មន្ទីរពេទ្យ​កំពុង​វិនិយោគទុន​ចំនួន ២ ប៊ី​លាន​បាត​ថៃ ក្នុង​ការ​អភិវឌ្ឍ​ប្រព័ន្ធ​ផ្ដល់​សេវា​ថែទាំ​កុមារ ប្រកបដោយ​នវានុវត្តន៍ និង​ភាព​ឆ្លាត​វៃ ។

ទីក្រុង​បាងកក, ប្រទេស​ថៃ នា​ថ្ងៃ​ទី ០៦ ខែមីនា ឆ្នាំ ២០២៥ ៖ មន្ទីរពេទ្យ សាមី​ទិ​វេ​ត (Samitivej Hospital) ដែល​ជា​មន្ទីរពេទ្យ​ឈានមុខ​គេ​ផ្នែក​ផ្ដល់​សេវា​ថែទាំ​កុមារ កំពុង​បើក​ដំណើរការ​អគារ​មន្ទីរពេទ្យ​កុមារ​អន្តរជាតិ​សាមី​ទិ​វេ​ត​ថ្មី​មួយ​ដោយឡែក ដែល​ស្ថិត​នៅ​មន្ទីរពេទ្យ​សាមី​ទិ​វេ​ត សាខា​ផ្លូវ​ស៊ី​ណៈ​ខៈ​រិ​ន (Srinakarin) ​។ ជាមួយនឹង​ការ​វិនិយោគ​ចំនួន ២ ប៊ី​លាន​បាត​ថៃ​ដើម្បី​ពង្រីក​ប្រតិបត្តិការ​បន្ថែម​នេះ បាន​ធ្វើ​ឱ្យ​មន្ទី​ពេទ្យ​សាមី​ទិ​វេ​ត ក្លាយជា​មជ្ឈមណ្ឌល​ពេទ្យ​កុមារ​ឈានមុខ​គេ​នៅ​ក្នុង​តំបន់​អាស៊ី​ប៉ា​ស៊ី​ហ្វិ​ក តាម​រយៈ​ការ​ផ្តល់​ជូន​នូវ​សេវា​ថែទាំ​ដោយ​គ្រូពេទ្យ​ជំនាញ ការ​ព្យាបាល​ប្រកបដោយ​នវានុវត្តន៍ និង​សេវាកម្ម​ព្យាបាល​លឿន​រហ័ស ​។

ការ​ពង្រីក​ទៅ​កាន់​អគារ​ថ្មី​នេះ គឺ​ដើម្បី​អាច​បម្រើសេវា​ថែទាំ​អ្នកជំងឺ​នៅ​ក្នុង​ប្រទេស​ថៃ​បាន​កាន់តែ​ប្រសើរ​ ។ មិន​ត្រឹមតែ​ប៉ុណ្ណោះ មន្ទីរពេទ្យ​ក៏​មានកេរ្តិ៍ឈ្មោះ​ល្បីល្បាញ​ទូ​ទាំង​តំបន់ និង​អន្តរជាតិ ដូច​ជា​នៅ​ប្រទេស​វៀតណាម ឡាវ កម្ពុជា ឥណ្ឌូ​នេ​ស៊ី ប្រ៊ុ​យ​ណេ អា​រ៉ា​ប៊ី​សា​អូឌីត អា​រ៉ាប់​រួម កូ​វ៉ែត អូ​ម៉​ង់ និង​កា​តា ដែល​នេះ​ជា​ការ​ពង្រឹង​តួនាទី​របស់​ខ្លួន​ក្នុង​វិស័យ​ថែទាំ​សុខភាព​នៅ​លើ​ពិភពលោក​ ។

