រាជធានីភ្នំពេញ ៖ ឆ្លើយតបទៅនឹងការគាំទ្រយ៉ាងខ្លាំងពីសំណាក់អាណាព្យាបាលដែលមានជីវភាពកម្រិតមធ្យម និងក្រោមមធ្យម សាលារៀន ណត្សឡាញន៍ បានប្រកាសបើកសាខាទី ៣ របស់ខ្លួននៅតំបន់ចោមចៅ ដែលជាការបោះជំហានថ្មីមួយក្នុងការផ្តល់នូវ សេវាកម្មអប់រំចំណេះទូទៅខ្មែរ ភាសាអង់គ្លេស និងភាសាចិន ប្រកបដោយគុណភាពខ្ពស់ ព្រមទាំងការបណ្តុះបណ្តាលភាពជាអ្នកដឹកនាំដល់សិស្សានុសិស្ស ។
ក្នុងកម្មវិធីសន្និសីទសារព័ត៌មាន និងបទបង្ហាញអំពីសាលារៀន ណត្សឡាញន៍ សាខាទី ៣ ចោមចៅ កាលពីថ្ងថៃទី ១៨ ខែកក្កដា ឆ្នាំ ២០២៦ មកនេះ ឧកញ៉ាបណ្ឌិត ប៉ិច បូឡែន អគ្គនាយកក្រុមហ៊ុន វេសឡាញ អេឌ្យូខេសិនគ្រុប បានបង្ហាញថា បច្ចុប្បន្នសាលារៀន មានចំនួន ៣សាខា ក្នុងរាជធានីភ្នំពេញ ដែលជាគ្រឹះស្ថានអប់រំមួយក្នុងចំណោមគ្រឹះស្ថានអប់រំ នានារបស់បណ្តាញគ្រឹះស្ថានអប់រំ និងបណ្តុះបណ្តាល វេសឡាញអេខ្យូខេសិនគ្រុប។ សាខាទី១ ស្ថិតនៅស្ទឹងមានជ័យ និងសាខាទី២ នៅតំបន់ចំការដូង។ គិតមកត្រឹមខែកក្កដា ឆ្នាំ ២០២៦ នេះ សាលារៀនមានសិស្សចំនួនជាង ១,៥០០នាក់ និងបុគ្គលិកសរុបជាង ១៣០នាក់ ។ បន្ថែមពីលើនេះ បច្ចុប្បន្នសាលាបានបើក សាខាទី៣ ដែលមានទីតាំងនៅចោមចៅ ដែលនឹង ដំណើរការនៅថ្ងៃទី ០៣ ខែសីហា ២០២៦ ខាងមុខនេះផងដែរ ។
ឧកញ៉ាបណ្ឌិត ប៉ិច បូឡែន បន្ថែមថា សាលារៀនមានចក្ខុវិស័យនឹងក្លាយជាសាលា រៀនឈានមុខគេក្នុងការផ្តល់នូវសេវាកម្មអប់រំចំណេះទូទៅខ្មែរ ភាសាអង់គ្លេស និងភាសាចិន ប្រកបដោយគុណភាព គុណធម៌ មនុស្សធម៌ សុជីវធម៌ និងភាពជាអ្នកដឹកនាំ ។
ផ្តល់ការអប់រំចំណេះទូទៅខ្មែរពីកម្រិតមត្តេយ្យដល់ថ្នាក់ទី ១២ តាមប្រព័ន្ធគុណភាព អប់រំជាតិ ការអប់រំភាសាចិនសម្រាប់ កុមារពីកម្រិត១ដល់កម្រិតទី ១២ ប្រកបដោយគុណភាព ខ្ពស់ និងផ្តោតលើការហ្វឹកហាត់ជំនាញក្នុងការនិយាយ ទំនាក់ទំនងទៅនឹងសង្គម និងវប្បធម៌ និងការអប់រំភាសាអង់គ្លេសទូទៅពីកម្រិតមត្តេយ្យដល់កម្រិតខ្ពស់តាមបទដ្ឋាន គុណភាពអប់ រំអាមេរិកាំង ដល់សាធារណៈជនទូទៅក្នុងតម្លៃសមរម្យ ។
