រាជធានីភ្នំពេញ ៖ សភាយុវពាណិជ្ជករអន្តរជាតិកម្ពុជា សាខាទួលគោក (JCI Toul Kork) នឹងរៀបចំកម្មវិធី “យោគៈ និងសមាធិ…
រាជធានីភ្នំពេញ ៖ សភាយុវពាណិជ្ជករអន្តរជាតិកម្ពុជា សាខាទួលគោក (JCI Toul Kork) នឹងរៀបចំកម្មវិធី “យោគៈ និងសមាធិ ដើម្បីបង្កើនគុណភាពជីវិត Yoga & Meditation for Wellbeing” លើកទី ៥ នាថ្ងៃទី ២៣ ខែមីនា ឆ្នាំ ២០២៥ ។ កម្មវិធីនេះ នឹងប្រារព្ធធ្វើឡើងនៅក្នុងវត្តនិគ្រោធវ័ន “គល់ទទឹង” មានគោលបំណងលើកស្ទួយសុខភាពផ្លូវកាយ និងផ្លូវចិត្ត តាមរយៈការអនុវត្តយោគៈ និងសមាធិ ដែលជាកត្តា សំខាន់ក្នុងការបង្កើនគុណភាពជីវិត និងប្រសិទ្ធភាពការងារ ។
កម្មវិធីនេះត្រូវបានរៀបចំឡើងជាលើកទី ៥ ក្រោមការដឹកនាំរបស់សភាយុវពាណិជ្ជករអន្តរជាតិកម្ពុជា សាខាទួលគោក និងលោកលោក ថូ ភីរ៉ាត់ ដែលជាប្រធានគម្រោងនៅឆ្នាំ ២០២៥ នេះ ។ គួរបញ្ជាក់ដែលថាគម្រោងនេះ ជាលើកដំបូងបំផុតនៅឆ្នាំ ២០១៩ ម្យ៉ាងក៏ជាឆ្នាំដែល សភាយុវពាណិជ្ជករអន្តរជាតិកម្ពុជា សាខាទួលគោក បានបង្កើតឡើង ហើយក៏បាន បន្តរៀបចំគម្រោងនេះជាបន្ទាប់រហូតមកដល់ឆ្នាំ ២០២៥ នេះ ។
ក្នុងពេលកន្លងមកកម្មវិធីនេះ ក៏បានទទួលការគាំទ្រយ៉ាងពេញទំហឹង ពីអ្នកជំនាញនិងអ្នកដែលមានបទពិសោធន៍ ក្នុងវិស័យអប់រំផ្លូវចិត្ត យោគៈ និងសមាធិ រួមមានព្រះវាគ្មិនកត្តិយស ព្រះភិក្ខុ វជិរប្បញ្ញោ គូ សុភាព លោកគ្រូ នឹម ឈុន្នី និងលោកគ្រូ វ៉ាត គឹមលី ដែលតែងតែនិមន្ដ និងចូលរួមកម្មវិធីនេះជាកត្តិយស ។
បន្ថែមពីនេះទៅទៀត លោក ថូ ភីរ៉ាត់ ដែលជាប្រធានគម្រោងឆ្នាំ ២០២៥ និងជាអនុប្រធាននៃសភាយុវពាណិជ្ជករអន្តរជាតិកម្ពុជា សាខាទួលគោក បានចែករំលែកថា កម្មវិធីនេះមិនត្រឹមតែ ផ្តោតលើការបង្កើន សុខភាពផ្លូវកាយ និងផ្លូវចិត្តប៉ុណ្ណោះទេ ប៉ុន្តែថែមទាំងជួយពង្រឹងទំនាក់ទំនងល្អរវាងក្រុមគ្រួសារ មិត្តភក្តិ និងដៃគូជំនួញ ដែលនាំឱ្យមានប្រសិទ្ធភាពកាន់តែខ្ពស់ក្នុងការងារ និងជីវិតប្រចាំថ្ងៃ ។
ស្របពេលនេះផងដែរ សភាយុវពាណិជ្ជករអន្តរជាតិកម្ពុជា សាខាទួលគោក (JCI Toul Kork) មានកិត្តិយស គោរពអញ្ជើញប្រជាជនទាំងអស់ ចូលរួមកម្មវិធី នាពេលខាងមុខនេះ ដោយចុះឈ្មោះតាមរយៈតំណភ្ជាប់ ខាងក្រោម ៖
ចុះឈ្មោះឥឡូវនេះ ៖ https://forms.gle/wNa8PTeTucgcREYo8
(ផុតកំណត់ចុះឈ្មោះត្រឹមថ្ងៃទី ២១ មីនា ២០២៣ / ចំនួនសំបុត្រមានកំណត់)
សម្រាប់ព័ត៌មានបន្ថែម សូមទំនាក់ទំនង ៖
Tel: កញ្ញា ស៊ុម លីដា | ០៩៩ ៤៦៤ ៦៤៤ (តេឡេក្រាម៖ https://t.me/SUM_Lida)
Tel: លោក ថូ ភីរ៉ាត់ | ០៦១ ៧៩៧ ៩៧៨
Facebook: https://www.facebook.com/JCIToulKork/ ៕ អត្ថបទសហការ
ចែករំលែកព័តមាននេះ