រាជធានីភ្នំពេញ ៖ សហគមន៍ខ្មែរនៅកូរ៉េ ជប៉ុន និងម៉ាឡេស៊ី ប្រមាណ ៥០០នាក់ដែលមានក្មេង ចាស់ ប្រុស ស្រី…
រាជធានីភ្នំពេញ ៖ សហគមន៍ខ្មែរនៅកូរ៉េ ជប៉ុន និងម៉ាឡេស៊ី ប្រមាណ ៥០០នាក់ដែលមានក្មេង ចាស់ ប្រុស ស្រី នៅថ្ងៃទី ៣១ ខែកក្កដា ឆ្នាំ ២០២៥ បានប្រមូលផ្តុំគ្នាសម្តែងមតិថ្លែងអំណរគុណ លោកប្រធានាធិបតីអាម៉េរិក ដែលបានជួយឱ្យមានបទឈប់បា.ញ់គ្នារវាងកងទ័ពកម្ពុជា និងថៃក្រោយការឈ្លានពានពីប្រទេសថៃមកលើកម្ពុជា ។
ក្នុងដៃកាត់បដា និងមេក្រូ ក្រុមអ្នកប្រមូលផ្តុំបានស្រែកថា «ថ្លែងអំណរគុណ លោកប្រធានាធិបតី ដូណាល់ ត្រាំ ដែលបានជួយឱ្យមានបទឈប់បា.ញ់ និងសន្តិភាពនៅកម្ពុជា!”» ។ ការជួបជុំរបស់សហគមន៍ខ្មែរនេះធ្វើឡើងនៅក្នុងប្រទេសកូរ៉េខាងត្បូង ប្រទេសជប៉ុន និងប្រទេសម៉ាឡេស៊ី ដើម្បីថ្លែងអំណរគុណដល់ប្រធានាធិបតីអាម៉េរិក លោក ដូណាល់ ត្រាំ ដែលបានគាំទ្រឱ្យមានបទឈប់បា.ញ់រវាងកម្ពុជា-ថៃ ក្រោយយោធាកម្ពុជារងការវាយប្រហារដោយយោធាថៃ កាលពីថ្ងៃទី ២៤ ខែកក្កដា ឆ្នាំ២០២៥ ដែលបណ្តាលឱ្យបាត់បង់ជីវិតមនុស្សរាប់សិបនាក់ និងខូចខាតទ្រព្យសម្បត្តិជាច្រើន ។ ក្រុមអ្នកប្រមូលផ្តុំបានស្រែកដូចគ្នាថា បទឈប់បា.ញ់នេះបានជួយសង្គ្រោះជីវិតមនុស្សពីសេចក្តីស្លា.ប់ដោយសារគ្រាប់កាំភ្លើងដែលជាមហន្តរាយដែលពលរដ្ឋខ្មែរមិនចង់ឃើញនោះឡើយ ។
គួររំលឹកថា ក្នុងពេលប្រមូលផ្តុំ ក្រុមសហគមន៍ខ្មែរទាំងបីប្រទេស បានច្រៀងបទនគររាជ និងបទពង្សាវតារខ្មែរ និងបទគន់មើលទៅមេឃ រួមទាំងរំលឹកគុណដល់វីរៈកងទ័ពទាំងអស់ដែលបានពលីក្នុងសមរភូមិប្រឆាំងការឈ្លានពាន ។
សូមបញ្ជាក់ថា ដើម្បីប្រឆាំងការឈ្លានពានពីយោធាថៃមកលើអធិបតីភាពរបស់កម្ពុជា ពលរដ្ឋខ្មែរទាំងក្នុង និងក្រៅប្រទេសរាប់ម៉ឺននាក់បានប្រមូលផ្តុំគ្នាចេញធ្វើបាតុកម្មតវ៉ាប្រឆាំងនឹងការឈ្លានពានរបស់ថៃដែលបានសម្លា.ប់ជីវិតពលរដ្ឋស្លូតត្រង់ បំផ្លិចបំផ្លាញទ្រព្យសម្បត្តិ ហេដ្ឋារចនាសម្ព័ន្ធ និងប្រាង្គប្រាសាទខ្មែរដែលជាសម្បត្តិបេតិកភណ្ឌពិភពលោក រួមទាំងបង្កើតឱ្យមានជនភៀសសឹករាប់សិបម៉ឺននាក់ ៕ អត្ថបទសហការ
ចែករំលែកព័តមាននេះ