សាលាតែងយកចិត្តទុកដាក់ក្នុងការសហការជាមួយរាជរដ្ឋាភិបាលកម្ពុជា ក្នុងការលើក ស្ទួយវិស័យអប់រំ អភិវឌ្ឍធនធានមនុស្សលើកកម្ពស់វិស័យសេដ្ឋកិច្ចក្នុងទិសដៅរួមចំណែក កាត់បន្ថយភាពក្រីក្រនៅកម្ពុជា ។ អនុវត្តជាគំរូគេដល់ស្ថាប័នអប់រំដទៃទៀតក្នុងប្រទេសកម្ពុជា ក្នុងការផ្តល់ការអប់រំប្រកបដោយគុណភាព គុណធម៌ មនុស្ស ធម៌សុជីវធម៌ និងភាពជាអ្នកដឹក នាំក្នុងការអភិវឌ្ឍសង្គមជាតិ និងពិភពលោកទាំងមូល ។
ឧកញ៉ាបណ្ឌិត ប៉ិច បូឡែន បញ្ជាក់ថា សម្រាប់សាលារៀនណត្សឡាញន៍ ការពង្រីកខ្លួននេះ គឺសបញ្ជាក់អំពីការទទួលស្គាល់គុណភាព សេវាកម្មអប់រំ និងតម្លៃសមរម្យពីសំណាក់មាតាបិតាអាណាព្យាបាល ។ ដោយផ្ដោតសំខាន់ទៅលើមាតាបិតាអាណាព្យាបាលដែលមានកម្រិតជីវភាពថ្នាក់កណ្ដាល និងក្រោមកណ្ដាលបន្តិច តំបន់ចោមចៅនេះ គឺស័ក្ដិសមបំផុតសម្រាប់ការចាប់បើកសាខាថ្មី ។
នៅក្នុងកម្មវិធីសន្និសីទកាសែត ឧកញ៉ាបណ្ឌិត ប៉ិច បូឡែន បានមានប្រសាសន៍ថា នៅទីនេះសាលាមានផ្តល់ជូនដល់សិស្សចំនួន ៣ភាសា គឺខ្មែរ អង់គ្លេស និងចិន ដើម្បីឱ្យកូនៗមានចំណេះដឹងសកល ព្រោះថា ថ្ងៃក្រោយពេលទៅរៀននៅក្រៅប្រទេសស្ថិតក្នុងមជ្ឈដ្ឋានចម្រុះជាតិសាសន៍ ដូច្នេះយើងផ្តោតក្រៅពីភាសាអង់គ្លេស គឺភាសាចិន ។ ហេតុដូច្នេះហើយបានជាសាលាឱ្យសិស្សចប់បាក់ឌុបចេះភាសាអង់គ្លេសស្ទាត់ជំនាញ ហើយចេះចិនខ្លះថែមទៀត ដើម្បីប្រាស័យទាក់ទងគ្នាបាន ។ ក្រៅពីនេះកាអប់រំអារម្មណ៍ផ្លូវចិត្តដល់សិស្ស គឺជារឿងសំខាន់ណាស់ដែលសាលាផ្តល់ជូន ដើម្បីឱ្យសិស្សមានភាពអំណត់អត់ធ្មត់ ។
សូមរំលឹកថា សាលារៀនណត្សឡាញន៍ បានបង្កើតឡើងក្នុងខែកក្កដា ឆ្នាំ ២០០៨ ត្រូវបានទទួលស្គាល់ដោយក្រសួងអប់រំ យុវជន និងកីឡា ។ បច្ចុប្បន្នសាលារៀនមានចំនួន ៣ សាខា ក្នុងរាជធានីភ្នំពេញ ដែលជាគ្រឹះស្ថានអប់រំមួយក្នុងចំណោមគ្រឹះស្ថានអប់រំនានារបស់ បណ្តាញគ្រឹះស្ថានអប់រំ និងបណ្តុះបណ្តាល វេសឡាញអេល្យូខេសិនគ្រុប ។ សាខាទី ១ ស្ទឹងមានជ័យ សាខាទី ២ ចំការដូង គិតមកត្រឹម ខែកក្កដា ឆ្នាំ ២០២៦ នេះ សាលារៀនមានសិស្ស ចំនួនជាង ១,៥០០នាក់ និងបុគ្គលិកសរុបជាង ១៣០នាក់ ។ ហើយបច្ចុប្បន្ននេះសាលាបានបើក សាខាទី ៣ ដែលមានទីតាំងនៅចោមចៅ ដែលដំណើរការនៅថ្ងៃទី ០៣ ខែសីហា ២០២៦ ។
