រាជធានីភ្នំពេញ ៖ ឪពុកម្តាយអាចប្រើប្រាស់ការឈ្លោះគ្នាជាឱកាស ដើម្បីជួយកូនរៀនជំនាញដោះស្រាយបញ្ហាទាំងនេះបាន ។ បងប្អូនឈ្លោះគ្នា ពេលណាឪពុកម្តាយត្រូវចូលដោះស្រាយ ? ពេលខ្លះវាមានប្រសិទ្ធភាពក្នុងការផ្តល់ឱកាសឱ្យកូន ដើម្បីដោះស្រាយដោយខ្លួនឯងដោយមិនមានវត្តមានរបស់អ្នក…
រាជធានីភ្នំពេញ ៖ ឪពុកម្តាយអាចប្រើប្រាស់ការឈ្លោះគ្នាជាឱកាស ដើម្បីជួយកូនរៀនជំនាញដោះស្រាយបញ្ហាទាំងនេះបាន ។ បងប្អូនឈ្លោះគ្នា ពេលណាឪពុកម្តាយត្រូវចូលដោះស្រាយ ? ពេលខ្លះវាមានប្រសិទ្ធភាពក្នុងការផ្តល់ឱកាសឱ្យកូន ដើម្បីដោះស្រាយដោយខ្លួនឯងដោយមិនមានវត្តមានរបស់អ្នក ។ ប៉ុន្តែនៅពេលដែលការមិនចុះសម្រុងគ្នាក្លាយជាការឈ្លោះគ្នា ឪពុកម្តាយត្រូវតែបំបែកចេញមុនពេលនរណាម្នាក់រងរបួស ។ ប្រសិនបើកូនរបស់អ្នកឈ្លោះគ្នា ចូរព្យាយាមប្រើឱកាសដើម្បីជួយពួកគេរៀនជំនាញ ដើម្បីចៀសវាងការឈ្លោះប្រកែក និងដោះស្រាយបញ្ហា ។
អ្វីដែលឪពុកម្តាយត្រូវធ្វើពេលជម្លោះផ្ទុះឡើង ៖ បញ្ឈប់ការឈ្លោះ មុនពេលយំចាប់ផ្ដើម ដែលនេះគឺអាចតម្រូវឱ្យមានការបំបែកកូនរបស់អ្នកចេញពីគ្នា ។ រក្សាភាពស្ងប់ស្ងាត់ និងត្រជាក់ចិត្ត រឿងនឹងមិនកាន់តែអាក្រក់ទៅៗទេ ហើយព្យាយាមសន្សំថាមពលរបស់អ្នកសម្រាប់ការផ្តល់មតិស្ថាបនាវិជ្ជមានលើអាកប្បកិរិយាដែលអ្នកចង់លើកទឹកចិត្ត ។ ប្រាប់កូនៗថា អ្នកនឹងនិយាយអំពីបញ្ហានេះនៅពេលក្រោយ ។ ជារឿយៗកុមារតូចចិត្តក្នុងការទទួលយកអ្វីដែលអ្នកកំពុងនិយាយដំបូង ។ រង់ចាំរហូតដល់អ្វីៗត្រជាក់សិន មុននឹងអ្នកនិយាយអំពីបញ្ហា ហើយនេះអាចជាថ្ងៃបន្ទាប់ ។
ប្រសិនបើកូនរបស់អ្នកកំពុងវាយគ្នាដណ្តើមរបស់លេង សូមប្រាកដថា កូនទាំងពីរមិនទទួលបានរបស់លេងនោះទេ ។ បើកូនឈ្លោះគ្នាពេលអ្នកកំពុងបើកឡាន អ្នកត្រូវរង់ចាំសិន ព្រោះការងាកទៅនិយាយជាមួយកូន ឬបំបែកពួកគេអាចធ្វើឱ្យអ្នកបែកអារម្មណ៍ ឬគ្រោះថ្នាក់បាន ។ ធ្វើចំពោះកុមារទាំងអស់ដោយយុត្តិធម៌ ។
ចៀសវាងការប្រៀបធៀបអវិជ្ជមាន ។ ការនិយាយអ្វីមួយដូចជា កូនគួរតែដឹងប្រសើរជាងនេះ ព្រោះកូនចាស់ជាងប្អូន ឬ អ្នកជាអ្នកបង្កបញ្ហាអាចធ្វើឱ្យក្មេងកាន់តែមានអារម្មណ៍ឈឺចាប់ ឬអាក់អន់ចិត្ត ។ កំណត់មូលហេតុនៃការឈ្លោះគ្នាណាស់ ។ ជាឧទាហរណ៍ ប្រសិនបើកុមារបានរុញបងប្អូនបង្កើត ហើយយករបស់លេងរបស់ពួកគេ អ្នកត្រូវឈានជើងចូល ។ បើមិនដូច្នេះទេ កុមារនឹងដឹងថា ការប្រយុទ្ធ គឺជាវិធីមួយដើម្បីទទួលបានអ្វីដែលអ្នកចង់បាន ។
អ្នកអាចរំលឹកកូនរបស់អ្នកអំពីច្បាប់គ្រួសារដែលពាក់ព័ន្ធ ហើយធ្វើតាមដោយជាប់លាប់ជាមួយនឹងលទ្ធផល ។ អ្វីដែលអ្នកធ្វើ បន្ទាប់ពីកូនឈ្លោះគ្នាអាចជួយកូនក្នុងវ័យសិក្សាបាន ។ រៀនពីរបៀបដោះស្រាយបញ្ហាផ្ទាល់ខ្លួនរបស់ពួកគេនាពេលអនាគត ។ ដើម្បីទទួលបានលទ្ធផលល្អបំផុត សូមរង់ចាំរហូតដល់កំហឹងចុះត្រជាក់ ហើយកូនៗត្រៀមខ្លួនដើម្បីវែកញែកម្តងទៀត ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ នឹងបើកដំណើរការសាខាទី ១៤ របស់ខ្លួនស្ថិននៅបណ្តោយផ្លូវលេខ ៥៩៨ ក្នុងខណ្ឌឫស្សីកែវ នៅដើមខែមិថុនា ឆ្នាំ ២០២៦ ខាងមុខនេះ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ 089 792 168 / 015 337 123 ៕
ចែករំលែកព័តមាននេះ