រាជធានីភ្នំពេញ ៖ និស្សិតជំនាន់ថ្មីចំនួនជាង ២០០នាក់ ក្នុងនោះមាននិស្សិតបរទេសចំនួន ៣រូបផងនោះបានទទួលសញ្ញាបត្រថ្នាក់បរិញ្ញាបត្រ និងបរិញ្ញាបត្រជាន់ខ្ពស់ពីសាកលវិទ្យាល័យ អាមេរិកាំងភ្នំពេញ (AUPP) ដែលជាសាកលវិទ្យាល័យឈានមុខគេនៅកម្ពុជា…
រាជធានីភ្នំពេញ ៖ និស្សិតជំនាន់ថ្មីចំនួនជាង ២០០នាក់ ក្នុងនោះមាននិស្សិតបរទេសចំនួន ៣រូបផងនោះបានទទួលសញ្ញាបត្រថ្នាក់បរិញ្ញាបត្រ និងបរិញ្ញាបត្រជាន់ខ្ពស់ពីសាកលវិទ្យាល័យ អាមេរិកាំងភ្នំពេញ (AUPP) ដែលជាសាកលវិទ្យាល័យឈានមុខគេនៅកម្ពុជា ។
ពិធីប្រគល់សញ្ញាបត្រនេះត្រូវបានធ្វើឡើងនៅព្រឹកថ្ងៃសៅរ៍ ទី ១០ ខែឧសភា ឆ្នាំ ២០២៥ ដោយមានវត្តមាន ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងលោកបណ្ឌិត Malcolm Mclver សាកលវិទ្យាធិការនៃសាកលវិទ្យាល័យ (AUPP) និងមានអ្នកចូលរួមជា គណៈគ្រប់គ្រង សាស្ត្រាចារ្យ អាណាព្យាបាល ក្រុមគ្រួសារ និងភ្ញៀវកិត្តិយជាង ៧០០នាក់ ដើម្បីអបអរសាទរដល់និស្សិតទាំង ២១៣នាក់ ដែលបានទទួលសញ្ញាបត្រលើមុខជំនាញ ៖ ទំនាក់ទំនងអន្តរជាតិ និងការទូត ការគ្រប់គ្រងព័ត៌មានវិទ្យា នីតិសាស្ត្រ ធុរកិច្ច បច្ចេកវិទ្យាព័ត៌មាន និងទូរគមនាគមន៍ ចុងក្រោយគឺទេសចរណ៍ និងបដិសណ្ឋារកិច្ច ។
ក្នុងពិធីនោះឯកឧត្តម កែវ រតនៈ បានសាទរចំពោះនិស្សិតបញ្ញវន្តដែលបញ្ចប់ការសិក្សាពី សាកលវិទ្យាល័យ AUPP ។ ឯកឧត្តមបានបញ្ជាក់បន្ថែមថា «គ្រួសារមួយដែលផ្តល់ការអប់រំ ចេះលើកទឹកចិត្តកូនតាំងពីនៅមតេយ្យសិក្សារហូតដល់ទទួលបានបរិញ្ញាបត្រនាពេលនេះ គឺជាការផ្តល់ភាពកក់ក្តៅឱ្យកូនចៅរៀនសូត្រ ។ ទន្ទឹមនោះឯកឧត្តមក៏បានអំពាវនាវផងដែរដល់គ្រួសារខ្មែរ សូមផ្តល់ការយកចិត្តទុកដាក់ និងគាំទ្រដល់ប្អូនៗ ក្មួយៗ ដែលជាកុមារា កុមារី និងយុវជនជំនាន់ថ្មីឱ្យមានឱកាសរៀនសូត្រ» ។
ដោយឡែក សាកលវិទ្យាធិការ លោកបណ្ឌិត Malcolm Mclver បានវាយតម្លៃខ្ពស់ចំពោះសមិទ្ធផលរបស់និស្សិតដោយថ្លែងថា «ក្រៅពីសមិទ្ធផលនៅក្នុងការសិក្សា យើងទាំងអស់គ្នាក៏សូមចូលរួមកោតសរសើរនូវភាពជាអ្នកដឹកនាំ បុគ្គលិកលក្ខណៈ និងទស្សនៈដ៏ឈ្លាសវៃ ដែលក្មួយៗទទួលបានពីសាកលវិទ្យាល័យ AUPP» ។
