ADផ្ទាំងផ្សព្វផ្សាយពាណិជ្ជកម្ម

គន្លឹះរក្សាទំនាក់ទំនងរវាងឪពុកម្តាយ និងកូនឱ្យរឹងមាំ !

1 ខែ មុន

៣១ ខែ កក្កដា ឆ្នាំ ២០២៥ ម៉ោង ១៦:៣៦

រាជធានីភ្នំពេញ ៖ កូនឈានដល់វ័យជំទង់ឪពុកម្តាយអាចប្រឈមនឹងបញ្ហាជាច្រើនដែលត្រូវបារម្ភ ។ កូនរបស់អ្នកកំពុងធ្វើរឿងថ្មីគួរឱ្យរំភើប ប៉ុន្តែពួកគេក៏កំពុងរុញច្រានព្រំដែន និងធ្វើឱ្យមានអារម្មណ៍មិនស្រួលផងដែរ ។ កូនរបស់អ្នកអាចដកខ្លួនច្រើនចេញពីឪពុកម្តាយ ហើយចាប់ផ្តើមអះអាងឯករាជ្យរបស់ពួកគេ ។ បញ្ហានេះអាចធ្វើឱ្យឪពុកម្តាយមានភាពស្មុគស្មាញ ជាពិសេសដោយសារតែក្មេងជំទង់ចាប់ផ្តើមធ្វើការសម្រេចចិត្តអំពីអ្វីដែលមានផលវិបាកជាក់ស្តែង ដូចជាសាលារៀន មិត្តភក្តិ ការបើកបរ នេះមិនទាន់និយាយអំពីការប្រើប្រាស់សារធាតុញៀន និងការរួមភេទនោះទេ ។ ពួកគេមិនទាន់អាចគ្រប់គ្រងអារម្មណ៍របស់ពួកគេបានល្អនៅឡើយទេ ដូច្នេះពួកគេងាយនឹងប្រថុយប្រថាន ហើយធ្វើការសម្រេចចិត្តដោយអន្ទះសារ ។ នេះមានន័យថា ទំនាក់ទំនងឪពុកម្តាយ និងកូនដែលមានសុខភាពល្អ និងជឿទុកចិត្តក្នុងកំឡុងវ័យជំទង់ គឺមានសារៈសំខាន់ជាងពេលណាទាំងអស់ ។

១. ស្តាប់ ៖ ប្រសិនបើអ្នកចង់ដឹងចង់ឃើញអំពីអ្វីដែលកំពុងកើតឡើងនៅក្នុងជីវិតរបស់ក្មេងជំទង់របស់អ្នក ការសួរសំណួរផ្ទាល់ចំៗប្រហែលជាមិនមានប្រសិទ្ធភាពដូចការអង្គុយស្តាប់ហើយនិយាយនោះទេ ។ ក្មេងៗទំនងជាបើកចំហរជាមួយឪពុកម្តាយរបស់ពួកគេ ប្រសិនបើពួកគេមិនមានសម្ពាធក្នុងការចែករំលែកព័ត៌មាន ។

២. ទទួលស្គាល់អារម្មណ៍របស់ពួកគេ ៖ ជារឿយៗ ឪពុកម្តាយព្យាយាមដោះស្រាយបញ្ហាសម្រាប់កូនៗ ឬកាត់បន្ថយការខកចិត្តរបស់ពួកគេ ។ ប៉ុន្តែការនិយាយអ្វីមួយដូចជា គាត់មិនស័ក្តិសមសម្រាប់កូនទេ បន្ទាប់ពីពួកគេខកចិត្តរឿងស្នេហាអាចបង្កើតអារម្មណ៍ច្របូកច្របល់ ។ ជំនួសមកវិញបង្ហាញពួកគេថា អ្នកដឹង និងយល់ចិត្តពួកគេដោយឆ្លុះបញ្ចាំងពីមនោសញ្ចេតនារបស់ពួកគេត្រឡប់មកវិញ ៖ ពិតមែនហើយ វាស្តាប់ទៅពិបាកណាស់ ។

