រាជធានីភ្នំពេញ ៖ យោងតាមមាត្រា ៣ និងមាត្រា ១១ នៃច្បាប់ស្តីពី ម៉ាក ពាណិជ្ជនាម និងអំពីនៃការប្រកួតប្រជែងមិនស្មោះត្រង់…
រាជធានីភ្នំពេញ ៖ យោងតាមមាត្រា ៣ និងមាត្រា ១១ នៃច្បាប់ស្តីពី ម៉ាក ពាណិជ្ជនាម និងអំពីនៃការប្រកួតប្រជែងមិនស្មោះត្រង់ និងយោងតាមលិខិតស្នើសុំរបស់ ក្រុមហ៊ុន តូយ៉ូតា (ខេមបូឌា) ចុះថ្ងៃទី ១១ ខែវិច្ឆិកា ឆ្នាំ ២០២៤ កាលពីថ្ងៃទី ២១ ខែមករា ឆ្នាំ ២០២៥ ក្រសួងពាណិជ្ជកម្ម នៃព្រះរាជាណាចក្រកម្ពុជា បានឯកភាពកត់ត្រាទទួលស្គាល់សិទ្ធិនាំចូល និងចែកចាយផ្តាច់មុខលើយានយន្ត និងគ្រឿងបន្លាស់ម៉ាក “LX700h” និង “GX550” របស់ ក្រុមហ៊ុន តូយ៉ូតា (ខេមបូឌា) (TOYOTA (CAMBODIA) CO., LTD.) ដែលទទួលបានពីក្រុមហ៊ុន TOYOTA JIDOSHA KABUSHIKI KAISHA (TOYOTA MOTOR CORPORATION) ដែលមានលិខិតប្រគល់សិទ្ធិផ្តាច់មុខចុះថ្ងៃទី ១១ ខែតុលា ឆ្នាំ ២០២៤ តាមរយៈលិខិតប្រកាសរបស់ក្រសួងពាណិជ្ជកម្ម លេខ ០២០៦ ព.ណ កសប ចុះថ្ងៃទី ២១ ខែមករា ឆ្នាំ ២០២៥ ។
តាមរយៈលិខិតកត់ត្រាទទួលស្គាល់សិទ្ធិនាំចូល និងចែកចាយផ្តាច់មុខនេះ ក្រុមហ៊ុន តូយ៉ូតា (ខេមបូឌា) គឺជាអ្នកទទួលបានសិទ្ធិផ្តាច់មុខស្របច្បាប់តែមួយគត់ពីក្រុមហ៊ុន TOYOTA JIDOSHA KABUSHIKI KAISHA (TOYOTA MOTOR CORPORATION) ប្រទេសជប៉ុនក្នុងការនាំចូល និងចែកចាយយានយន្ត និងគ្រឿងបន្លាស់ដែលមានពាក់ម៉ាកខាងលើទូទាំងព្រះរាជាណាចក្រកម្ពុជា ។
ការទទួលស្គាល់នេះនឹងផ្តល់ជូនទំនុកចិត្តដល់អតិថិជនទាំងអស់ដែលនិយមគាំទ្រយានយន្ត និងគ្រឿងបន្លាស់រថយន្តម៉ាក TOYOTA ក៏ដូចជា LEXUS ដែលផ្គត់ផ្គង់ដោយក្រុមហ៊ុន តូយ៉ូតា (ខេមបូឌា) សុទ្ធតែត្រូវបានបញ្ជាក់ដោយក្រុមហ៊ុន TOYOTA JIDOSHA KABUSHIKI KAISHA (TOYOTA MOTOR CORPORATION) ប្រទេសជប៉ុនអំពីកម្រិតស្តង់ដាគុណភាពច្បាស់លាស់ជូនអតិថិជន និងចៀសវាងការប្រើប្រាស់ផលិតផលក្លែងក្លាយ ។
ជាមួយគ្នានេះផងដែរ ក្រុមហ៊ុន តូយ៉ូតា (ខេមបូឌា) (TOYOTA (CAMBODIA) CO., LTD.) មានសិទ្ធិស្របច្បាប់ក្នុងការដាក់ពាក្យបណ្តឹងទៅកាន់អាជ្ញាធរមានសមត្ថកិច្ចដើម្បីចាត់វិធានការទៅលើការនាំចូល និងចែកចាយយានយន្ត និងគ្រឿងបន្លាស់ដែលពាក់ម៉ាកដូចគ្នាទៅនឹងម៉ាករបស់ក្រុមហ៊ុនដូចដែលមានចែងក្នុងលិខិតទទួលសិទ្ធិនេះផងដែរ។ អាស្រ័យដូចបានជម្រាបជូនខាងលើ សូមសាធារណជនមេត្តាជ្រាប។ ខាងក្រោមនេះគឺជាលិខិតថតចម្លងចេញដោយក្រសួងពាណិជ្ជកម្ម ៕ អត្ថបទសហការ
ចែករំលែកព័តមាននេះ