃ​ក្រុមហ៊ុន ហ្វ​ត​តេ ឡាយ​ហ្វ៍ បាន​ធ្វើ​បទ​បង្ហាញ​ក្រោម​ប្រធានបទ «​ពី​កំណើនសេដ្ឋកិច្ច​ទៅ​កាន់​សុវត្ថិភាព​ហិរញ្ញវត្ថុ​» ដោយ​រៀបរាប់​ស៊ីជម្រៅ​អំពី​របៀប​ដែល​ធានា​រ៉ាប់រង​អាច​ជួយ​ក្រុម​គ្រួសារ និង​និយោជក​រយៈពេល​វែង ពី​ផល​ប៉ះពាល់​នៃ​ហេតុការណ៍​ដែល​មិន​អាច​ព្យាករណ៍​ទុកជា​មុន​បាន​។
•​ ​កិច្ចសហការ​ក្នុង​វិស័យ​ឧស្សាហកម្ម​៖ លោក ស៊ុ​យ ចាន់​ថា​រ៉ុ​ង អគ្គនាយក​ប្រតិបត្តិ​នៃ​ក្រុមហ៊ុន ហ្វ​ត​តេ អ៊ិ​ន​សួ​រ៉ិ​ន​ស៍ បាន​ថ្លែង​បិទ​កម្មវិធី ដោយ​អំពាវនាវ​ឱ្យ​មានការ​ពង្រឹង​កិច្ចសហការ​រវាង​វិស័យ​សាធារណៈ និង​ឯកជន ព្រមទាំង​កិច្ចសហការ​ក្នុង​វិស័យ​ធានា​រ៉ាប់រង ដើម្បី​ឱ្យ​អាជីវកម្ម​អាច​បង្កើត​នវានុវត្តន៍ និង​ពង្រីក​ប្រតិបត្តិការ​របស់​ខ្លួន​ប្រកបដោយ​ទំនុកចិត្ត​។

អំពី ហ្វ​ត​តេ
ហ្វ​ត​តេ គឺជា​ក្រុមហ៊ុន​ផ្តល់​សេវា​ធានា​រ៉ាប់រង​ឈានមុខ​គេ​នៅ​កម្ពុជា ដែល​ផ្តល់​ជូន​នូវ​ដំណោះស្រាយ​ធានា​រ៉ាប់រង​ទូទៅ និង​ធានា​រ៉ាប់រង​អាយុជីវិត​ដ៏​សម្បូរ​បែប និង​គ្រប់​ជ្រុងជ្រោយ តាម​រយៈ​ក្រុមហ៊ុន ហ្វ​ត​តេ អ៊ិ​ន​សួ​រ៉ិ​ន​ស៍ និង ហ្វ​ត​តេ ឡាយ​ហ្វ៍ ដើម្បី​ពង្រីក​វិសាលភាព​នៃ​ការ​ការពារ​ផ្នែក​ហិរញ្ញវត្ថុ និង​ពង្រឹង​ភាព​ធន់​របស់​សហគ្រាស និង​សហគមន៍​។ សូម​ចូល​ទៅ​កាន់​គេហទំព័រ www.forteinsurance.com​ ៕ អត្ថបទសហការ