៥ យ៉ាងដែលឪពុកគួរធ្វើ ដើម្បីឱ្យកូនប្រុសបានឃើញ !
រាជធានីភ្នំពេញ ៖ នៅពេលធំឡើងក្មេងប្រុសតែងតែមើល រៀនសូត្រ និងធ្វើតាមឪពុករបស់ខ្លួនឯង ។ សង្ឃឹមថា ពួកគេនឹងឃើញល្អច្រើនជាងអាក្រក់ ។ ដូច្នេះខាងក្រោមនេះ…
រាជធានីភ្នំពេញ ៖ នៅពេលធំឡើងក្មេងប្រុសតែងតែមើល រៀនសូត្រ និងធ្វើតាមឪពុករបស់ខ្លួនឯង ។ សង្ឃឹមថា ពួកគេនឹងឃើញល្អច្រើនជាងអាក្រក់ ។ ដូច្នេះខាងក្រោមនេះ គឺជារឿង ៥ យ៉ាង ដែលកូនប្រុសគប្បីធ្វើតាមឪពុក ៖
១. គោរព និងផ្តល់តម្លៃដល់ស្ត្រី ៖ ទស្សនវិទូ Voltaire បាននិយាយថា យើងមានកំហុសចំពោះអំពើល្អ ដែលយើងមិនបានធ្វើ ។ វាមិនគ្រប់គ្រាន់ទេ សម្រាប់យើងជាបុរសក្នុងការប្រព្រឹត្តចំពោះស្ត្រីក្នុងជីវិតរបស់យើងដោយក្តីស្រឡាញ់ និងការគោរព ។ អ្នកគប្បីនិយាយជាមួយកូនប្រុស ដើម្បីប្រាកដថា ពួកគេយល់ពីរបៀបប្រព្រឹត្តចំពោះស្ត្រី ។ អ្នកមិនគប្បីហៅមិត្តភក្តិ ឬសាច់ញាតិស្រីនូវពាក្យដែលមិនសមរម្យ ឬធ្វើជាគំរូមិនល្អសម្រាប់កូនប្រុសរបស់យើងឡើយ ។ ចង់ឱ្យកូនប្រុសនិយាយល្អបែបណា អ្នកត្រូវនិយាយល្អបែបនោះជាមុនសិន ។
២. ដាក់គ្រួសាររបស់យើងជាអាទិភាព ៖ មានការរំខានច្រើនក្នុងសង្គមសព្វថ្ងៃ ។ ការមិនចង់ចូលផ្ទះ ការបិទទូរសព្ទដៃ និងការដើរលេងផឹកស៊ីជាមួយមិត្តភក្តិ ធ្វើឱ្យយើងកាន់តែមានពេលវេលាតិចតួច ដើម្បីមានវត្តមានជាមួយគ្រួសារ ។ កូនប្រុសរបស់យើងភាគច្រើននឹងធំឡើង ហើយរៀបការនៅថ្ងៃណាមួយ ហើយប្រពន្ធ និងកូនរបស់ពួកគេក៏នឹងត្រូវការឪពុកពួកគេដូចគ្នា ។ ដូច្នេះ ចូរដាក់គ្រួសាររបស់អ្នកជាជម្រើសទីមួយ នោះកូនប្រុសអ្នកនឹងធ្វើតាមអ្នកដូចគ្នា ។
៣. ធ្វើដាក់ម្តាយកូនរបស់អ្នកដោយក្តីស្រឡាញ់ ៖ នេះជារឿងសំខាន់មួយ ដែលកូនប្រុសគប្បីឃើញយើងធ្វើ ។ ប្រសិនបើពួកគេឃើញយើងប្រព្រឹត្តចំពោះម្ដាយពួកគេដោយក្ដីស្រឡាញ់ ឱកាសរបស់ពួកគេក្នុងការធ្វើជាស្វាមី និងឪពុកដ៏មានគុណភាពនឹងកើនឡើងយ៉ាងខ្លាំង ។
៤. ប្រព្រឹត្តចំពោះមនុស្សទាំងអស់ដោយក្តីមេត្តា និងការអត់ធ្មត់ ៖ យើងកំពុងប្រាស្រ័យ
ទាក់ទងឥតឈប់ឈរជាមួយមនុស្សគ្រប់ប្រភេទ ដែលប្រហែលជាពួកគេកំពុងដោះស្រាយភាពតានតឹង ការថប់បារម្ភ ឬបញ្ហាផ្សេងៗទៀត ។ ពេលខ្លះយើងមិនដឹងថា ហេតុអ្វីបានជាពួកគេខឹង ហេតុអ្វីបានជាពួកគេធ្វើមិនល្អដាក់អ្នកទេ ប៉ុន្តែយើងមានជម្រើសមួយ គឺជួយធ្វើឱ្យថ្ងៃនោះកាន់តែប្រសើរឡើង ដោយការផ្តល់ក្តីស្រឡាញ់ ក្តីមេត្តា និងការអត់ធ្មត់ខ្ពស់ ។
៥. បម្រើសហគមន៍មូលដ្ឋានរបស់យើង ៖ វាមានសារៈសំខាន់ណាស់សម្រាប់កូនប្រុសរបស់យើងក្នុងការមើលឃើញថា យើងយកចិត្តទុកដាក់ចំពោះមនុស្សជុំវិញខ្លួនយើង ។ នេះអាចជាការធ្វើអ្វីមួយដើម្បីបម្រើការងារសង្គម និងការងារស្ម័គ្រចិត្តជាដើម ៕ ប្រភព ៖ allprodad
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ នឹងបើកដំណើរការសាខាទី ១៤ របស់ខ្លួនស្ថិននៅបណ្តោយផ្លូវលេខ ៥៩៨ ក្នុងខណ្ឌឫស្សីកែវ នៅដើមខែមិថុនា ឆ្នាំ ២០២៦ ខាងមុខនេះ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ 089 792 168 / 015 337 123 ៕
ចែករំលែកព័តមាននេះ