រាជធានីភ្នំពេញ ៖ នៅពេលដែលឆ្នាំសិក្សាជោគជ័យមួយទៀតបានមកដល់ យើងខ្ញុំជាថ្នាក់ដឹកនាំសាលា សូមថ្លែងអំណរគុណចំពោះការលះបង់ ភាពជាដៃគូ និងការសហការល្អរបស់អ្នកពាក់ព័ន្ធ លោកគ្រូ អ្នកគ្រូ បុគ្គលិក មាតាបិតា ។ រាល់ព្រឹត្តិការណ៍របស់សាលា និងសមិទ្ធផលពេញមួយឆ្នាំ គឺអាចកើតឡើងបានដោយសារតែការគាំទ្រ និងការប្តេជ្ញាចិត្តឥតងាករេរបស់លោកអ្នក ។
សាលាអន្តរជាតិ វើលដ៏ កម្ពុជា (World International School Cambodia) ដែលជាសាលាដ៏ល្បីឈ្មោះមួយនៅរាជធានីភ្នំពេញ កាលពីថ្ងៃសៅរ៍ ទី ១១ ខែកក្កដា ឆ្នាំ ២០២៦ នៅអគារ ដឹ ព្រេមៀ សេនធ័រ សែនសុខ អគារ A2 បានរៀបចំពិធីប្រគល់សញ្ញាបត្របញ្ចប់ការសិក្សាសិស្សថ្នាក់ទី ៩ ថ្នាក់ទី ១២ ព្រមទាំងផ្នែកភាសាអង់គ្លេសថ្នាក់ K2, P6, S4, S6 និងបណ្ណសរសើរជូនសិស្សឆ្នើម ប្រចាំឆ្នាំសិក្សា ២០២៥-២០២៦ ទាំង ៣សាខាគឺ ៖ សាខាទឹកល្អក់ សាខាទួលគោក និងសាខាព្រីមៀមច្បារអំពៅ ។
ពិធីដ៏ឱឡារិកអធិកអធមនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់លោកជំទាវឧកញ៉ា សាយ សោភា នាយកសាលាអន្តរជាតិ វើលដ៏ កម្ពុជា ព្រមទាំងគណៈគ្រប់គ្រង សាស្ត្រាចារ្យ បុគ្គលិក និងអាណាព្យាបាល យ៉ាងច្រើនកុះករផងដែរ ។ បរិយាកាសនៅក្នុងកម្មវិធីទាំងមូលត្រូវបានគ្របដណ្តប់ទៅដោយភាពរំភើប រីករាយ និងក្តីរំជួលចិត្តជាពន់ពេក ជាពិសេសនៅពេលដែលឈ្មោះសិស្សម្នាក់ៗត្រូវបានប្រកាសឡើងដើម្បីទទួលសញ្ញាបត្រ បណ្ណសរសើរផ្ទាល់ពីគណៈអធិបតី ។ ទឹកមុខញញឹមស្រស់ស្រាយ លាយឡំនឹងទឹកភ្នែកនៃក្តីរំភើបរបស់អាណាព្យាបាល នៅពេលបានឃើញកូនៗឈរនៅលើឆាកក្នុងឈុតអាវទទួលសញ្ញាបត្រ បានធ្វើឱ្យកម្មវិធីទាំងមូលកាន់តែមានអត្ថន័យ និងចងចាំមិនភ្លេច ។
ពិធីប្រគល់សញ្ញាបត្របញ្ចប់ការសិក្សា និងបណ្ណសរសើរ ជូនសិស្សានុសិស្សនៅពេលនេះ មិនត្រឹមតែជាការអបអរសាទរចំពោះភាពជោគជ័យផ្នែកការសិក្សារបស់សិស្សានុសិស្សប៉ុណ្ណោះទេ ប៉ុន្តែវាក៏ជាសក្ខីភាពមួយបង្ហាញពីការប្តេជ្ញាចិត្តខ្ពស់របស់សាលាអន្តរជាតិ វើលដ៏ កម្ពុជា (World International School Cambodia) ក្នុងការបណ្តុះបណ្តាលធនធានមនុស្សប្រកបដោយគុណភាព និងស្តង់ដារអន្តរជាតិ ។
ទន្ទឹមនឹងនេះ គណៈគ្រប់គ្រងសាលាក៏បានថ្លែងអំណរគុណយ៉ាងជ្រាលជ្រៅជូនចំពោះមាតាបិតា និងអាណាព្យាបាលទាំងអស់ ដែលតែងតែផ្តល់ទំនុកចិត្ត និងកិច្ចសហការយ៉ាងជិតស្និទ្ធជាមួយសាលា ក្នុងការជ្រោមជ្រែងបុត្រធីតាឱ្យដើរលើវិថីអប់រំដ៏ត្រឹមត្រូវ ។
គណៈគ្រប់គ្រងនៃសាលាអន្តរជាតិ វើលដ៏ កម្ពុជា (World International School Cambodia) សូមកោតសរសើរយ៉ាងក្រៃលែងចំពោះការខិតខំប្រឹងប្រែង និងការតស៊ូព្យាយាមរបស់ប្អូនៗសិស្សានុសិស្សដែលបានខិតខំប្រឹងប្រែងរៀនសូត្ររហូតទទួលបានជោគជ័យនាថ្ងៃនេះ ។ សូមជូនពរប្អូនៗទាំងអស់ឱ្យកាន់តែទទួលបានជោគជ័យ និងការសិក្សាបន្តទៅមុខទៀត ដើម្បីរួមចំណែកអភិវឌ្ឍសង្គមជាតិទាំងមូល ។
គួរបញ្ជាក់ផងដែរថា សាលាអន្តរជាតិ វើលដ៏ កម្ពុជា (World International School Cambodia) តែងតែឈរជើងជាគ្រឹះស្ថានអប់រំឈានមុខគេមួយនៅកម្ពុជា ដែលមិនត្រឹមតែផ្តោតលើចំណេះដឹងទូទៅតាមកម្មវិធីសិក្សាជាតិ និងអន្តរជាតិ ប៉ុណ្ណោះទេ ប៉ុន្តែថែមទាំងយកចិត្តទុកដាក់ខ្ពស់លើការបណ្តុះបណ្តាលសិស្សានុសិស្សឱ្យមានជំនាញទន់ គំនិតច្នៃប្រឌិត និងសីលធម៌រស់នៅល្អ ដើម្បីក្លាយជាពលរដ្ឋល្អ និងជាទំពាំងស្នងឫស្សីដ៏រឹងមាំសម្រាប់អភិវឌ្ឍសង្គមជាតិទៅថ្ងៃអនាគតផងដែរ ។
កម្មវិធីសិក្សាអន្តរជាតិ សិង្ហបុរី និង Cambridge
ទទួលស្គាល់ដោយ Cambridge ពីចក្រភពអង់គ្លេស
សិក្សា ៣ភាសា ៖ ភាសាខ្មែរ អង់គ្លេស និងភាសាចិន
ថ្នាក់មធ្យមសិក្សាកម្មវីធីសិក្សា Cambridge IGCSE AS / A Level
សញ្ញាបត្រថ្នាក់ទី ១២អន្តរជាតិ មានតម្លៃសមមូលនឹងសញ្ញាបត្រទុតិយភូមិជាតិ(ថ្នាក់ទី ១២)
ទទួលសិស្សចូលរៀនចាប់ពីអាយុ ១ឆ្នាំ ៨ខែ ៕ អត្ថបទសហការ
ចែករំលែកព័តមាននេះ