រាជធានីភ្នំពេញ ៖ ឪពុកម្តាយជាច្រើនចាត់ទុកខ្លួនឯងថា ជាមនុស្សម្នាក់ដែលងាយស្រួលនិយាយជាមួយ ហើយកូននឹងរត់ទៅរកឪពុកម្តាយនៅពេលពួកគេត្រូវការ ។ ប៉ុន្តែសូមប្រាកដថា អ្នកដឹងទាំងស្រុងទេ ? កូនមានលាក់បាំង…
រាជធានីភ្នំពេញ ៖ ឪពុកម្តាយជាច្រើនចាត់ទុកខ្លួនឯងថា ជាមនុស្សម្នាក់ដែលងាយស្រួលនិយាយជាមួយ ហើយកូននឹងរត់ទៅរកឪពុកម្តាយនៅពេលពួកគេត្រូវការ ។ ប៉ុន្តែសូមប្រាកដថា អ្នកដឹងទាំងស្រុងទេ ? កូនមានលាក់បាំង ឬមិនចង់និយាយជាមួយអ្នកទេ ? ឬមួយកូនរបស់អ្នកទៅរកអ្នកផ្សេងទៅវិញ ? ដូច្នេះសូមប្រុងប្រយ័ត្នអាកប្បកិរិយារបស់អ្នក ព្រោះសកម្មភាពមួយចំនួនអាចរុញច្រាន និងធ្វើឱ្យកូនរបស់អ្នកលែងជឿជាក់អ្នក លែងជជែកជាមួយអ្នក ឬលែងប្រាប់អ្នកពីអ្វីទាំងអស់ ហើយរឿងដែលអ្នកមិនគួរធ្វើ គឺ ៖
១. ហៅកូនថា ជាមនុស្សដ្រាម៉ា ៖ កូនជំទង់ងាយនឹងមានអារម្មណ៍កើនឡើងខ្ពស់ ។ ដូច្នេះសូមចាប់អារម្មណ៍ ហើយយកចិត្តទុកដាក់ និងឆ្លើយតបទៅនឹងអារម្មណ៍របស់ពួកគេ ។ ដោយសារអារម្មណ៍របស់ពួកគេងាយនឹងរសើប ឬពេលខ្លះមិនសមស្របចំពោះនាង ប៉ុន្តែមិនមែនមានន័យថា វាមិនត្រឹមត្រូវនោះទេ ។ ប្រសិនបើអ្នកចង់ធ្វើឱ្យប្រាកដថា កូនរបស់អ្នកនឹងមករកអ្នកទៀត សូមទទួលស្គាល់អារម្មណ៍របស់ពួកគេ ហើយកុំដាក់ស្លាកឈ្មោះឱ្យកូនថា ពួកគេជាមនុស្សគិតច្រើន ឬដ្រាម៉ាច្រើនឱ្យសោះ ។
២. សើចចំពោះបញ្ហារបស់ពួកគេ ៖ បើអ្នកចង់ឱ្យកូនជឿជាក់លើអ្នក ហើយមករកអ្នក ពេលពួកគេមានបញ្ហា សូមកុំសើចនឹងបញ្ហារបស់ពួកគេឱ្យសោះ ។ កូនរបស់អ្នកត្រូវរៀនសូត្រដើម្បីដោះស្រាយបញ្ហាលំបាក ប៉ុន្តែនៅពេលដែលអ្នកសើចដាក់បញ្ហារបស់កូន វាធ្វើឱ្យពួកគេមានអារម្មណ៍ថា បញ្ហារបស់ពួកគេមិនសំខាន់ ហើយអ្នកហាក់ដូចជាមិនយកចិត្តទុកដាក់លើពួកគេ ។
៣. កុំរវល់ពេក ៖ ការរវល់ពេកនឹងធ្វើឱ្យកូនលែងហ៊ានមកជិតអ្នក និងនិយាយរកអ្នក ។ ត្រឡប់មកពីធ្វើការយឺត បន្តធ្វើការនៅផ្ទះ ឬចុចទូរសព្ទលេង ទាំងនេះគឺជារឿងដែលធ្វើឱ្យកូនលែងមកជិតអ្នក ។ គ្មានទំនាក់ទំនង គ្មានការសន្ទនាទេ ។ បើចង់ឱ្យកូនលែងនិយាយរកអ្នក សូមបន្តការរវល់របស់អ្នកបន្ថែមទៀតចុះ ។
៤. កុំខឹងកូន ៖ ចង់ដឹងទេថា អ្វីទៅងាយធ្វើឱ្យកូនងាយរងគ្រោះ ? គឺកំហឹងរបស់ឪពុកម្តាយ ។ អ្នកមិនត្រូវខឹងនឹងកូនរបស់អ្នកទេ ព្រោះអ្នកប្រហែលជានឹងធ្វើឱ្យពួកគេឈឺចាប់ ។ អ្នកប្រហែលជាគិតថា កំហឹងរបស់អ្នកបង្ហាញថា អ្នកយកចិត្តទុកដាក់ពួកគេ ប៉ុន្តែតាមពិតទៅ វាធ្វើឱ្យកូនមិនអាចចូលទៅជិតអ្នកបាន ។
៥. កុំព្យាយាមជួសជុល ឬដោះស្រាយគ្រប់បញ្ហាទាំងអស់ ៖ កូនរបស់អ្នកមករកអ្នក មិនមែនឱ្យដោះស្រាយឱ្យពួកគេរហូតនោះទេ ។ ពេលខ្លះពួកគេគ្រាន់តែចង់បានយោបល់ ឬទាមទារការចូលរួមរបស់អ្នកប៉ុណ្ណោះ ។ កូនរបស់អ្នកចង់បានការយកចិត្តទុកដាក់ និងសេចក្តីស្រឡាញ់របស់អ្នក មិនមែនយុទ្ធសាស្ត្ររបស់អ្នកទេ ៕ ប្រភព ៖ allprodad
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ដើម្បីអបអរការបើកដំណើរការសាលារៀនវ៉េស្ទឡាញន៍ សាខាឫស្សីកែវ និងសាខាពោធិ៍ចិនតុងពីរដំណាលគ្នា សាលាផ្តល់អាហារូបករណ៍ពិសេស ៥០% គ្រប់កម្មវិធីសិក្សា សម្រាប់សិស្ស ១០០ នាក់ដំបូង ចំពោះការចុះឈ្មោះចូលរៀនត្រឹមថ្ងៃទី ៣០ ខែមិថុនា ខាងមុខនេះ ។ សាលារៀនទទួលចុះឈ្មោះកុមារចាប់ពីអាយុ ២ ឆ្នាំកន្លះឡើង សម្រាប់កម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនវ៉េស្ទឡាញន៍ សាខាឫស្សីកែវស្ថិតនៅផ្លូវ ៥៩៨ ទល់មុខបុរីវិមានភ្នំពេញ និងនៅជាប់អគារគណៈកម្មការមូលបត្រកម្ពុជា សាខាពោធិ៍ចិនតុងស្ថិតនៅផ្លូវ ២០០៤ ទល់មុខកងពលតូចដឹកជញ្ជូនលេខ ៩៩ សម្រាប់ព័ត៌មានបន្ថែម សូមទំនាក់ទំនង 092 888 499 | 087 458 282 ៕
ចែករំលែកព័តមាននេះ