ការ​ផ្លាស់​ប្តូរ​ពី​របៀប​ព្យាបាល​កុមារ​ទូទៅ ទៅ​រក​ការ​ព្យាបាល​បែប​ទំនើប
មន្ទីរពេទ្យ​កុមារ​អន្តរជាតិ សាមី​ទិ​វេ​ត បាន​កំណត់​ស្តង់ដារ​ថ្មី​ក្នុង​ការ​ព្យាបាល​កុមារ ដោយ​ផ្តល់​នូវ​វិធី​ព្យាបាល​កម្រិតស្តង់ដារ​ខ្ពស់​សម្រាប់​ប្រភេទ​ជំងឺ​ដែល​កម្រ និង​ស្មុគស្មាញ ​៖
•​ ​ពី​ការ​វះកាត់​បេះដូង​បើកចំហ ទៅ​កាន់ការ​ដាក់​បញ្ចូល​ស្តេ​ន​សរសៃឈាម (Minimally Invasive Catheterization) ៖ ជា​ការ​ថែទាំ​បេះដូង​បាន​យ៉ាង​ពេញលេញ​តាំងពី​កំណើត គុណភាព​ខ្ពស់ និង​ជា​សះស្បើយ​លឿន​ជាង​មុន​ ។
•​ ​ពី​ការ​ប្តូរ​ខួរឆ្អឹង (BMT) ទៅ​កាន់ការ​ព្យាបាល​ដោយ​កោសិកា CAR-T ៖ ជា​ការ​ព្យាបាល​កម្រិត​ខ្ពស់​សម្រាប់​ជំងឺ​សរសៃឈាម និង​ជំងឺមហារីក​ ។
•​ ​ការ​វះកាត់​គ្រប់​ស្ថានភាព​សម្រាប់​ទារក​ទើបនឹង​កើត និង​កុមារ​ ៖ វេជ្ជបណ្ឌិត​ឯកទេស​ជំនាញ​ក្នុង​ការ​វះកាត់​រាង​កាយ ពី​ក្បាល​ដល់​ចុងជើង ​។
•​ ​ពី​ការ​ព្យាបាល​ជំងឺឆ្កួតជ្រូក​ដោយ​ប្រើ​ថ្នាំ ទៅ​កាន់ការ​ព្យាបាល​ដោយ​ការ​រំញោច​ខួរក្បាល (VNS) ៖ ជា​វិធី​ព្យាបាល​នៅ​ពេល​ដែល​ថ្នាំ​ពុំ​មាន​ប្រសិទ្ធភាព​ ។

ការ​បំពាក់​ឧបករណ៍ និង​គ្រឿង​បរិក្ខារ​ទំនើប​ៗ
អគារ​មន្ទីរពេទ្យ​ថ្មី​នេះ​មាន​កម្ពស់ ៨ ជាន់​មាន​គ្រែ​ចំនួន ១១១ ក្នុង​នោះ​មាន​គ្រែ ១២ សម្រាប់​កុមារ​ដែល​មាន​ជំងឺ​ធ្ងន់ធ្ងរ និង​គ្រែ ៨ សម្រាប់​ទារក​ទើបនឹង​កើត​ដែល​ការ​ការ​ថែទាំ​យ៉ាង​យកចិត្តទុកដាក់​ខ្លាំង ​។ មន្ទីរពេទ្យ​ក៏​បាន​បំពាក់​បច្ចេកវិទ្យា​ឆ្លាត​វៃ (Smart Hospital) សម្រាប់​បង្កើន​ប្រសិទ្ធភាព​ព្យាបាល​កាន់តែ​ប្រសើរ ដោយ​ផ្តោត​លើ​អ្នកជំងឺ​ជា​ចម្បង​ ។ គ្រឿង​បរិក្ខារ​សំខាន់​ៗ​រួម​មាន ​៖
•​ ​បន្ទប់វះកាត់​ឆ្លាត​វៃ (Hybrid Operation Room) ៖ វះកាត់​យក​ទារក និង​វះកាត់​កុមារ​បាន​យ៉ាង​ត្រឹមត្រូវ​និង​ជាក់ច្បាស់​បំផុត ដោយ​ប្រើ​បច្ចេកវិទ្យា​ទំនើប​ដែល​អាច​មើលរូប​ភាព​បាន​យ៉ាង​លម្អិត​ ។
•​ ​វេជ្ជបណ្ឌិត​ឯកទេស​ខាង​កុមារ​លំដាប់​ពិភពលោក​ ៖ មាន​ក្រុម​វេជ្ជបណ្ឌិត​ពហុ​ជំនាញ​ដែល​ព្យាបាល​ជំងឺ​ដែល​កម្រ និង​ស្មុគស្មាញ​ ។
•​ ​ការ​ថែទាំ​ទារក​ទើបនឹង​កើត និង​កុមារ​តាម​ស្តង់ដារ​កម្រិត​ខ្ពស់ ​៖ ការ​ថែទាំ​ដោយ​អ្នកជំនាញ​សម្រាប់​ទារក​មិន​គ្រប់​ខែ សូ​ម្បី​តែ​ទារក​ដែល​មាន​ទម្ងន់​តិច​ជាង ៥០០ ក្រាម​ក៏​ដោយ ​។
•​ ​មជ្ឈមណ្ឌល​ស្តារ​នីតិសម្បទា​ទំនើប​ទាន់សម័យ​ ៖ មាន​មនុស្ស​យន្ត​ជំនួយការ​ក្នុង​ការ​ដំណើរការ​ថែទាំ ការ​ព្យាបាល​ដោយ​ប្រើ​គ្រោង​យន្ដ​ជំនួយ (Hybrid Assistive Limb) និង​ប្រព័ន្ធ​ស្តារ​នីតិសម្បទា​ប្រភេទ Redcord NEURAC ។
•​ ​សេវាកម្ម​អ្នកជំងឺ​អន្តរជាតិ​ ៖ ការ​ប្រឹក្សា​តាម​ទូរ​សព្ទ​មុន​ពេល​មក​មន្ទីរពេទ្យ ការ​ដឹក​ជញ្ជូន​តាម​អាកាស ក្រុម​ថែទាំ​ពហុ​ភាសា ការ​ណាត់ជួប​តាមដាន​ជំងឺ​ទៀងទាត់ ការ​ផ្ទេរ​អ្នកជំងឺ​សង្គ្រោះ​បន្ទាន់ និង​ការ​ជូន​ដំណើរ​ត្រលប់​ទៅ​ផ្ទះ​ ។

