ADផ្ទាំងផ្សព្វផ្សាយពាណិជ្ជកម្ម

១០​ឆ្នាំនៃ​ការ​រីក​ចម្រើន​ជាមួយ​កម្ពុជា ​៖ AngkorMilk បង្ហាញ​ការ​ប្តេជ្ញា​ចិត្ត​តបស្នង​សង្គមតាម​រយៈ​វិស័យ​អប់រំ ការ​បង្កើត​ការងារ​និង​ការ​វិនិយោគ​លើ​ឧស្សាហកម្ម​ទឹកដោះគោ

2 ថ្ងៃ មុន

ខេត្តកំពង់ស្ពឺ​ ៖ ក្នុង​ឱកាស​អបអរសាទរ​ខួប ១០​ឆ្នាំ​នៃ​វត្ត​មាននៅ​ព្រះរាជាណាចក្រ​កម្ពុជា ក្រុមហ៊ុន Angkor Dairy Products Co., Ltd. ដែល​ត្រូវ​បាន​ស្គាល់​ក្រោម​ម៉ាក​យីហោ AngkorMilk បាន​រៀបចំ​ពិធី​សម្ពោធ​ដាក់​ឱ្យ​ប្រើប្រាស់​អគារសិក្សា​ដែល​ទើប​ជួសជុល​រួចរាល់ ជូន​ដល់​សាលា​បឋម​សិក្សា​តាំង​របង ស្ថិត​ក្នុងស្រុក​ឱ​រ៉ា​ល់ ខេត្តកំពង់ស្ពឺ ដោយ​មានការ​ចូលរួម​ពី​លោក ឈួ​ន ឈុំ អភិបាល​នៃ​គណៈ​អភិបាលរង​ស្រុក​ឱ​រ៉ា​ល់ លោក Ta Duy Tung អគ្គនាយក​ក្រុមហ៊ុន អង្គរ ឌែ​រី ប្រូ​ដាក ខូ អិ​ល​ធី​ឌី អាជ្ញាធរ​មូលដ្ឋាន តំណាង​សហគមន៍ លោកគ្រូ អ្នកគ្រូ និង​សិស្សានុសិស្ស​ ។

ព្រឹត្តិការណ៍​នេះ​គឺជា​សក្ខីភាព​បង្ហាញ​ពី​ការ​ប្តេជ្ញា​ចិត្ត​របស់ AngkorMilk ក្នុង​ការ​តបស្នង​ចំពោះ​ការ​គាំទ្រ​របស់ ប្រជាជន​កម្ពុជា និង​រួមចំណែក​អភិវឌ្ឍ​សង្គម តាម​រយៈ​ការ​វិនិយោគ​លើ​វិស័យ​អប់រំ និង​ការ​កសាង​អនាគត​កុមារ​ជំនាន់​ក្រោយ​ ។

ថ្លែង​ក្នុង​ពិធី​នេះ ថ្នាក់ដឹកនាំ​ក្រុមហ៊ុន AngkorMilk បាន​មាន​ប្រសាសន៍​ថា ​៖ «​យើង​ជឿជាក់​ថា គ្មាន​ការ​វិនិយោគ​ណា​ដែល​មាន​តម្លៃ​ជាង​ការ​វិនិយោគ​លើ​ការ​អប់រំ និង​អនាគត​របស់​កុមារ​នោះ​ទេ ​។ សាលារៀន​មិនមែន​គ្រាន់តែ​ជា​អគារ​សម្រាប់​សិក្សា​ប៉ុណ្ណោះ​ទេ ប៉ុន្តែ​ជា​កន្លែង​បង្កើត​ក្តី​សុបិន ចែករំលែក ចំណេះដឹង និង​បណ្តុះ​អ្នកដឹកនាំ​នា​ពេល​អនាគត​។ យើង​មាន​មោទនភាព​ដែល​បាន​រួមចំណែក​ផ្តល់​សមិទ្ធផល​នេះ​ជូន​ដល់​សហគមន៍​កម្ពុជា​» ​។

