រាជធានីភ្នំពេញ ៖ សម្រាប់កុមារ សេចក្តីស្រឡាញ់ មានសារៈសំខាន់សម្រាប់ការលូតលាស់ដែលមានសុខភាពល្អ ។ មានវិធីសាស្ត្រចំនួន ១០ ដើម្បីចែករំលែកក្តីស្រឡាញ់របស់អ្នកជាមួយកូនៗ ៖…
រាជធានីភ្នំពេញ ៖ សម្រាប់កុមារ សេចក្តីស្រឡាញ់ មានសារៈសំខាន់សម្រាប់ការលូតលាស់ដែលមានសុខភាពល្អ ។ មានវិធីសាស្ត្រចំនួន ១០ ដើម្បីចែករំលែកក្តីស្រឡាញ់របស់អ្នកជាមួយកូនៗ ៖
១. ការប៉ះពាល់រាងកាយ ៖ ការប៉ះរាងកាយ គឺមានសារៈសំខាន់សម្រាប់ការអភិវឌ្ឍ និងសុខុមាលភាពរបស់កុមារ ។ ការប៉ះពាល់ជួយកុមារឱ្យមានអារម្មណ៍សុវត្ថិភាព និងស្រឡាញ់ ការសិក្សាបានបង្ហាញថា កុមារដែលទទួលបានការស្ទាបអង្អែល និងស្រឡាញ់រាងកាយជាប្រចាំ ទំនងជាមានសុខភាពផ្លូវចិត្តប្រសើរជាងមុន ។
២. បង្កើតការតភ្ជាប់ ៖ ចូររៀបចំកាលវិភាគ ដើម្បីចំណាយពេលវេលាជាមួយគ្រួសាររបស់អ្នក ដូចជាការដើរលេងផ្សារទំនើប លេងហ្កេមជាក្រុម ទៅសួនកុមារ និងសួនកម្សាន្តនានា ។ ចូរផ្តល់អាទិភាពដល់អាហារពេលល្ងាចជុំគ្នាផងដែរ ។
៣. ការប្រៀនប្រដៅដោយសេចក្តីស្រឡាញ់ ៖ ចូរកំណត់ព្រំដែន និងការរំពឹងទុកច្បាស់លាស់ ខណៈពេលដែលបង្ហាញពីការយល់ចិត្ត និងការយោគយល់ចំពោះអារម្មណ៍ និងតម្រូវការរបស់ពួកគេ ដូចជាការសរសើរលើអាកប្បកិរិយាល្អ ការផ្តល់រង្វាន់ និងជៀសវាងការដាក់ទណ្ឌកម្មលើរាងកាយ ឬការរំលោ.ភបំពានពាក្យសំដី ។
៤. គិតមុនពេលអ្នកនិយាយ ៖ ពាក្យអាក្រក់ អាចមានឥទ្ធិពលយូរអង្វែងលើកុមារ និងមនុស្សពេញវ័យ ។ ផ្ទុយទៅវិញ ចូរផ្អាកបន្តិច ដកដង្ហើមវែងៗ ហើយពិចារណាការឆ្លើយតបរបស់អ្នក ចំពោះអាកប្បកិរិយារបស់ពួកគេ ។ ប្រើពាក្យវិជ្ជមាន និងលើកទឹកចិត្ត នៅពេលណាដែលអាចធ្វើទៅបាន ហើយជៀសវាងការនិយាយលេងសើចច្រើន ព្រោះវាអាចធ្វើឱ្យកូនយល់ច្រឡំ ។
៥. ឱប ៖ ការឱប គឺវេទមន្ត ពេលជីវិតជួបភាពតានតឹង ការឱបអាចធ្វើឱ្យមានការផ្លាស់ប្តូរយ៉ាងខ្លាំង ។ នៅពេលដែលកូនរបស់អ្នកស្រែករករឿង ជំនួសឱ្យការស្រែកដាក់កូន ចូរដកដង្ហើមវែងៗ ហើយឱបកូនរបស់អ្នក ។
៦. អភ័យទោសចំពោះកំហុស ៖ បង្រៀនកូនរបស់អ្នកឱ្យទទួលស្គាល់ នៅពេលដែលពួកគេធ្វើខុស ហើយសុំការអភ័យទោស ។ ឪពុកម្តាយក៏ត្រូវធ្វើជាគំរូល្អនេះដូចគ្នា ដោយការសុំទោសនៅពេលអ្នកធ្វើខុស ។
៧. ចម្អិនអាហារជាមួយកូនរបស់អ្នក ៖ ការចម្អិនអាហារជាមួយកុមារជាបទពិសោធន៍ដ៏រីករាយ ការអប់រំ និងទំនាក់ទំនងដ៏ល្អសម្រាប់កុមារ និងមនុស្សពេញវ័យ ។ វាអនុញ្ញាតឱ្យកុមាររៀនជំនាញជីវិតសំខាន់ៗដូចជាការធ្វើតាមការណែនាំ ការវាស់ស្ទង់ធាតុផ្សំ និងការអនុវត្តសុវត្ថិភាពក្នុងផ្ទះបាយ ។ ការចម្អិនអាហារក៏ជួយជំរុញដល់ការច្នៃប្រឌិតរបស់កុមារ និងលើកទឹកចិត្តឱ្យពួកគេសាកល្បងអាហារ និងរសជាតិថ្មីៗ ។
៨. អានជាមួយកូនរបស់អ្នក ៖ ការអានឱ្យកូនរបស់អ្នកតាំងពីតូចអាចជួយឱ្យកុមារបង្កើតជំនាញភាសា និងបង្កើនវាក្យសព្ទ ។ តាមរយៈការស្តាប់ កុមារអាចរៀនពាក្យថ្មី ឃ្លា និងរចនាសម្ព័ន្ធប្រយោគ និងបង្កើនជំនាញស្តាប់ ។ ការអានក៏អាចជំរុញឱ្យមានការស្រឡាញ់ការសិក្សា និងលើកទឹកចិត្តឱ្យពួកគេក្លាយជាអ្នកអានពេញមួយជីវិត ។
៩. ផ្តល់អាទិភាពដល់សុខភាពកូនអ្នក ៖ អ្វីដែលល្អបំផុតមួយដែលអ្នកអាចធ្វើបានសម្រាប់កូនរបស់អ្នក គឺធ្វើឱ្យពួកគេមានសុខភាពល្អ និងការពារពួកគេពីជំងឺ ។ មធ្យោបាយដ៏ល្អបំផុតដើម្បីសម្រេចបាននេះ គឺត្រូវនាំពួកគេទៅជួបគ្រូពេទ្យកុមារជារៀងរាល់ឆ្នាំ ដើម្បីពិនិត្យសុខភាពកុមារឱ្យបានល្អ ។
១០. និយាយថា ប៉ាម៉ាក់ស្រឡាញ់កូនជានិច្ច ៖ ការនិយាយថា “ប៉ាម៉ាក់ស្រឡាញ់កូន” មានសារៈសំខាន់ ព្រោះវាជួយឱ្យពួកគេមានអារម្មណ៍ថា មានសុវត្ថិភាព ស្រឡាញ់ និងឱ្យតម្លៃ ។ កុមារត្រូវមានអារម្មណ៍ស្រឡាញ់ដោយគ្មានលក្ខខណ្ឌ ការឮពាក្យសាមញ្ញទាំងបីនោះអាចធ្វើឱ្យមានការផ្លាស់ប្តូរយ៉ាងខ្លាំងក្នុងជីវិតរបស់ពួកគេ ៕ ប្រភព ៖ rainbowpeds
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