រាជធានីភ្នំពេញ, ថ្ងៃទី ១០ ខែកក្កដា ឆ្នាំ ២០២៥ ៖ តើអ្នកធ្លាប់គិតថា ការព្យាបាលលំដាប់អន្តរជាតិមានតែនៅបរទេសមែនទេ ?…
រាជធានីភ្នំពេញ, ថ្ងៃទី ១០ ខែកក្កដា ឆ្នាំ ២០២៥ ៖ តើអ្នកធ្លាប់គិតថា ការព្យាបាលលំដាប់អន្តរជាតិមានតែនៅបរទេសមែនទេ ? ឥឡូវនេះលែងចាំបាច់ទៀតហើយ ! មន្ទីរពេទ្យ អឃីត ដែលជាមន្ទីរពេទ្យឯកទេសផ្នែកស្ត្រី និងកុមារល្បីឈ្មោះនៅកម្ពុជា ត្រូវបានទទួលស្គាល់ជាផ្លូវការនូវគុណភាពសេវាកម្មដ៏ខ្ពស់របស់ខ្លួនដោយការដណ្ដើមបានពានរង្វាន់ «មន្ទីរពេទ្យឯកទេសផ្នែកស្រ្តី និងកុមារ ប្រចាំប្រទេសកម្ពុជា» ពី GlobalHealth Asia-Pacific Awards 2025 ។ នេះជាមោទកភាពដ៏ធំធេងសម្រាប់ប្រទេសកម្ពុជាទាំងមូលដែលបង្ហាញថា យើងក៏មានមន្ទីរពេទ្យដែលមានស្តង់ដារ និងគុណភាពខ្ពស់ដូចបណ្ដាប្រទេសរីកចម្រើនដែរ ។
លោក ម៉ា អ៊ែមមឺសិន នាយកប្រតិបត្តិនៃមន្ទីរពេទ្យ អឃីត បានថ្លែងថា ៖ «ពានរង្វាន់នេះមិនមែនសម្រាប់តែមន្ទីរពេទ្យ អឃីត ប៉ុណ្ណោះទេ តែវាក៏ជាពានកិតិ្តយសសម្រាប់ប្រទេសកម្ពុជាទាំងមូលផងដែរ ។ ពានរង្វាន់នេះបង្ហាញថា យើងក៏មានមន្ទីរពេទ្យដែលមានស្តង់ដារ និងមានគុណភាពខ្ពស់នៅក្នុងប្រទេសកម្ពុជា ហើយសេវាកម្មផ្តល់ជូនដោយក្រុមគ្រូពេទ្យឯកទេសជនជាតិខ្មែរដែលមានទឹកចិត្តមេត្តា ករុណា មានក្រមសីលធម៌ និងវិជ្ជាជីវៈខ្ពស់ជាអ្នកប្រឹក្សា និងព្យាបាលដោយផ្ទាល់» ។
លើសពីនេះទៅទៀត ពានរង្វាន់នេះក៏បង្ហាញពីការប្តេជ្ញាចិត្តរបស់មន្ទីរពេទ្យ អឃីត ក្នុងការផ្តល់ជូននូវសេវាវេជ្ជសាស្ត្រដែលមានគុណភាពខ្ពស់ក្នុងការថែទាំសុខភាព រួមមាន ៖ ផ្នែកសម្ភព រោគស្ត្រី ផ្នែកកុមារ និងទារក សេវាផ្ទះលម្ហែមាតុភាព ផ្នែកត្រចៀក ច្រមុះ បំពង់ក ផ្នែកជំងឺទូទៅ និងផ្នែកវះកាត់ ។ ជាមួយក្រុមវេជ្ជបណ្ឌិតឯកទេសទៅតាមផ្នែកនីមួយៗ មន្ទីរពេទ្យ អឃីត នៅតែបន្តលើកកម្ពស់កម្រិតស្តង់ដារនៃសេវាថែទាំអ្នកជំងឺជាអាទិភាពចម្បងជានិច្ច ។
ដើម្បីឆ្លើយតបទៅនឹងតម្រូវការរបស់អតិថិជន មន្ទីរពេទ្យ អឃីត ក៏បានបើកដំណើរការមជ្ឈមណ្ឌលកែសម្ផស្ស ដែលផ្តល់ជូនការថែទាំទាំងសុខភាព និងសម្រស់ក្នុងពេលតែមួយ ជាមួយសេវាព្យួរសេរ៉ូមសុខភាព និងសម្រស់ សេវាវះកាត់កែសម្ផស្ស (សោភ័ណសល្យសាស្ត្រ) និងសេវាវះកាត់ផ្នែករោគស្ត្រី ដែលមានវេជ្ជបណ្ឌិតឯកទេសជាអ្នកផ្តល់សេវាដោយផ្ទាល់នៅក្នុងមន្ទីរពេទ្យដែលមានកម្រិតស្តង់ដារប្រកបដោយទំនុកចិត្តខ្ពស់ ។
តម្រូវការផ្នែកសុខភាពតែងមានការវិវត្តទៅតាមការរីកចម្រើនរបស់សង្គមជាតិ ពានរង្វាន់ និងការទទួលស្គាល់នេះ គឺជាសក្ខីភាពបង្ហាញយ៉ាងច្បាស់ថា ពលរដ្ឋកម្ពុជាមិនចាំបាច់ធ្វើដំណើរចេញទៅក្រៅប្រទេស ដើម្បីទទួលសេវាសុខាភិបាលទៀតនោះទេ ។ មន្ទីរពេទ្យ អឃីត គឺជាផ្នែកមួយនៃវឌ្ឍនភាព និងការអភិវឌ្ឍន៍នៃវិស័យសុខាភិបាលកម្ពុជា ផ្តល់ការថែទាំសុខភាពជូនគ្រប់ក្រុមគ្រួសារ និងរួមចំណែកកសាងអនាគតដ៏ល្អប្រសើរសម្រាប់ប្រជាជនកម្ពុជា ៕ អត្ថបទសហការ
ចែករំលែកព័តមាននេះ