សមិទ្ធផល ១០​ឆ្នាំ ​៖ រួមចំណែក​សេដ្ឋកិច្ចជាតិ និង​បង្កើត​ឱកាស​ការងារ​ជូន​ប្រជាជន​កម្ពុជា ក្នុង​រយៈពេល ១០​ឆ្នាំ​កន្លង​មក AngkorMilk បាន​ចូលរួម​ចំណែក​ដល់​សេដ្ឋកិច្ច និង​សង្គម​កម្ពុជា តាម​រយៈ ការ​វិនិយោគ​លើ​វិស័យ​ឧស្សាហកម្ម​ទឹកដោះគោ ដោយ​សម្រេច​បាន​សមិទ្ធផល​សំខាន់​ៗ​រួម​មាន ​៖
•​ ​ការ​រួមចំណែក​ដល់​ថវិកាជាតិ ​៖ បាន​បង់ពន្ធ​ចូល​ថវិកាជាតិ​ប្រមាណ ៨២​លាន​ដុល្លារ​អា​មេ​រិ​ក ​។
•​ ​ការ​បង្កើត​ការងារ ​៖ ផ្តល់​ការងារ​ជូន​បុគ្គលិក​ជាង ៦០០​នាក់ និង​ចូលរួម​អភិវឌ្ឍ​ជំនាញ​បច្ចេកទេស​ដល់​បុគ្គលិក​ខ្មែរ ​។
•​ ​ការ​គាំទ្រ​អាជីវកម្ម​ក្នុងស្រុក ​៖ គាំទ្រ​អាជីវករ​ក្នុង និង​ក្រៅ​ប្រព័ន្ធ​ជាង ៥០,០០០​អាជីវករ រួម​មាន​អ្នក​ចែកចាយ​បន្ត អ្នក​លក់ដុំ និង​អ្នក​លក់រាយ​ទូ​ទាំង​ប្រទេស ​។
•​ ​ការ​ផ្គត់ផ្គង់​ផលិតផល ​៖ មាន​អ្នក​ប្រើប្រាស់​ចុង​ក្រោយ​ជាង ៣​លាន​នាក់​ក្នុង​មួយ​ឆ្នាំ ​។

AngkorMilk មាន​រោងចក្រ​ផលិត​ទឹកដោះគោ​ស្ថិត​នៅ​តំបន់​សេដ្ឋកិច្ច​ពិសេស​រ៉ូ​យ៉ា​ល់​ភ្នំពេញ (RPPSEZ) ដោយ​បំពាក់​ម៉ាស៊ីន​ទំនើប និង​ប្រព័ន្ធ​ស្វ័យប្រវត្តិ​ប្រើប្រាស់​បច្ចេកវិទ្យា​ពី​ប្រទេស​ស៊ុ​យ​អែ​ត អា​ល្លឺ​ម៉​ង់ អ៊ី​តា​លី និង​សហរដ្ឋអាមេរិក ​។ ដើម្បី​ធានា​គុណភាព និង​សុវត្ថិភាព​ផលិតផល ក្រុមហ៊ុន​អនុវត្ត​ប្រព័ន្ធ​ស្តង់ដារ​ជាតិ និង​អន្តរជាតិ រួម​មាន ISO, FSSC 22000, HACCP និង GMP ព្រមទាំង​បន្ត​អភិវឌ្ឍ​ជំនាញ​បុគ្គលិក​ខ្មែរលើ​វិស័យ​ផលិតកម្ម​ទឹកដោះគោ ​។

វិនិយោគ​លើ​ការ​អប់រំ ​៖ បន្សល់​ទុក​សមិទ្ធផល​សម្រាប់​អនាគត​កុមារ​កម្ពុជា ការ​ជួសជុល និង​ប្រគល់​អគារសិក្សា​ជូន​សាលា​បឋម​សិក្សា​តាំង​របង គឺជា​សកម្មភាព​ទំនួល​ខុស​ត្រូវ​សង្គម​ដ៏​មាន អត្ថន័យ​របស់ AngkorMilk ក្នុង​ឱកាស​ខួប ១០​ឆ្នាំ​នៅ​កម្ពុជា​ ។
ក្រុមហ៊ុន​ជឿជាក់​ថា ការ​អប់រំ​គឺជា​គ្រឹះ​ដ៏​សំខាន់​ក្នុង​ការ​អភិវឌ្ឍ​ធនធានមនុស្ស និង​សង្គម​ជាតិ ​។ អគារសិក្សា​ដែល​បាន​ជួសជុល​រួច​នេះ នឹង​ជួយ​ផ្តល់​បរិយាកាស​សិក្សា​ប្រកបដោយ​សុវត្ថិភាព និង​ផាសុកភាព ព្រមទាំង​ជំរុញ​ទឹកចិត្ត​សិស្សានុសិស្ស​ឱ្យ​កាន់តែ​មាន​ភាព​រីករាយ​ក្នុង​ការ​សិក្សា​រៀនសូត្រ​ ។ សមិទ្ធផល​នេះ​ក៏​ជា​ការ​ថ្លែងអំណរគុណ​ចំពោះ​អតិថិជន និង​ប្រជាជន​កម្ពុជា​ទូ​ទាំង​ប្រទេស ដែល​បាន​ជឿ​ទុកចិត្ត និង​គាំទ្រ​ផលិតផល AngkorMilk ក្នុង​រយៈពេល​មួយ​ទសវត្សរ៍​កន្លង​មក ​។

