រាជធានីភ្នំពេញ ៖ កាលពីចុងសប្តាហ៍កន្លងមកនេះ នាយិកា និងគ្រូបង្គោលនៃកម្មវិធីមត្តេយ្យគ្រប់សាខានៃសាលារៀនវ៉េស្ទឡាញន៍ និងសាលារៀន ណត្សឡាញន៍ បានទទួលការបណ្តុះបណ្តាលស្តីពី «វិធីសាស្ត្រអប់រំ និងបង្រៀនកុមារតូច…
រាជធានីភ្នំពេញ ៖ កាលពីចុងសប្តាហ៍កន្លងមកនេះ នាយិកា និងគ្រូបង្គោលនៃកម្មវិធីមត្តេយ្យគ្រប់សាខានៃសាលារៀនវ៉េស្ទឡាញន៍ និងសាលារៀន ណត្សឡាញន៍ បានទទួលការបណ្តុះបណ្តាលស្តីពី «វិធីសាស្ត្រអប់រំ និងបង្រៀនកុមារតូច តាមបែបការលេងកម្សាន្តលំនាំ វិធីសាស្ត្រម៉ុនតេសូរី» ដើម្បីពង្រឹងសមត្ថភាព ទៅលើវិធីសាស្ត្រអប់រំថ្មីៗ និងទំនើបបន្ថែមទៀត ។
អ្នកស្រី អ៊ុក សូនីតា នាយិកាសិក្សាធិការកម្មវិធីភាសាបរទេស និងជាគ្រូបង្គោលបណ្តុះបណ្តាលម៉ុនតេសូរី និងកុមារតូច នៃបណ្តាញាគ្រឹះស្ថានអប់រំ វេសឡាញ អេឌ្យូខេសិន គ្រុបបានបញ្ជាក់ថា កម្មវិធីបណ្តុះបណ្តាលនេះផ្តោតសំខាន់ទៅលើ៖ កម្មវិធីម៉ុនតេសូរី និងជ្រុងអភិវឌ្ឍទាំង៥ ការស្គាល់សម្ភារ និងវិធីរប្រើប្រាស់សម្ភារតាមជ្រុងនិមួយៗ វិធីសាស្ត្របង្រៀន និងដឹកនាំកុមារអំពីបំណិនជីវិតមូលដ្ឋាន និងអំពីការប្រើប្រាស់បញ្ញាញាណទាំង ៥ តាមបែបការលេងដោយសេរី និងលេងដោយមានការណែនាំដោយផ្តោតជាគោលទៅតាមវិធីសាស្ត្របែបម៉ុនតេសូរីដែលជួយឱ្យកុមាររីកចម្រើនផ្នែកសិក្សាធិការ សុខភាពរាងកាយ ទំនាក់ទំនងសង្គម និងអារម្មណ៍ វិន័យ អត្តចរិត និងបំណិនជីវិតកុមារដែលជួយជំរុញកុមារឱ្យមានសេចក្តីស្រឡាញ់ ក៏ដូចជាជំរុញកុមារបន្តការរៀនសូត្រពេញមួយជីវិត ។
គួរបញ្ញាក់ថា ម៉ុនតេសូរី (Montessori) ជាវិធីសាស្ត្រអប់រំមួយដែលជួយឱ្យកុមាររីកចម្រើនផ្នែកសិក្សាអារម្មណ៍ និងសង្គមទៅតាមល្បឿនផ្ទាល់ខ្លួនរបស់ពួកគេ ជំរុញឱ្យកុមារមានសេចក្តីស្រឡាញ់ និងបន្តការរៀនសូត្រពេញមួយជីវិត ។ វិធីសាស្ត្រអប់រំម៉ុនតេសូរី បានបង្កើតឡើងដោយអ្នកស្រី Maria Montessori ជាវេជ្ជបណ្ឌិត និងអ្នកអប់រំជនជាតិអ៊ីតាលីមួយរូប ។ បច្ចុប្បន្នវិធីសាស្ត្រអប់រំបែបម៉ុនតេសូរី កំពុងមានប្រជាប្រិយភាព និងទទួលបានការគាំទ្រពីស្ថាប័នអប់រំ និងអាណាព្យាបាលជាច្រើននៅកម្រិតអន្តរជាតិ ។
សូមជម្រាបថា សាលារៀនវ៉េស្ទឡាញន៍ និងសាលារៀនណត្សឡាញន៍គ្រប់សាខា ផ្តល់សេវាកម្មអប់រំ និងថែទាំកុមារតូច ដែលចាប់ទទួលកុមារអាយុពី១ឆ្នាំកន្លះឡើង។ បន្ទប់ថែទាំបំពាក់ឧបករណ៍លេងកម្សាន្តប្រកបដោយសុវត្ថិភាព និងជំនួយការអភិវឌ្ឍផ្នែករាងកាយ បញ្ញា និងស្មារតី។ ចំណែក គ្រូបង្រៀន និងអ្នកមើលថែទាំកុមារតូចមានទំនួលខុសត្រូវខ្ពស់ ចំណេះដឹងផ្នែកអប់រំកុមារតូច និងទទួលបានការបណ្តុះបណ្តាលគរុកោល្យត្រឹមត្រូវ ៕ អត្ថបទសហការ
ចែករំលែកព័តមាននេះ