ការ​សហការ​ជាមួយ​ដៃគូ​នៅ​ជុំវិញ​ពិភពលោក និង​អ្នកជំនាញ​ផ្នែក​វេជ្ជសាស្ត្រ
មន្ទីរពេទ្យ​សាមី​ទិ​វេ​ត បាន​សហការ​ជាមួយ​មន្ទីរពេទ្យ​កុមារ ដូ​បេ​ឆឺ (Doernbecher) (​សាកលវិទ្យាល័យ​វិទ្យាសាស្ត្រ និង​សុខាភិបាល រដ្ឋ​អ​រ៉េ​ហ្គ​ន សហរដ្ឋអាមេរិក​) ដើម្បី​ពង្រឹង​ព្យាបាល​កុមារ​ដែល​មាន​ជំងឺ​ធ្ងន់ធ្ងរ ទារក​ទើបនឹង​កើត និង​អ្នកជំងឺ​រង​របួស​ដោយ​គ្រោះថ្នាក់ ​។ មន្ទីរពេទ្យ​ក៏​បាន​សហការ​ភាព​ជា​ដៃគូ​ជាមួយ​មន្ទីរពេទ្យ​ទូទៅ តា​កា​ស៊ូ​គី (Takatsuki) ប្រទេស​ជប៉ុន ដើម្បី​ធានា​បាន​នូវ​ការ​ព្យាបាល​ពិសេស​សម្រាប់​ទារក​ទើបនឹង​កើត និង​អា​ឡែ​ស៊ី តាម​រយៈ​ការ​ដោយ​ផ្តល់​លទ្ធភាព​ទទួល​បានកា​រវិ​វត្ត​ផ្នែក​ជំងឺ​កុមារ​ចុង​ក្រោយបង្អស់ ​។

នាំមុខ​គេ​ក្នុង​ការ​ច្នៃប្រឌិត​មន្ទីរពេទ្យ​ដែល​ឆ្លាត​វៃ
មន្ទីរពេទ្យ សាមី​ទិ​វេ​ត បាន​នាំមុខ​គេ​ក្នុង​វិស័យ​ថែទាំ​សុខភាព​បែប​ឌី​ជី​ថ​ល ដោយ​រួម​បញ្ចូល​បច្ចេកវិទ្យា​ដើម្បី​បង្កើន​ប្រសិទ្ធភាព​ខ្ពស់​ក្នុង​ការ​ព្យាបាល ​៖
•​ ​កម្មវិធី​ទូរ​សព្ទ​ដៃ Well Kidz ៖ សម្រាប់​គ្រប់គ្រង​កំណត់​ត្រា​ប្រវត្តិ​អ្នកជំងឺ ការ​ណាត់ជួប​គ្រូពេទ្យ និង​ការពិគ្រោះ​យោបល់​ពី​ចម្ងាយ ​។
•​ ​បន្ទប់សង្គ្រោះបន្ទាន់​ឆ្លាត​វៃ និង​សេវាកម្ម​រថយន្ត​សង្គ្រោះ​បន្ទាន់​ឆ្លាត​វៃ ​៖ មានការ​តាមដាន​ត្រួតពិនិត្យ​ស្ថានភាព​ជំងឺ​ក្នុង​ពេល​ជាក់ស្តែង ធានា​បាន​នូវ​ការ​ឆ្លើយ​តប​បន្ទាន់​យ៉ាង​ឆាប់រហ័ស​ ។
•​ ​ផ្នែក​ថែទាំ​អ្នកជំងឺ​ដែល​ត្រូវ​ស្នាក់​នៅ និង​ផ្នែក​អ្នកជំងឺ​មិន​ស្នាក់​នៅ​ ៖ មាន​ប្រព័ន្ធ​បច្ចេកវិទ្យា​គណនា​ថ្លៃ​ព្យាបាល​ដែល​ដំណើរការ​ដោយ​បញ្ញា​សិប្បនិម្មិត ការ​តាមដាន​លំដាប់​អ្នកជំងឺ និង​ជំនួយ​ដល់​ការ​ប្រាស្រ័យ​ទាក់ទង​រវាង​ក្រុម​គ្រូពេទ្យ និង​អ្នកជំងឺ​ ។
•​ ​ប្រព័ន្ធ D-Discharge ៖ ជួយ​សម្រួល​ដល់​ដំណើរការ​ចេញពី​មន្ទីរពេទ្យ​ដោយ​ភាព​ងាយស្រួល​ជាង​មុន ​។

