រាជធានីភ្នំពេញ ៖ ការរំលោ.ភបំពាន និងការមិនយកចិត្តទុកដាក់លើកុមារ គឺជាបញ្ហាសុខភាពសាធារណៈធ្ងន់ធ្ងរ ដែលវាអាចមានផលប៉ះពាល់រយៈពេលវែង ។ យ៉ាងហោចណាស់មានកុមារ ១ នាក់ក្នុងចំណោម…
រាជធានីភ្នំពេញ ៖ ការរំលោ.ភបំពាន និងការមិនយកចិត្តទុកដាក់លើកុមារ គឺជាបញ្ហាសុខភាពសាធារណៈធ្ងន់ធ្ងរ ដែលវាអាចមានផលប៉ះពាល់រយៈពេលវែង ។ យ៉ាងហោចណាស់មានកុមារ ១ នាក់ក្នុងចំណោម ៧ នាក់បានជួបប្រទះការរំលោ.ភបំពាន ឬការមិនយកចិត្តទុកដាក់ ។ ការរំលោ.ភបំពាន និងការមិនយកចិត្តទុកដាក់លើកុមារមាន ៤ ប្រភេទ ៖
១. ការរំលោ.ភបំពានលើរាងកាយ ដូចជាការវាយ ទាត់ ធាក់ ឬអង្រួនកុមារ ។
២. ការរំលោ.ភបំពានផ្លូវភេទ ដែលពាក់ព័ន្ធនឹងការគាបសង្កត់ ឬបង្ខំកុមារឱ្យចូលរួមក្នុងសកម្មភាពផ្លូវភេទ ។
៣. ការរំលោ.ភបំពានផ្លូវអារម្មណ៍ ដែលធ្វើឱ្យប៉ះពាល់ដល់អារម្មណ៍នៃតម្លៃខ្លួនឯងរបស់កុមារ (ការជេរឈ្មោះ ការធ្វើឱ្យខ្មាស់ ការគំរាមកំហែង ឬការបដិសេធ) ។
៤. ការមិនយកចិត្តទុកដាក់ ដែលជាការបរាជ័យក្នុងការបំពេញតម្រូវការរាងកាយ និងអារម្មណ៍ជាមូលដ្ឋានរបស់កុមារ ។ នេះអាចរាប់បញ្ចូលទាំងការមិនយកចិត្តទុកដាក់លើការថែទាំសុខភាព លំនៅឋាន អាហារ ឬការអប់រំ ។
សូមឪពុកម្តាយអនុវត្តតាមការណែនាំទាំងនេះ ដើម្បីបញ្ឈប់ការរំលោ.ភបំពានលើកុមារ ៖
– ព្យាយាមយល់ពីកូនរបស់អ្នក ៖ ស្វែងយល់ពីរបៀបដែលកូនមានបញ្ហាអាកប្បកិរិយា និងអ្វីដែលពួកគេអាចធ្វើបាន និងមិនអាចធ្វើបាន ។ មានការរំពឹងទុកជាក់ស្តែង និងសមហេតុផល ប្រសិនបើកុមារហាក់ដូចជាធ្លាក់ចុះ ។
-ថែរក្សាកូនរបស់អ្នកឱ្យមានសុខភាពល្អ ៖ ការមិនឱ្យកូនគេងញ៉ាំអាហារ គេង ឬសេវាថែទាំសុខភាព គឺជាការរំលោ.ភបំពានលើកុមារ ។
-ការពារកុមារពីជាតិស្រវឹង និងថ្នាំញៀនខុសច្បាប់គ្រប់ប្រភេទ ។ ថែរក្សាកុមារឱ្យនៅឆ្ងាយពីមនុស្សដែលប្រើប្រាស់សារធាតុទាំងនេះ ។
-ប្រុងប្រយ័ត្នក្នុងការប្រើប្រាស់ពាក្យសម្តីរបស់អ្នក ។ ភាសាខឹង ឬការដាក់ទណ្ឌកម្មចំពោះកូនអាចបន្សល់ទុកស្លាកស្នាមផ្លូវចិត្តរបស់ពួកគេអស់មួយជីវិត ។
-ចូរគ្រប់គ្រងខ្លួនឯងមុននឹងប្រដៅកូន ៖ ចូរកំណត់ច្បាប់ច្បាស់លាស់ ដើម្បីឱ្យកូនដឹងពីអ្វីដែលត្រូវរំពឹងទុក ។ សូមជៀសវាងការដាក់ទណ្ឌកម្មរាងកាយកូនរបស់អ្នក ។
-សម្រាកខ្លួនឯងបន្តិច ៖ ឈប់សិន បើអ្នកចាប់ផ្តើមមានអារម្មណ៍មិនសប្បាយចិត្ត ។ ស្វែងរកនរណាម្នាក់ដើម្បីពិភាក្សា ។
-ធ្វើឱ្យផ្ទះរបស់អ្នកជាតំបន់គ្មានអំពើហិ.ង្សា ៖ បិទកម្មវិធីទូរទស្សន៍ដែលមានហិ.ង្សា ហើយកុំឱ្យក្មេងៗនៅក្រោមដំបូលតែមួយជាមួយមនុស្សពេញវ័យដែលបំពាន ឬប្រើអំពើហិ.ង្សា ។
-បង្កើតពេលវេលាសម្រាប់ខ្លួនឯង ៖ សម្រាកបន្ធូរអារម្មណ៍ជាទៀងទាត់ ហើយនៅឆ្ងាយពីកូនរបស់អ្នក ដើម្បីកាត់បន្ថយភាពតានតឹងនៃការចិញ្ចឹមកូន ។
-ដឹងពីសញ្ញានៃការរំលោ.ភបំពាន និងការមិនយកចិត្តទុកដាក់ចំពោះកុមារ ដែលមានដូចជាការធ្លាក់ទឹកចិត្ត ការភ័យខ្លាច ការពិបាកក្នុងការជឿជាក់លើអ្នកដទៃ ឬបង្កើតមិត្ត ការផ្លាស់ប្តូរភ្លាមៗនៃការញ៉ាំ ឬទម្លាប់នៃការគេង មានបញ្ហាអាកប្បកិរិយា និងការសិក្សាធ្លាក់ចុះជាដើម ។
-បង្រៀនកូនរបស់អ្នកឱ្យចេះនិយាយថា “ទេ” ចំពោះការប៉ះដែលធ្វើឱ្យពួកគេមិនស្រួល ។ ឧទាហរណ៍ ប្រសិនបើកូនរបស់អ្នកមិនចង់ឱបសមាជិកគ្រួសារ ឬមិត្តភ័ក្តិទេ សូមគោរពការសម្រេចចិត្តរបស់ពួកគេក្នុងការនិយាយថា “ទេ” ចំពោះទំនាក់ទំនងនេះ ៕ ប្រភព ៖ urmc
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនមានកម្មវិធីអប់រំ និងថែទាំកុមារតូច មតេ្តយ្យ ភាសាអង់គ្លេសសម្រាប់កុមារ ភាសាអង់គ្លេសសម្រាប់សិស្សធំ ភាសាចិន និងចំណេះទូទៅខ្មែរពីថ្នាក់ទី ១ ដល់ទី ១២ ។ សាលារៀនផ្តល់ជូនការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ សេវាកម្មគាំទ្រ និងកម្មវិធីសិក្សាបន្ថែមសម្បូរបែបសម្របតាមបំណិនសតវត្សរ៍ទី ២១ ។ សាលារៀនចាប់ទទួលចុះឈ្មោះសិស្សចូលរៀនរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