រាជធានីភ្នំពេញ ៖ ការពន្យារការលូតលាស់ កើតឡើងនៅពេលដែលកុមារមិនលូតលាស់ក្នុងអត្រាធម្មតាក្នុងអាយុរបស់ពួកគេ ។ ការពន្យារពេលលូតលាស់អាចបណ្តាលមកពីបញ្ហាសុខភាពមូលដ្ឋាន ដូចជាកង្វះអ័រម៉ូនលូតលាស់ជាដើម ។ ក្នុងករណីខ្លះ ការព្យាបាលដំបូងអាចជួយកុមារឈានដល់កម្ពស់ធម្មតា…
រាជធានីភ្នំពេញ ៖ ការពន្យារការលូតលាស់ កើតឡើងនៅពេលដែលកុមារមិនលូតលាស់ក្នុងអត្រាធម្មតាក្នុងអាយុរបស់ពួកគេ ។ ការពន្យារពេលលូតលាស់អាចបណ្តាលមកពីបញ្ហាសុខភាពមូលដ្ឋាន ដូចជាកង្វះអ័រម៉ូនលូតលាស់ជាដើម ។ ក្នុងករណីខ្លះ ការព្យាបាលដំបូងអាចជួយកុមារឈានដល់កម្ពស់ធម្មតា ឬជិតធម្មតាវិញ ។ ប្រសិនបើអ្នកសង្ស័យថា កូនរបស់អ្នកមិនលូតលាស់ក្នុងអត្រាធម្មតា សូមធ្វើការណាត់ជួបជាមួយគ្រូពេទ្យ ដើម្បីសិក្សាឱ្យបានច្បាស់លាស់ ។ វាក៏អាចជាសញ្ញានៃបញ្ហាសុខភាពផ្សេងទៀតផងដែរ ។
រោគសញ្ញាដែលទាក់ទងនឹងការលូតលាស់យឺត គឺប្រសិនបើកូនរបស់អ្នកតូចជាងកុមារដទៃទៀតនៅអាយុដូចគ្នា ពួកគេអាចមានបញ្ហាលូតលាស់ ។ ជាធម្មតា វាត្រូវបានចាត់ទុកថា ជាបញ្ហាសុខភាព ។ ការពន្យារការលូតលាស់ក៏អាចត្រូវបានគេធ្វើរោគវិនិច្ឆ័យឃើញចំពោះកុមារដែលកម្ពស់ស្ថិតក្នុងកម្រិតធម្មតា ប៉ុន្តែអត្រានៃការលូតលាស់របស់ពួកគេបានថយចុះ ។
កូនរបស់អ្នកអាចមានរោគសញ្ញាផ្សេងទៀត ដូចជា ៖ មានទម្រង់មួយចំនួននៃមនុស្សតឿ ដៃ ឬជើងរបស់ពួកគេប្រហែលជាតូចធំខុសធម្មតា ។ កូនរបស់អ្នកអាចមិនសូវមានកម្លាំង ទល់លាមក ស្បែក និងសក់ស្ងួត ។ ប៉ះពាល់ដល់ការលូតលាស់នៃមុខ ដែលបណ្តាលឱ្យពួកគេមើលទៅក្មេងខុសពីធម្មតា និងឧស្សាហ៍មានឈាមក្នុងលាមក រាគ ទល់លាមក ក្អួត ឬចង្អោរ ។
ការព្យាបាលសម្រាប់ការលូតលាស់យឺត គឺផែនការព្យាបាលកូនរបស់អ្នកអាស្រ័យលើមូលហេតុនៃការលូតលាស់យឺតរបស់ពួកគេ ។ សម្រាប់ការលូតលាស់យឺតដែលទាក់ទងនឹងប្រវត្តិគ្រួសារ គ្រូពេទ្យជាធម្មតាមិនណែនាំការព្យាបាល ឬអន្តរាគមន៍ណាមួយឡើយ ។ សម្រាប់មូលហេតុផ្សេងទៀត ការព្យាបាល ឬអន្តរាគមន៍មួយចំនួនអាចជួយឱ្យពួកគេចាប់ផ្តើមលូតលាស់ជាធម្មតា ។
ប្រសិនបើវាជាកង្វះអាហារូបត្ថម្ភ គ្រូពេទ្យអាចព្យាយាមកែលម្អអាហារូបត្ថម្ភ ។ ជួនកាល ការដោះស្រាយបញ្ហាសុខភាព ដូចជាបន្ថែមអាហារូបត្ថម្ភអាចនាំទៅរកអត្រាកំណើនធម្មតា ។ គ្រូពេទ្យក៏អាចចេញវេជ្ជបញ្ជាថ្នាំមួយចំនួន ដែលអាចជំរុញអោយកុមារមានចំណង់អាហារផងដែរ ។
ក្នុងករណីផ្សេងទៀត កុមារត្រូវបានព្យាបាលដោយអ័រម៉ូន (ហៅថា អ័រម៉ូនលូតលាស់ឡើងវិញ) ដែលជំរុញការលូតលាស់ដោយផ្ទាល់ ។ វាអាចត្រូវបានគ្រូពេទ្យណែនាំ ប្រសិនបើបណ្តាលមកពីបញ្ហាហ្សែន ។ ពេលខ្លះ កុមារលូតលាស់យឺតដោយសារការពន្យារពេលធម្មតា (ឬហៅថា ចេញផ្កាយឺត) ដែលអាចមើលទៅក្មេងជាងមិត្តភក្ដិរបស់គេបន្តិច វេជ្ជបណ្ឌិតអាចណែនាំការព្យាបាលអ័រម៉ូនតេស្តូស្តេរ៉ូនក្នុងកម្រិតទាប ដើម្បីជំរុញភាពពេញវ័យ ៕ ប្រភព ៖ healthline
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