ជំហាន​វិនិយោគ​ថ្មី ​៖ បន្ត​អភិវឌ្ឍ​កសិដ្ឋាន​ចិញ្ចឹម​គោ​យក​ទឹកដោះ​ទំនើប ទន្ទឹម​នឹង​ការ​បន្ត​អភិវឌ្ឍ​អាជីវកម្ម AngkorMilk ក៏​បាន​បង្ហាញ​ពី​ផែនការ​វិនិយោគ​បន្ថែម​លើ​កសិដ្ឋាន​ចិញ្ចឹម​គោ​យក​ទឹកដោះ​ដែល​មាន​ស្តង់ដារ​ខ្ពស់ និង​បច្ចេកវិទ្យា​ទំនើប ដើម្បី​ចូលរួម​ពង្រឹង​វិស័យ​កសិកម្ម និង​ឧស្សាហកម្ម ទឹកដោះគោ​កម្ពុជា​ ។
គម្រោង​នេះ​មាន​គោលដៅ​សំខាន់​ៗ​ដូច​ជា ​៖
•​ ​ផ្ទេរ​ចំណេះដឹង និង​ជំនាញ​បច្ចេកទេស​ចិញ្ចឹម​គោ​យក​ទឹកដោះ​ដល់​កសិករ​កម្ពុជា ​។
•​ ​ជួយ​កាត់​បន្ថយ​ការ​ពឹងផ្អែក​លើ​ការ​នាំ​ចូល​ទឹកដោះគោ​ពី​បរទេស ​។
•​ ​ជំរុញ​ការ​ផលិត​ទឹកដោះគោ​ក្នុងស្រុក និង​ពង្រឹង​ខ្សែ​ច្រវាក់​ផលិតកម្ម​ក្នុង​ប្រទេស ​។
•​ ​បង្កើត​ឱកាស​ការងារ និង​ចូលរួម​ជំរុញ​កំណើន​សេដ្ឋកិច្ចជាតិ​ ។

ការ​វិនិយោគ​នេះ​បង្ហាញ​ពី​ទំនុកចិត្ត​របស់​ក្រុមហ៊ុន​ចំពោះ​សក្តានុពល​សេដ្ឋកិច្ច​កម្ពុជា និង​ការ​ប្តេជ្ញា​ចិត្ត​ក្នុង​ការ​រីក​ចម្រើន​ជាមួយ​ប្រទេស​ជាតិ​រយៈពេល​វែង​ ។ បន្ត​បេសកកម្ម «AngkorMilk នៅ​ជាមួយ​អ្នក ដើម្បី​អ្នក​»

ក្នុង​ឱកាស​ខួប ១០​ឆ្នាំ​នេះ AngkorMilk បាន​បញ្ជាក់​ពី​ការ​ប្តេជ្ញា​ចិត្ត​បន្ត​ផ្តល់​ផលិតផល​ទឹកដោះគោ​ដែល​មាន គុណភាព សុវត្ថិភាព និង​អាហារូបត្ថម្ភ​ល្អ​សម្រាប់​ប្រជាជន​កម្ពុជា ព្រមទាំង​បន្ត​វិនិយោគ​លើ​ការ​បង្កើត​ការងារ អភិវឌ្ឍ​ជំនាញ​ក្នុងស្រុក គាំទ្រ​វិស័យ​អប់រំ និង​ចូលរួម​ថែរក្សា​បរិស្ថាន​ ។ ថ្នាក់ដឹកនាំ​ក្រុមហ៊ុន​បាន​ថ្លែងអំណរគុណ​ចំពោះ​អតិថិជន អ្នក​ចែកចាយ​បន្ត អ្នក​លក់ដុំ អ្នក​លក់រាយ ដៃគូ​អាជីវកម្ម និង​បុគ្គលិក​ទាំងអស់ ដែល​បាន​រួម​ដំណើរ​ជាមួយ AngkorMilk ក្នុង​រយៈពេល ១០​ឆ្នាំ​កន្លង​មក ​។

ជាមួយ​គ្នា​នេះ ក្រុមហ៊ុន​ក៏​បាន​លើកទឹកចិត្ត​ដល់​សិស្សានុសិស្ស​ឱ្យ​ខិតខំ​សិក្សា​រៀនសូត្រ ប្រើប្រាស់​ចំណេះដឹង​ដើម្បី​អភិវឌ្ឍ​ខ្លួន និង​ក្លាយជា​ធនធានមនុស្ស​ដ៏​មាន​សក្តានុពល​សម្រាប់​ប្រទេស​ជាតិ​នា​ពេល​អនាគត ​។ ការ​ប្រគល់​អគារសិក្សា​នេះ គឺជា​ការ​បង្ហាញ​ពី​ស្មារតី​ចែករំលែក និង​ការ​រីក​ចម្រើន​រួម​គ្នា​រវាង​វិស័យ​ឯកជន និង​សហគមន៍ ក្រោម​ទស្សនៈ «​ខ្មែរ​ជួយ​ខ្មែរ​! AngkorMilk ផលិត​សម្រាប់​ប្រជាជន​កម្ពុជា និង​រីក​ចម្រើន​ជាមួយ កម្ពុជា​!» ៕ អត្ថបទសហការ