ឱកាសពិសេស ! ហាយ-ធិច ត្រៀមផ្តល់រង្វាន់ធំសម្រាប់សិស្សពូកែប្រឡងបាក់ឌុបឆ្នាំនេះ
រាជធានីភ្នំពេញ, ថ្ងៃទី ២៣ ខែសីហា ឆ្នាំ ២០២៥ ៖ ឱកាសពិសេសសម្រាប់ប្អូនៗសិស្សានុសិស្សដែលជាបេក្ខជនប្រឡងបាក់ឌុប ឆ្នាំ ២០២៥…
រាជធានីភ្នំពេញ, ថ្ងៃទី ២៣ ខែសីហា ឆ្នាំ ២០២៥ ៖ ឱកាសពិសេសសម្រាប់ប្អូនៗសិស្សានុសិស្សដែលជាបេក្ខជនប្រឡងបាក់ឌុប ឆ្នាំ ២០២៥ នេះ នឹងទទួលបានរង្វាន់ពីក្រុមហ៊ុន ហាយ-ធិច ។ ការប្រឡងសញ្ញាបត្រមធ្យមសិក្សាទុតិយភូមិ ឆ្នាំ ២០២៥ នៅថ្ងៃទី ២៨-២៩ ខែសីហា ឆ្នាំ ២០២៥ ជិតចូលមកដល់ហើយ តើប្អូនៗសិស្សានុសិស្សបានត្រៀមខ្លួនហើយ ឬនៅ ?
ដើម្បីចូលរួមលើកស្ទួយវិស័យអប់រំនៅប្រទេសកម្ពុជា ក្រុមហ៊ុន ហាយ-ធិច បានសន្យាថា នឹងផ្តល់រង្វាន់ជូនដល់សិស្សានុសិស្សដែលជាសិស្សពូកែប្រលងបាននិទ្ទេស A លំដាប់ប្រចាំប្រទេស និងចំណាត់ខ្ពស់ប្រចាំវិទ្យាល័យ ហ៊ុន សែន ច្បារអំពៅ ។ ដើម្បីទទួលបានរង្វាន់ពីក្រុមហ៊ុនទឹកពិសា ហាយ-ធិច សូមប្អូនៗដែលជាបេក្ខជនប្រឡងបាក់ឌុប ឆ្នាំ ២០២៥ ទាំងអស់ប្រឹងប្រែងឱ្យអស់សម្ថភាពសម្រាប់ថ្ងៃដ៏ពិសេសខាងមុខនេះ ដែលរង្វាន់រួមមាន ៖ សម្រាប់សិស្សានុសិស្សទូទាំងប្រទេសដែលជាប់ចំណាត់ថ្នាក់លេខ ១ លេខ ២ និងលេខ ៣ ក្នុងចំណោមសិស្សដែលមានពិន្ទុខ្ពស់ជាងគេ នឹងទទួលបានម៉ូតូ Honda Beat 2025 ម្នាក់មួយគ្រឿង ។ សម្រាប់សិស្សានុសិស្សជាប់ចំណាត់ថ្នាក់ពីលេខ ១ ដល់ លេខ ៥ ប្រចាំវិទ្យាល័យ ហ៊ុន សែន ច្បារអំពៅ នឹងទទួលបានកំព្យូទ័រយួរដៃ ASUS Vivobook ម្នាក់មួយគ្រឿង ។
ការប្រកាសផ្តល់រង្វាន់ជូនសិស្សានុសិស្សដែលជាប់ចំណាត់ថ្នាក់ខ្ពស់នេះបានសបញ្ជាក់ឱ្យឃើញថា ហាយ-ធិច ពិតជាបានប្តេជ្ញាលើកទឹកចិត្តដល់ការសិក្សារបស់ប្អូនៗសិស្សានុសិស្សដែលជាទំពាំងស្នងឫស្សីរបស់ប្រទេសជាតិ ។
សូមបញ្ជាក់ផងដែរថា នេះគឺជាលើកទី ១ ហើយដែលក្រុមហ៊ុន ហាយ-ធិច មានមោទនភាពផ្ដួចផ្ដើមកម្មវិធីផ្តល់រង្វាន់លើកទឹកចិត្តដ៏អស្ចារ្យនេះឡើង ជាការអបអរសាទរដល់ការខិតខំប្រឹងប្រែងរបស់ប្អូនៗថ្នាក់ទី ១២ ។ ដូច្នេះសូមប្អូនៗទាំងអស់គ្នាប្រឹងប្រែងឱ្យអស់ពីសមត្ថភាព ដើម្បីសម្រេចក្តីស្រមៃ ហើយកុំភ្លេចឱកាសទទួលបានរង្វាន់កំពុងរង់ចាំ ។
ស៊ូស៊ូ ! ជ័យលាភីជារបស់ប្អូនៗ ! ។ ទឹកពិសា ហាយ-ធិច ត្រូវបានផលិតឡើងដោយស្នាដៃកូនខ្មែរសុទ្ធសាធ និងមានការទទួលស្គាល់ជាអន្តរជាតិ ទៅលើស្តង់ដារគុណភាព និងអនាម័យ ។ នេះជាមោទនភាពផលិតផលខ្មែរ ! ៕ អត្ថបទសហការ
ចែករំលែកព័តមាននេះ