រាជធានីភ្នំពេញ ៖ ពិធីស៊ុបចិន ឆុងឈីង សាភីងប៉ា ៣៦០ រសជាតិ រសជាតិដើមមកពីទីក្រុងឆុងឈីង ប្រទេសចិន បានសម្ពោធជាផ្លូវការយ៉ាងអធិកអធមកាលពីរាត្រីថ្ងៃទី ១៤ ខែមីនា ឆ្នាំ ២០២៥ នៅ Morgan La Vida Floating សង្កាត់ជ្រោយចង្វារ​ រាជធានីភ្នំពេញ ដោយបានចូលរួមពីភ្ញៀវកិត្តិយសយ៉ាងសច្រើនកុះករ, តំណាងសភាពាណិជ្ជករកម្ពុជា, សមាជិកនៃទីក្រុង Chongqing Shapingba, តំណាងស្ថានទូតចិនប្រចាំព្រះរាជាណាចក្រកម្ពុជា និងក្រោមអធិបតីយភាព ឯកឧត្តម លី ធុច ទេសរដ្ឋមន្ត្រី នៃព្រះរាជាណាចក្រកម្ពុជា ។

កម្មវិធីនេះបានរៀបចំឡើងដោយគណៈកម្មាធិការស៊ុបចិន ឆុងឈីង សាភីងប៉ា ៣៦០ រសជាតិ ដែលជាព្រឹតិ្តការណ៍នេះ គឺជាការនាំមកនូវបទពិសោធន៍នៃរសជាតិថ្មីដែលមិនធ្លាប់មានពីមុនមក និងមានតែមួយគត់នៅក្នុងរាជធានីភ្នំពេញ ។ ព្រឹត្តិការណ៍ដ៏អស្ចារ្យនេះ ធ្វើឡើងក្នុងគោលបំណងអនុវត្តគម្រោង «គំនិតផ្តួចផ្តើមខ្សែក្រវ៉ាត់ និងផ្លូវ» (Belt and Road Initiative)  ដើម្បីលើកកម្ពស់ការផ្លាស់ប្តូរវប្បធម៌ រវាងប្រទេសចិន និងកម្ពុជា អ្វីដែលតែពិសេសទៀតនោះ គឺ ស៊ុបចិន ៣៦០ រសជាតិ នឹងរួមបញ្ចូលគ្នានូវធាតុផ្សំនៃទីក្រុងឆុងឈីង ដែលជារសជាតិនៃសាភីងប៉ា ព្រមទាំងទីផ្សារមរតកកម្មនៃវប្បធម៌អរូបីដ៏មានតម្លៃ និងកម្មវិធីសិល្បៈជាច្រើន ដែលនឹងជួយឱ្យប្រជាជនកម្ពុជា បានយល់ និងបានដឹងកាន់តែច្បាស់អំពីវប្បធម៌នៃទីក្រុងឆុងឈីង ។

អ្វីទាំងអស់នេះមិនត្រឹមតែជួយបង្កើនការយល់ដឹងរបស់កម្ពុជា អំពីវប្បធម៌ទីក្រុងឆុងឈីងប៉ុណ្ណោះទេ ប៉ុន្តែវាថែមទាំងបានចូលរួមចំណែកក្នុងការលើកកម្ពស់ឥទ្ធិពលនៃម៉ាកយីហោ របស់ទីក្រុងឆុងឈីង នៅលើទីផ្សារអន្តរជាតិ និងជំរុញសហគ្រាសរបស់ទីក្រុងឆុងឈីងឱ្យទៅកាន់ពិភពលោកផងដែរ ។ បន្ថែមលើសពីនេះទៅទៀត គឺបានផ្ដល់ផលប្រយោជន៍ឱ្យគ្នាទៅវិញទៅមក ស្របតាមគោលនយោបាយ ឈ្នះ ឈ្នះ  រវាងប្រទេសកម្ពុជា និងស្រុកសាភីងប៉ា ដើម្បីសម្រេចឱ្យបាននូវការអភិវឌ្ឍសេដ្ឋកិច្ចក្នុងតំបន់ ។