សាលារៀនមានចក្ខុវិស័យ នឹងក្លាយជាសាលារៀនឈានមុខគេ ក្នុងការផ្តល់នូវសេវាកម្ម អប់រំចំណេះទូទៅខ្មែរ ភាសាអង់គ្លេស និងភាសាចិន ប្រកបដោយគុណភាព គុណធម៌ មនុស្សធម៌ សុជីវធម៌ និងភាពជាអ្នកដឹកនាំ ។ ផ្ដល់ការអប់រំចំណេះទូទៅខ្មែរពីកម្រិតមត្តេយ្យដល់ថ្នាក់ទី ១២ តាមប្រព័ន្ធគុណភាពអប់រំ ជាតិ ការអប់រំភាសាចិនសម្រាប់កុមារពីកម្រិត ១ ដល់កម្រិតទី ១២ ប្រកបដោយគុណភាពខ្ពស់ និងផ្ដោតលើការហ្វឹកហាត់ជំនាញក្នុងការនិយាយ ទំនាក់ទំនងទៅនឹងសង្គម និងវប្បធម៌ និងការ អប់រំភាសាអង់គ្លេសទូទៅពីកម្រិតមត្តេយ្យដល់កម្រិតខ្ពស់តាមបទដ្ឋាន គុណភាពអប់រំអាមេរិ កាំង ដល់សាធារណៈជនទូទៅក្នុងតម្លៃសមរម្យ ។
កម្មវិធីសិក្សាគោល គឺមានថ្នាក់ថែទាំ និងអប់រំកុមារតូច (អាយុ ១៨ខែ – ក្រោម ៣ឆ្នាំ ) ពាក់កណ្តាលថ្ងៃ និងពេញមួយថ្ងៃ ។ កម្មវិធីមត្តេយ្យភាសាអង់គ្លេស និងមត្តេយ្យភាសាខ្មែរ (អាយុ ៣ឆ្នាំ – ៥ឆ្នាំ) ។ កម្មវិធីភាសាអង់គ្លេសសម្រាប់កុមារ (អាយុ ៦ឆ្នាំ – ១២ឆ្នាំ) ។ កម្មវិធីភាសា ចិន (អាយុ ៦ឆ្នាំ – ១៨ឆ្នាំ) ។ កម្មវិធីភាសាអង់គ្លេសពេញម៉ោង និងក្រៅម៉ោង និងកម្មវិធីចំណេះ ទូទៅខ្មែរ (ថ្នាក់ទី១ ដល់ ទី១២) ។
កម្មវិធីសិក្សាអម មានដូចជា ៖ ការអភិវឌ្ឍភាពជាអ្នកដឹកនាំ និងចរិយាសម្បទា ។ ចំណេះដឹងសេដ្ឋកិច្ច ចំណេះដឹងហិរញ្ញវត្ថុ និងសហគ្រិនភាព ។ បំណិនកុំព្យូទ័រ បច្ចេកវិទ្យា និងឌីជីថល កម្មវិធីសិក្សាគាំទ្របន្ថែម ជាច្រើនទៀត។ សាលារៀនណត្សឡាញន៍ ប្តេជ្ញាផ្តល់ការអប់រំប្រកបដោយគុណភាព ដើម្បីអភិវឌ្ឍ សិស្សានុសិស្សឱ្យមានចំណេះដឹង ជំនាញ និងគុណតម្លៃសម្រាប់ភាពជោគជ័យក្នុងអនាគត ។ កម្មវិធីសិក្សាគោលគុណភាពខ្ពស់ រួមជាមួយកម្មវិធីសិក្សាអម និងកម្មវិធីសិក្សាបន្ថែមយ៉ាង សម្បូរបែប មានបង្រៀនបំណិនសម្បទា អប់រំសុខភាព និងប្រឹក្សាយោបល់ ។
សូមបញ្ជាក់ផងដែរថា ក្នុងកម្មវិធីសន្និសីទកាសែត មានការចូលរួមពីអាណាព្យាបាល ដៃគូអាជីវកម្ម អាជ្ញាធរក្នុងតំបន់ ថ្នាក់ដឹកនាំក្រុមហ៊ុន វេសឡាញ អេឌ្យូសិនគ្រុប ប្រមាណជាង ១០០នាក់។ ក្នុងនោះ អ្នកអាណាព្យាបាលបានធ្វើដំណើរទស្សនៈកិច្ចអគារ សិក្សាថ្មី សម្ភារបរិក្ខា សិក្សា ព្រមទាំងចុះឈ្មោះកូនៗចូលរៀនផងដែរ ៕ អត្ថបទសហការ
ចែករំលែកព័តមាននេះ