លទ្ធផល និង​សមិទ្ធិ​ផល​សំខាន់​ៗ​ផ្នែក​ថែទាំ​ជំងឺ​កុមារ
មន្ទីរពេទ្យ​សាមី​ទិ​វេ​ត បាន​ទទួលលទ្ធផល​គួរ​ឱ្យ​កត់សម្គាល់ ​៖
•​ ​បាន​ព្យាបាល​ជំងឺ​កុមារ​ធ្ងន់ធ្ងរ​ជាង ៧០០០ ករណី​ជា​រៀង​រាល់​ឆ្នាំ
•​ ​បាន​វះកាត់​យក​ទារក​ទើបនឹង​កើត និង​កុមារ​ជាង ១០០០ ករណី​ជា​រៀង​រាល់​ឆ្នាំ រួម​ទាំង​ការ​ដាក់​បញ្ចូល​ស្តេ​ន​សរសៃឈាម
•​ ​អត្រា​រស់រាន​មានជីវិត ៩២% ក្នុង​មួយ​ឆ្នាំ​សម្រាប់​ការ​ប្តូរ​ខួរឆ្អឹង ដែល​នេះ​គឺ​លើស​ពី​កម្រិត​អត្រា​ពិភពលោក
•​ ​បាន​ព្យាបាល​ទារក​ទើបនឹង​កើត​ជាង ៤០០ នាក់​ដែល​មាន​ជំងឺ​បេះដូង តាម​រយៈ​ការ​វះកាត់
•​ ​ការ​ថែទាំ​ពិសេស​សម្រាប់​ទារក​មិន​គ្រប់​ខែ​ដែល​មាន​ទម្ងន់​ក្រោម ៥០០ ក្រាម
•​ ​ទទួល​បានការ​វាយតម្លៃ​ពី​ទំនុកចិត្ត​របស់​គ្រួសារ​រហូត​ដល់​ទៅ ៩៨% ។

ការ​ប្តេជ្ញា​ចិត្ត​ឆ្ពោះទៅ​រក​អនាគត​ដែល​កុមារ​គ្រប់​រូប មាន​សុខភាព​ល្អជា​និច្ច
លោក​វេជ្ជបណ្ឌិត ស៊ូ​រ៉ាង​កា​ណា តេ​ឆា​ផៃ​ធូ​ន (Surangkana Techapaitoon) អគ្គនាយករង​នៃ​មន្ទីរពេទ្យ​សាមី​ទី​វេ​ត និង​មន្ទីរពេទ្យ BNH និង​ជា​នាយក​មន្ទីរពេទ្យ​កុមារ​អន្តរជាតិ​សាមី​ទិ​វេ​ត បាន​មាន​ប្រសាសន៍​ថា​ ៖ «​យើង​ចង់​ឃើញ​កុមារ​គ្រប់​រូប​មាន​អនាគត​ដែល​មាន​សុខភាព​ល្អ​ជាង​មុន តាម​រយៈ​ការ​រួម​បញ្ចូល​បច្ចេកវិទ្យា និង​នវានុវត្តន៍ ក្រុម​គ្រូ​ពេ​ទ្រ​ជំនាញ​លំដាប់​ពិភពលោក និង​ការ​ថែទាំ​ប្រកបដោយ​ក្ដី​មេត្តា ​។ ការ​បើក​ដំណើរការ​អគារ​មន្ទីរពេទ្យ​ថ្មី​នេះ នឹង​ជួយ​ពង្រឹង​តួនាទី​សំខាន់​របស់​យើង ជា​មជ្ឈមណ្ឌល​ទទួល​ព្យាបាល​កុមារ​ឈានមុខ​គេ ពង្រីក​លទ្ធភាព​ទទួល​បានការ​ព្យាបាល​ឯកទេស និង​ធានា​ថា​កុមារ​នៅ​គ្រប់​ទីកន្លែង​ទទួល​បានការ​ថែទាំ​ល្អ​បំផុត ចាប់ពី​វ័យ​ទារក​រហូត​ដល់​វ័យ​ជំទង់​» ៕

