ADផ្ទាំងផ្សព្វផ្សាយពាណិជ្ជកម្ម

អបអរសាទរ ! ក្រុមហ៊ុន ហនុមាន ឧបត្ថម្ភ $300 ក្នុងមួយខែ បំពេញក្តីស្រមៃប្អូនស្រីជនភៀសសឹតចង់ក្លាយជាគ្រូបង្រៀន

2 ថ្ងៃ មុន

០៦ ខែ សីហា ឆ្នាំ ២០២៥ ម៉ោង ១៤:៣១

រាជធានីភ្នំពេញ ៖ Nelly ជាឈ្មោះហៅក្រៅ នាងជាក្មេងស្រីម្នាក់ក្នុងចំណោមជនភៀសសឹតជាច្រើននាក់ដែលបានភៀសខ្លួនពីជម្លោះព្រំដែនកម្ពុជា-ថៃ ។ ឪពុករបស់នាងបានទទួលមរណភាពកាលពី ២ ឆ្នាំមុនដោយសារជំងឺ ដែលធ្វើឱ្យនាងត្រូវបង្ខំចិត្តឈប់រៀន ដើម្បីជួយផ្គត់ផ្គង់ជីវភាពគ្រួសារ ។
ស្ថិតក្នុងវ័យ ១៦ ឆ្នាំ ទោះបីជានាងប្រឈមនឹងការលំបាកយ៉ាងណាក៏ដោយ Nelly អាចនិយាយបានរហូតដល់ ៤ ភាសា រួមមាន ៖ ភាសាខ្មែរ ភាសាឥណ្ឌូនេស៊ី ភាសាអង់គ្លេស និងភាសាចិន (តិចតួច) ដោយគ្រាន់តែរៀនតាម App តែប៉ុណ្ណោះ ។ ជាមួយនឹងសមត្ថភាពដ៏អស្ចារ្យនេះ ក្តីស្រមៃរបស់នាង គឺចង់ក្លាយជាគ្រូបង្រៀនម្នាក់ ។

ដោយមើលឃើញពីការលំបាក និងបំពេញក្តីស្រមៃ ក្រុមហ៊ុន ហនុមាន បានចូលខ្លួនជួយជ្រោមជ្រែងក្តីស្រមៃរបស់ Nelly ។ តាមរយៈវីដេអូសម្ភាសរបស់ Nelly នៅលើ TikTok ជាមួយគណនីឈ្មោះ Chinamac បានទាក់ទាញចំណាប់អារម្មណ៍យ៉ាងខ្លាំងពីមហាជន ដោយសារតែការនិយាយភាសាអង់គ្លេសយ៉ាងស្ទាត់ជំនាញរបស់នាង ។ ដោយមើលឃើញពីភាពប៉ិនប្រសប់ និងការតស៊ូរបស់នាង ក្រុមហ៊ុន ហនុមាន បានសម្រេចចិត្តឧបត្ថម្ភដល់នាងដោយផ្ដល់ប្រាក់ $300 ក្នុងមួយខែ រយៈពេល ៣ ឆ្នាំ ។

ជំនួយនេះមានគោលបំណងលើកទឹកចិត្តដល់ Nelly ដើម្បីឱ្យនាងបានបន្តការសិក្សារបស់នាងឱ្យបានចប់សព្វគ្រប់ និងសម្រេចក្តីស្រមៃចង់ក្លាយជាគ្រូបង្រៀននាពេលអនាគត ។ នេះគឺជាកាយវិការដ៏សប្បុរសធម៌មួយរបស់ក្រុមហ៊ុន ហនុមាន ដែលតែងតែចូលរួមចំណែកក្នុងសកម្មភាពសង្គម ។ Nelly ពិតជាតំណាងឱ្យ «ទំពាំងស្នងឫស្សី» ដ៏ពិតប្រាកដ ! ៕ អត្ថបទសហការ