រាជធានីភ្នំពេញ ៖ ក្នុងនាមជាឪពុកម្តាយត្រូវជួយកូនបង្កើតទម្លាប់ល្អៗ និងកាត់បន្ថយការលេងវីដេអូហ្គេមឱ្យបានតិចបំផុត ។ មានយុទ្ធសាស្ត្រចំនួន ៦ ដើម្បីបង្រៀនកូនរបស់អ្នកពីរបៀបធ្វើឱ្យមានតុល្យភាពវីដេអូហ្គេម និងជីវិតរបស់ពួកគេ ។…
រាជធានីភ្នំពេញ ៖ ក្នុងនាមជាឪពុកម្តាយត្រូវជួយកូនបង្កើតទម្លាប់ល្អៗ និងកាត់បន្ថយការលេងវីដេអូហ្គេមឱ្យបានតិចបំផុត ។ មានយុទ្ធសាស្ត្រចំនួន ៦ ដើម្បីបង្រៀនកូនរបស់អ្នកពីរបៀបធ្វើឱ្យមានតុល្យភាពវីដេអូហ្គេម និងជីវិតរបស់ពួកគេ ។
១. កុំឱ្យកូនទុកឧបករណ៍ហ្គេមនៅក្នុងបន្ទប់គេង ៖ ចូរបង្កើតច្បាប់នេះនៅក្នុងផ្ទះរបស់អ្នក ។ ហាមកូនៗយកកុំព្យូទ័រ ឬឧបករណ៍ហ្គេមចូលក្នុងបន្ទប់គេងរបស់ពួកគេ បើមិនដូច្នេះទេ ពួកគេនឹងអាចលេងបានរាប់ម៉ោងដោយគ្មានការរំខាន និងគ្មានការត្រួតពិនិត្យ ។ ក្រៅពីនេះ វាកាន់តែពិបាកសម្រាប់អ្នកក្នុងការដឹងពីអ្វីផ្សេងទៀតដែលកូនប្រហែលជាកំពុងមើលនៅពីក្រោយទ្វារបិទជិត ។
២. ធ្វើឱ្យមានភាពខុសគ្នារវាងឧបករណ៍អេឡិចត្រូនិក និងរបស់លេងអេឡិចត្រូនិក ៖ពេលខ្លះកូនរបស់អ្នកត្រូវការមានឧបករណ៍អេឡិកត្រូនិកច្រើន ប៉ុន្តែសូមណែនាំគេថា ពួកគេអាចលេងហ្គេមដែលមានតែនៅលើឧបករណ៍សម្រាប់លេងហ្គេមប៉ុណ្ណោះ ។ បើអាចកុំអនុញ្ញាតឱ្យកូនប្រុសរបស់អ្នកទាញយកហ្គេមលេងនៅលើទូរសព្ទ ឬចូលប្រើហ្គេមអនឡាញនៅលើកុំព្យូទ័រ ។ នៅពេលដែលពួកគេមានហ្គេមនៅគ្រប់ទីកន្លែង វាងាយស្រួលពេកក្នុងការចូលលេងហ្គេមវិញ ទោះបីជាពួកគេមិនមានបំណងចង់ក៏ដោយ ។
៣. ចំណាយពេលឱ្យបានច្រើននៅជាមួយកូន ៖ នៅពេលអ្នកនៅឆ្ងាយពីកូនរបស់អ្នក ពួកគេប្រហែលជាងាកទៅកន្លែងផ្សេងទៀត រួមទាំងវីដេអូហ្គេម ។ មិនថា អ្នកធ្វើអ្វីជាមួយគេទេ ពេលវេលាដែលចំណាយជាមួយគេអាចជួយបង្រៀនពួកគេឱ្យមានតុល្យភាពរវាងវីដេអូហ្គេម និងជីវិត ។
៤. ឱ្យកូនតាមដានថា តើពួកគេចំណាយពេលលេងហ្គេមប៉ុន្មាននាទីក្នុងមួយថ្ងៃ ៖ ឱ្យកូនប្រុសរបស់អ្នកសរសេរនៅលើក្រដាសថា តើគេចំណាយពេលលេងហ្គេមប៉ុន្មាននាទីក្នុងមួយថ្ងៃៗ ។ មួយសប្តាហ៍ម្តង អង្គុយចុះជាមួយកូន ហើយពិភាក្សាថា តើពួកគេចំណាយពេលវេលាប៉ុន្មានក្នុងការលេងហ្គេម ធៀបនឹងចំនួនដែលពួកគេបានចំណាយជាមួយមិត្តភ័ក្តិ ហាត់ប្រាណ ដើរលេងនៅខាងក្រៅ រៀនសូត្រ និងផ្សេងៗទៀត ។
៥. ចំណាយពេលថ្ងៃណាមួយដោយគ្មានអេក្រង់ ៖ កូនរបស់អ្នកប្រហែលជាគិតថា អ្នកមិនសមហេតុផលទេ នៅពេលអ្នកកំណត់ពេលវេលាលេងហ្គេមរបស់គេ ប៉ុន្តែការមានទម្លាប់បិទអេក្រង់របស់អ្នកម្តងក្នុងមួយសប្តាហ៍ ឬម្តងក្នុងមួយខែ ដើម្បីចំណាយពេលទល់មុខគ្នា គឺជាវិធីដ៏ល្អមួយ ដើម្បីបង្រៀនកូនរបស់អ្នកនូវទម្លាប់លេងហ្គេមដែលមានសុខភាពល្អ ។
៦. ជួយកូនរកអ្វីផ្សេងទៀតដែលត្រូវធ្វើ ៖ ជួយកូនរបស់អ្នកឱ្យរកឃើញថា ពួកគេចំណាយពេលច្រើនលើអេក្រង់ ហើយវិនិយោគលើចំណូលចិត្តផ្សេងទៀតផងដែរ មិនថាជាកីឡា ការស្ទូចត្រី ការចម្អិនអាហារ ឬការបង្កើតអ្វីដែលថ្មីនោះទេ ។ ប្រសិនបើអ្នកអាចជួយកូនស្វែងរកអ្វីផ្សេងទៀតដើម្បីចាប់យកការស្រមើលស្រមៃរបស់ពួកគេ ពួកគេនឹងសុខចិត្តចំណាយពេលវេលានៅទីនោះផងដែរ ៕ ប្រភព ៖ allprodad
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ក្នុងឱកាសបើកដំណើរការសាលារៀនវ៉េស្ទឡាញន៍ សាខាឫស្សីកែវ (598) សាលានឹងផ្តល់ជូនអាហារូបករណ៍ ៥០% គ្រប់កម្មវិធីសិក្សា សម្រាប់សិស្ស ១០០នាក់ដំបូង ចាប់ពីថ្ងៃផ្សាយដំណឹងនេះរហូតដល់ថ្ងៃទី ៣០ ខែមិថុនា ឆ្នាំ ២០២៥ ។ សាលារៀនមានកម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនស្ថិននៅផ្លូវ ៥៩៨ សង្កាត់ច្រាំងចំរេះ ១ ខណ្ឌឫស្សីកែវ ទល់មុខបុរីវិមានភ្នំពេញ និងនៅជាប់អគារគណៈកម្មាការមូលបត្រកម្ពុជា ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ 089 792 168 | 015 337 123 ៕
ចែករំលែកព័តមាននេះ