សម្រាប់​ព័ត៌មាន​បន្ថែម​សូម​ចូល​ទៅ​កាន់​គេហទំព័រ​ ៖ https://smtvj.com/3F5dPKC ។

អំពី​មន្ទីរពេទ្យ​សាមី​ទិ​វេ​ត
មន្ទីរពេទ្យ​សាមី​ទិ​វេ​ត គឺជា​បណ្ដុំ​មន្ទីរពេទ្យ​ដែល​ទទួលស្គាល់​ដោយ​គណៈកម្មការ​ចម្រុះ​អន្តរជាតិ (JCI)​ ។ មន្ទីរពេទ្យ​មាន​ផ្តល់​ការ​ថែទាំ និង​ព្យាបាល​ស្ដង់ដារ​លំដាប់​ពិភពលោក តាំងពី​ឆ្នាំ ១៩៧៩​ ។ ជាមួយនឹង​មន្ទីរពេទ្យ​ចំនួន ៧ នា​ពេល​បច្ចុប្បន្ន​នេះ សាមី​ទិ​វេ​ត​បាន​ផ្តល់​សេវា​ថែទាំ​សុខភាព និង​ព្យាបាល​ឈានមុខ​គេ​នៅ​ក្នុង​ប្រទេស​ថៃ និង​អាស៊ី​អាគ្នេយ៍ ដោយ​បម្រើសេវា​កម្ម​ជូន​ទាំង​ប្រជាជន​ក្នុងស្រុក និង​ជនបរទេស ​។

អំពី​មន្ទីរពេទ្យ​កុមារ​អន្តរជាតិ សាមី​ទិ​វេ​ត
មន្ទីរពេទ្យ​កុមារ​អន្តរជាតិ សាមី​ទិ​វេ​ត ត្រូវ​បាន​ទទួលស្គាល់​ថា​ជា​មន្ទីរពេទ្យ​កុមារ​ឯកជន​ឈានមុខ​គេ​របស់​ប្រទេស​ថៃ ដែល​មាន​ឯកទេស​ក្នុង​ការ​ព្យាបាល​ជំងឺ​ដែល​កម្រ និង​ស្ថិត​ក្នុង​ស្ថានភាព​ស្មុគស្មាញ ​។ មន្ទីរពេទ្យ​បាន​ទទួល​ពានរង្វាន់​កិត្យានុភាព​ជា​ច្រើន ក្នុង​នោះ​រួម​មាន​ពានរង្វាន់​អ្នក​ផ្តល់​សេវា​ប្តូរ​ខួរឆ្អឹង​ប្រចាំឆ្នាំ ២០២៤ នៅ​អាស៊ី​ប៉ា​ស៊ី​ហ្វិ​ក ពានរង្វាន់​មន្ទីរពេទ្យ​ឯកទេស​ឆ្នើម​ប្រចាំឆ្នាំ ២០២២ ពី​វេទិកា​អាស៊ី​សុខាភិបាល (Healthcare Asia) ពានរង្វាន់​មន្ទីរពេទ្យ​កុមារ​ល្អ​បំផុត​ពី​ពានរង្វាន់​ភាព​ជា​អ្នកដឹកនាំ​ផ្នែក​សេវា​ថែទាំ​សុខភាព​មជ្ឈិមបូព៌ា​នៅ​ទីក្រុង​ឌូ​បៃ និង​ការ​ទទួលស្គាល់​កម្មវិធី​បណ្តុះបណ្តាល​ផ្នែក​វេជ្ជសាស្ត្រ​សង្គ្រោះ​កុមារ​ផង​ដែរ​ ។ ពានរង្វាន់​ទាំងនេះ​គឺជា​ការ​បង្ហាញ​ពី​ការ​យកចិត្តទុកដាក់​របស់​មន្ទីរពេទ្យ​សាមី​ទិ​វេ​ត ចំពោះ​កិច្ច​ខិតខំ​ប្រឹងប្រែង​ក្នុង​ការ​ថែទាំ​កុមារ​ ។
សម្រាប់​ព័ត៌មាន​បន្ថែម ​៖
មន្ទីរពេទ្យ​កុមារ​អន្តរជាតិ សាមី​ទិ​វេ​ត
អ៉ី​ម៉ែ​ល​៖ info@samitivej.co.th
គេហទំព័រ​ ៖ https://smtvj.com/3F5dPKC ៕ អត្ថបទសហការ