លោកស្រីបណ្ឌិត Jeni McRay សាកលវិទ្យាធិការរង ផ្នែកអន្តរជាតូបនីយកម្ម និងផ្ដួចផ្ដើមយុទ្ធសាស្ត្រ នៃសាកលវិទ្យាល័យ Fort Hays State ដែលជាសាកលវិទ្យាល័យដៃគូមួយរបស់ AUPP នៅសហរដ្ឋអាមេរិក ក៏បានចូលរួមថ្លែងសុន្ទរកថា អបអរសាទរដល់និស្សិតទាំង ២១៣ រូបផងដែរ ។
ជាមួយគ្នានេះដែរ កញ្ញា ប៊ុន ស្រីពេជ្រ ដែលជានិស្សិតទទួលសញ្ញាបត្របញ្ចប់វគ្គសិក្សាផ្នែក Business បានឱ្យដឹងថា នេះជាសម័យបច្ចេកវិទ្យា ដូច្នេះការសិក្សានៅក្នុងប្រទេសមានភាពងាយស្រួល ហើយគុណភាពសិក្សាប្រហាក់ប្រហែលនិងការសិក្សានៅក្រៅប្រទេសដែរ ។ ជាពិសេសសាលាតែងតែអាប់ដេតដើម្បីឱ្យទាន់សម័យកាល ដែលធ្វើឱ្យយើងជាសិស្សងាយស្រួលរៀលព្រោះវាស្រដៀងគ្នា ៕
សូមបញ្ជាក់ផងដែរថា ក្នុងរយៈពេលត្រឹមតែ ១២ឆ្នាំ AUPP បានបណ្តុះបណ្តាលនិស្សិតជាង ៦០០នាក់ សុទ្ធសឹងតែជាធនធានមនុស្សដែលកំពុងរួមចំណែកក្នុងការអភិវឌ្ឍទាំងក្នុងប្រទេសកម្ពុជា និងនៅលើឆាកអន្តរជាតិ ។ និស្សិតមួយចំនួនដែលបានបញ្ចប់ការសិក្សានៅ AUPP បានបន្តការសិក្សារបស់ពួកគេនៅសាកលវិទ្យាល័យអន្តរជាតិល្បីៗ រួមមានសាកលវិទ្យាល័យ Havard សាកលវិទ្យាល័យ Columbia និងសាកលវិទ្យាល័យ Princeton ជាដើម ខណៈដែលនិស្សិតផ្សេងទៀតកំពុងបម្រើការងារក្នុងវិស័យជាច្រើន រួមមាន ៖ ផ្នែកច្បាប់ បច្ចេកវិទ្យា អាជីវកម្ម ពាណិជ្ជកម្ម និងសេវាសាធារណៈ ។
សាកលវិទ្យាល័យអាមេរិកាំងភ្នំពេញ (AUPP) គឺជាសាកលវិទ្យាល័យតែមួយគត់ក្នុង ប្រទេសកម្ពុជា ដែលផ្តល់ជូននូវកម្មវិធីសិក្សាអាមេរិក និងកម្មវិធីសញ្ញាបត្រពីរ សញ្ញាបត្រមួយផ្តល់ដោយសាកលវិទ្យាល័យអាមេរិកាំងភ្នំពេញ (AUPP) និងសញ្ញាបត្រមួយទៀតផ្តល់ដោយសាកលវិទ្យាល័យដៃគូនៅសហរដ្ឋអាមេរិក ។ និស្សិតមានឱកាសជ្រើសរើសមុខជំនាញចំនួន ១៣មុខផ្សេងៗគ្នានៅក្នុងមហាវិទ្យាល័យធុរកិច្ច បច្ចេកវិទ្យាឌីជីថល នីតិសាស្ត្រ និងវិទ្យា សាស្ត្រសង្គម ៕ អត្ដបទសហការ
វគ្គសិក្សាថ្មី ២០២៥ កំពុងបើកទទួលពាក្យចូលរៀន ដាក់ពាក្យឥឡូវនេះ ៖ https://bit.ly/BachelorsApplication
ស្វែងយល់បន្ថែម ៖
www.aupp.edu.kh
www.facebook.com/AUPPkh
ចែករំលែកព័តមាននេះ