៣. បង្ហាញការជឿទុកចិត្ត ៖ ក្មេងជំទង់ចង់បានការយកចិត្តទុកដាក់យ៉ាងខ្លាំង ជាពិសេសពីឪពុកម្តាយរបស់ពួកគេ ។ ចូររកមើលវិធីនានាដើម្បីបង្ហាញថា អ្នកជឿជាក់លើក្មេងជំទង់របស់អ្នក ។ ការឱ្យកូនរបស់អ្នកដឹងថា អ្នកមានជំនឿលើពួកគេនឹងបង្កើនទំនុកចិត្តរបស់ពួកគេ និងធ្វើឱ្យពួកគេកាន់តែមានឱកាសកើនឡើង ។

៤. កុំធ្វើជាអ្នកផ្តាច់ការ ៖ អ្នកនៅតែអាចកំណត់ច្បាប់បាន ប៉ុន្តែត្រូវត្រៀមខ្លួនដើម្បីពន្យល់ពួកគេឱ្យបានច្បាស់លាស់ និងសមហេតុផល ។

៥. សរសើរកូនរបស់អ្នក ៖ ឪពុកម្តាយតែងតែសរសើរកូនច្រើននៅពេលពួកគេនៅក្មេង ប៉ុន្តែក្មេងជំទង់ត្រូវការការលើកកំពស់ការគោរពខ្លួនឯងឱ្យបានច្រើនផងដែរ ។ ចូរស្វែងរកឱកាសដើម្បីបង្កើតភាពវិជ្ជមាន និងលើកទឹកចិត្តចំពោះកូនគឺល្អសម្រាប់ទំនាក់ទំនង ជាពិសេសនៅពេលដែលពួកគេមានអារម្មណ៍តានតឹង ។

៦. គ្រប់គ្រងអារម្មណ៍របស់អ្នក ៖ ឪពុកម្តាយងាយផ្ទុំកំហឹង នៅពេលក្មេងជំទង់របស់អ្នកមិនស្តាប់បង្គាប់ ឬឈ្លើយដាក់អ្នក ប៉ុន្តែកុំឆ្លើយតបដោយកំហឹង ។ សូមចងចាំថាអ្នកជាមនុស្សពេញវ័យ ហើយពួកគេមិនសូវចេះគ្រប់គ្រងអារម្មណ៍នោះទេ ។ រាប់ដល់ដប់ ឬដកដង្ហើមវែងៗ មុននឹងឆ្លើយតប ។

៧. ធ្វើអ្វីៗជាមួយគ្នា ៖ ការនិយាយ មិនមែនជាមធ្យោបាយតែមួយគត់ ដើម្បីប្រាស្រ័យទាក់ទងគ្នានោះទេ ហើយវាពិតជាល្អណាស់ប្រសិនបើអ្នកអាចចំណាយពេលធ្វើរឿងដែលអ្នកទាំងពីរចូលចិត្ត មិនថាធ្វើម្ហូប ឬដើរលេង ឬទៅមើលកុន ។

៨. ចែករំលែកអាហារធម្មតា ៖ ការអង្គុយញ៉ាំអាហារជុំគ្នាជាក្រុមគ្រួសារ គឺជាវិធីដ៏ល្អមួយទៀត ។ កុមារដែលមានអារម្មណ៍ល្អក្នុងការនិយាយជាមួយឪពុកម្តាយអំពីរឿងប្រចាំថ្ងៃ ទំនងជាបើកចំហរនៅពេលដែលពួកគេមានរឿងពិបាកៗកើតឡើងផងដែរ ។

៩. ត្រូវចេះសង្កេត ៖ វាជារឿងធម្មតាទេដែលកូនរបស់អ្នកមានការផ្លាស់ប្តូរខ្លះនៅពេលពួកគេពេញវ័យ ប៉ុន្តែត្រូវយកចិត្តទុកដាក់ ប្រសិនបើអ្នកកត់សម្គាល់ការផ្លាស់ប្តូរចំពោះអារម្មណ៍ អាកប្បកិរិយា កម្រិតថាមពល ឬចំណង់អាហាររបស់ពួកគេ ៕ ប្រភព ៖ childmind

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ បវេសនកាលឆ្នាំសិក្សាថ្មី ចូលរៀនថ្ងៃទី ៤ ខែសីហា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣១ ខែកក្កដា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