រាជធានីភ្នំពេញ ៖ ភាពក្លាហាន និយាយអំពីទំនុកចិត្តក្នុងការធ្វើអ្វីដែលត្រឹមត្រូវ និយាយអំពីការក្រោកឈរប្រឆាំងនឹងអ្នកគំរាមកំហែង និងអ្នកបោកប្រាស់ ហើយក៏និយាយអំពីភាពជឿជាក់ និងមិនភ័យខ្លាចចំពោះខ្លួនឯង ។ គន្លឹះត្រឹមត្រូវនឹងជួយអ្នកឱ្យចិញ្ចឹមកូនដែលមានភាពក្លាហាន…
រាជធានីភ្នំពេញ ៖ ភាពក្លាហាន និយាយអំពីទំនុកចិត្តក្នុងការធ្វើអ្វីដែលត្រឹមត្រូវ និយាយអំពីការក្រោកឈរប្រឆាំងនឹងអ្នកគំរាមកំហែង និងអ្នកបោកប្រាស់ ហើយក៏និយាយអំពីភាពជឿជាក់ និងមិនភ័យខ្លាចចំពោះខ្លួនឯង ។ គន្លឹះត្រឹមត្រូវនឹងជួយអ្នកឱ្យចិញ្ចឹមកូនដែលមានភាពក្លាហាន និងការទទួលយកហានិភ័យដែលមានសុខភាពល្អ ។
១. ធ្វើឱ្យមានភាពក្លាហានជាផ្នែកមួយនៃការសន្ទនា ៖ ត្រូវប្រាប់កូនរបស់អ្នកថា ពួកគេមានភាពក្លាហាន នៅពេលដែលពួកគេងើបខ្លួនឯងបន្ទាប់ពីដួល ឬបញ្ចប់មេរៀនហែលទឹកដែលពួកគេខ្លាច ។ ភាពក្លាហាន មិនមែនមានន័យថា មិនភ័យខ្លាចនោះទេ ។ តាមពិតទៅ ភាពក្លាហាន មានន័យថា ការភ័យខ្លាច និងធ្វើអ្វីដែលត្រឹមត្រូវ ។
២. អនុញ្ញាតឱ្យពួកគេបង្ហាញខ្លួនឯងដោយមិនភ័យខ្លាច ៖ វាជាការល្អណាស់ក្នុងការផ្តល់ឱ្យកូនរបស់អ្នក មិនថាពួកគេស្លៀកពាក់ខ្លួនឯង ឬពួកគេកាត់សក់ដែលពួកគេចង់បាននោះទេ ។ ទាំងនេះអាចហាក់ដូចជារឿងតូចតាច ប៉ុន្តែនៅពេលដែលអ្នកអនុញ្ញាតឱ្យកូនរបស់អ្នកក្លាយជាខ្លួនឯង (ដោយមិនខ្លាចការរិះគន់) នោះពួកគេកាន់តែដឹងពីអារម្មណ៍មិនគួរឱ្យជឿនៃការក្លាយជាខ្លួនឯង ។
៣. ទទួលស្គាល់វីរបុរសដែលប្រថុយប្រថាន ៖ ចង្អុលបង្ហាញកូននូវមនុស្សដែលហ៊ាន ដែលប្រថុយប្រថាន អ្នកអាចផ្តល់នូវគំរូដ៏គួរឱ្យកោតសរសើរ និងពង្រីកការយល់ដឹងរបស់ពួកគេអំពីការប្រថុយប្រថានដែលមានសុខភាពល្អ ។
៤. អានសៀវភៅអំពីភាពក្លាហាន ៖ ឱ្យកូនអានសៀវភៅឱ្យបានច្រើន ។ ផ្តល់ឱ្យកុមារនូវក្តីស្រឡាញ់សម្រាប់ការសាកល្បងរបស់ថ្មី ហើយបង្រៀនពួកគេថា វាល្អក្នុងការប្រថុយប្រថាន ដែលការផ្សងព្រេងដ៏ល្អបំផុតនៅក្នុងជីវិតតែងតែកើតចេញពីភាពក្លាហានគ្រប់គ្រាន់ ដើម្បីធ្វើរឿងដែលពួកគេមានអារម្មណ៍គួរឱ្យខ្លាចនៅពេលដំបូង ។
៥. គំរូភាពក្លាហាន ៖ តើអ្នកទើបតែឡើងធ្វើបទបង្ហាញធំមួយនៅកន្លែងធ្វើការមែនទេ ? វាគួរឱ្យខ្លាចណាស់មែនទេ ? ប្រាប់កូនរបស់អ្នកអំពីវា វាមានប្រយោជន៍សម្រាប់ពួកគេក្នុងការដឹងពីពេលវេលាដែលឪពុកម្តាយរបស់ពួកគេភ័យខ្លាច និងរបៀបដោះស្រាយ ។
៦. សួរសំណួរក្នុងនិទានរឿង ៖ ពេលមើលរឿង ឬសៀវភៅ ចូរសួរសំណួរទាក់ទងនឹងភាពក្លាហាន ដូចជាពួកគេមានក្លាហានទេ ? អ្វីខ្លះដែលរារាំងពួកគេមិនឱ្យធ្វើរឿងនោះ ? ហេតុអ្វីពួកគេក្លាហានម្លេះ ?
៧. អនុញ្ញាតឱ្យពួកគេសាកល្បង អនុញ្ញាតឱ្យពួកគេបរាជ័យ ហើយព្យាយាមម្តងទៀត ៖ ឱ្យកូនធ្វើអ្វីដោយខ្លួនឯងដូចជាការញ៉ាំបាយ ការចងស្បែកជើង ឬការជូតទឹកដែលកំពប់ ការសម្អាតផ្ទះជាដើម ។ អនុញ្ញាតិឱ្យកូនដួល អនុញ្ញាតិឱ្យកូនធ្វើខុស អនុញ្ញាតិឱ្យពួកគេក្រោកឡើងវិញខ្លួនឯង ហើយបង្រៀនពួកគេបន្ថែមលើរឿងទាំងនោះ ។
៨. ធ្វើសកម្មភាពដើម្បីយកឈ្នះលើការភ័យខ្លាច ៖ នៅពេលចង់ឱ្យកូនធ្វើអ្វីដែលថ្មី ចូរនិយាយអំពីអ្វីដែលយើងនឹងធ្វើ ។ សាកល្បង និងបញ្ចុះបញ្ចូលកូនឱ្យបានច្បាស់លាស់ ដើម្បីយកឈ្នះលើការភ័យខ្លាចទាំងនោះ ។
៩. រំលឹកពួកគេថា ភាពក្លាហាន មិនចាំបាច់ថា ត្រូវធ្វើរឿងធំនោះទេ ៖ បំផុសគំនិតរបស់ពួកគេជាមួយនឹងចំណេះដឹងដែលថា ស្រមោចអាចលើករបស់ដែលធ្ងន់ជាងខ្លួនឯងបានរាប់សិបដង ឬបំផុសគំនិតពួកគេជាមួយនឹងរឿងក្លាហានដទៃទៀត ។ ចូរបង្ហាញពួកគេថា តូច គឺខ្លាំង និងមានសមត្ថភាព ។ ឆ្លៀតពេលបន្ថែម ដើម្បីមើលអ្វីៗពីកម្រិតរបស់ពួកគេ នៅពេលពួកគេចាត់វិធានការធ្វើរឿងដ៏ក្លាហានទាំងនោះ ៕ ប្រភព ៖ tinybeans
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ២៨ ខែមេសា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣០ មេសា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