ព្រឹត្តិការណ៍ដ៏អស្ចារ្យនេះ ក៏មានការសម្តែងសិល្បៈ និងចម្រៀងពិសេស គឺការសម្តែងល្ខោនផ្លាស់ប្តូរមុខរបស់ Sichuan Opera  រួមជាមួយការលេងពិនប្រពៃណីចិន ដែលសុទ្ធសឹងតែជាការសម្ដែងដ៏អស្ចារ្សក្នុងការផ្លាស់ប្ដូរនូវសកម្មភាព និងការផ្សព្វផ្សាយវប្បធម៌ចិន-កម្ពុជា ដ៏សម្បូរបែប ព្រមទាំងបានបង្ហាញពីបេតិកភណ្ឌវប្បធម៌ដ៏អសា្ចរ្ស នៃប្រទេសទាំងពីរផងដែរ ។

ព្រឹត្តិការណ៍នេះមានការចូលរួមជាមួយនឹងដៃគូសហការជាច្រើនដូចជា ៖ សាកលវិទ្យាល័យអាស៊ី អឺរ៉ុប, ក្រុមហ៊ុនសន្តិសុខ និងការពារអន្តរជាតិ Zhonghu (ឆុងឈីង), ក្រុមហ៊ុន ASEAN TOP NEWS, ស៊ុបឆ្នាំងដីស៊ាវឡុងខានកម្ពុជា, Xiong​ jia​ yuan zi ហតផត, Huang jia​ matou ហតផត, Da dui zhang ហតផត, Lin​ jiangmen ហតផត, Xiaoxiong jia 1985 ហតផតនិងហាងហតផតផ្សេងទៀត ។ ទន្ទឹមនឹងនោះសហគ្រាសបេតិកភណ្ឌវប្បធម៌អរូបីជាង ២០ ដូចជា Chen-Mahua ក៏នឹងចូលរួមក្នុងការតាំងពិព័រណ៍នេះផងដែរ ។

គួរបញ្ជាក់ផងដែរថា ស៊ុបចិនឆុងឈីង សាភីងប៉ា ៣៦០ រសជាតិ ដែលជារសជាតិដើម នៃទីក្រុងឆុងឈីងនឹងបើកដំណើរការអាហារប៊ូហ្វេហតផតរយៈពេលពីរថ្ងៃ គឺចាប់ផ្ដើមពីថ្ងៃទី១៥-១៦ ខែមីនា ឆ្នាំ ២០២៥ ខាងមុខនេះ ចាប់ពីម៉ោង ៤រសៀលរហូតដល់ម៉ោង ៩យប់ នៅ Morgan La Vida Floating រាជធានីភ្នំពេញ នឹងទទួលភ្ញៀវបានចំនួន ៥០០នាក់ក្នុងមួយថ្ងៃ ។

ចំពោះតម្លៃសំបុត្រសម្រាប់អាហារប៊ូហ្វេនេះ គឺបញ្ចុះសល់ត្រឹមតែ ២៥ដុល្លារប៉ុណ្ណោះ នៃតម្លៃដើម ២៨ ដុល្លារ ។ រួសរាន់ឡើង ! សូមកុំឱ្យឱកាសដ៏កម្រនេះកន្លងផុតទៅសោះ ! ដោយគ្រាន់លោកអ្នកចុះឈ្មោះទិញសំបុត្រឥឡូវនេះ តាមរយៈការស្កែន QR កូដខាងក្រោមនេះ លោកអ្នកនឹងទទួលបានការបញ្ចុះភ្លាមៗ ។

មិនថាអ្នកជាអ្នកចូលចិត្តហតផត ឬជាមិត្តដែលចាប់អារម្មណ៍លើវប្បធម៌ចិន-កម្ពុជា នោះទេ ព្រឹត្តិការណ៍ប៊ូហ្វេ «ស៊ុបចិនឆុងឈីង សាភីងប៉ា» រសជាតិដើមនៃទីក្រុងឆុងឈីង នឹងនាំមកជូនអ្នកនូវអាហារ និងការសម្ដែងវប្បធម៌ដែលមិនអាចរំលងបាន ដែលនេះគឺជាឱកាសដ៏កម្រមួយ សូមប្រញាប់ទិញសំបុត្រ និងត្រៀមខ្លួនក្នុងការទទួលយកនូវភាពទាក់ទាញដ៏អស្ចារ្យពីព្រឹត្តិការណ៍វប្បធម៌ពីទីក្រុងឆុងឈីងជាមួយយើងទាំងអស់គ្នា ៕ អត្ថបទសហការ

សូមស្គេនទីតាំងខាងក្រោមនេះ ៖