រាជធានីភ្នំពេញ ៖ យើងខ្ញុំមានសេចក្តីសោមនស្សរីករាយក្នុងការប្រកាសសម្ពោធ «សូរសំឡេងនៃតន្ត្រីនៅទីក្រុងកែប» Kep Music City ក្រោមសសរគម្រោងសិល្បៈកែប Art For…
រាជធានីភ្នំពេញ ៖ យើងខ្ញុំមានសេចក្តីសោមនស្សរីករាយក្នុងការប្រកាសសម្ពោធ «សូរសំឡេងនៃតន្ត្រីនៅទីក្រុងកែប» Kep Music City ក្រោមសសរគម្រោងសិល្បៈកែប Art For Kep ។ គំនិតផ្តួចផ្តើមនេះនឹងនាំមកនូវការប្រគំតន្ត្រីដ៏រស់រវើកជាមួយនឹងកម្មវិធីសិល្បៈ តន្ត្រី ឌីជេ រៀងរាល់ចុងសប្តាហ៍ នៅរាត្រីថ្ងៃសុក្រដល់ថ្ងៃអាទិត្យ ដែលមានប្រារព្ធនៅទីតាំងដៃគូចូលរួមរបស់យើងមានដូចជា Kep West Kep Natural Tara Lodge, Saravoan Lodge Raingsey Bungalows ។
លោក ជេហ្វមូន ដែលជាអ្នកបង្កើតគម្រោងសិល្បៈសម្រាប់ខេត្តកែប បានចែករំលែកទស្សនៈរបស់គាត់ក្នុងការធ្វើឱ្យខេត្តកែបក្លាយទៅជាមជ្ឈមណ្ឌលសិល្បៈ និងតន្ត្រីក្នុងប្រទេសកម្ពុជា ជាទីចំណុចរួមសម្រាប់សិល្បករដែលមានក្តីប្រាថ្នានិងបញ្ចេញសមត្ថភាព ហើយទស្សនិកជនក៏អាចទទួលបានបទពិសោធន៍ដែលមិនអាចបំភ្លេចបាន ។ លោកបានបញ្ជាក់ថា ៖ «យើងប្តេជ្ញាបង្កើតបរិយាកាសដ៏រស់រវើកជាមួយក្រុមតន្ត្រី ហើយភ្ញៀវដែលចូលរួមក៏អាចទទួលទានម្ហូបអាហារ និងភេសជ្ជៈ គយគន់សម្រស់ធម្មជាតិបេតិកភណ្ឌវប្បធម៌នៃខេត្តកែប» ។
រីករាយជាមួយកម្មវិធីចុងសប្តាហ៍របស់អ្នក ជាមួយនឹង ឌីជេ ក្នុងស្រុកដែលមានទេពកោសល្យនៅរៀងរាល់ថ្ងៃសុក្រ អមដោយការសម្តែងផ្ទាល់ពីសិល្បករក្នុងស្រុក និងអន្តរជាតិនៅថ្ងៃសៅរ៍ តន្ត្រីរសៀលថ្ងៃអាទិត្យជាមួយនិងអាហារថ្ងៃត្រង់ ។ នេះគឺជាសកម្មភាពចុងសប្តាហ៍ក្រៅក្រុងដ៏ល្អឥតខ្ចោះនៅឆ្នេរសមុទ្រកែបជាមួយក្រុមគ្រួសារ និងមិត្តភក្តិ ។
លោក Marc Cholleton នាយកសិល្បៈនៃ «សូរសំឡេងនៃតន្ត្រីនៅទីក្រុងកែប» Kep Music City បានមានប្រសាសថា «ពេញមួយរដូវកាលកើនឡើងនេះ យើងនឹងមានការប្រគុំតន្ត្រីបុរាណខ្មែរជាមួយនឹងរចនាបថអន្តរជាតិ ធានាថាអ្នកទស្សនាដែលមកខេត្តកែបទាំងអស់និងទទួលបាននូវបទពិសោធន៍អ្វីដែលពួកគាត់និយមចូលចិត្ត ។ ឆ្នាំនេះនិងជាឆ្នាំនៃការសម្ភោធសំឡេងនៃតន្ត្រីនៅទីក្រុងកែប Kep Music City ហើយយើងសង្ឃឹមថាជោគជ័យរបស់យើងនឹងត្រួសត្រាយផ្លូវជាច្រើនឆ្នាំខាងមុខ» ។
ការសម្ពោធជាផ្លូវការប្រព្រឹត្តទៅនៅថ្ងៃសៅរ៍ ទី 9 ខែវិច្ឆិកា 2024 ដោយមានទូតសុច្ឆន្ទៈរបស់យើងគឺកញ្ញា នៅ ដាណា និងក្រុមតន្ត្រីរបស់គាត់ផ្ទាល់ ជាមួយនិងការសម្តែងផ្ទាល់ចាប់ពីម៉ោង 18.00 តទៅ នៅទីតាំង Wave Kep West ។ កញ្ញា នៅ ដាណា ជាតារាចម្រៀងខ្មែរពេញនិយមមួយរូបដែលមានទេពកោសល្យគួរឱ្យកត់សម្គាល់ ។ សំឡេងដ៏ពិរោះរបស់គាត់ជាមួយនិងខ្សែរភ្លេង តន្ត្រីបុរាណខ្មែរលាយជាមួយនិងស្ទីលសហសម័យទាក់ទាញទស្សនិកជនគ្រប់ទីកន្លែង ។
សូមរង់ចាំតាមដានក្រុមសិល្បករនាពេលខាងមុខ និងព្រឹត្តិការណ៍ដ៏អស្ចារ្យមានតែមួយគត់ ជាមួយនិងការខិតខំប្រឹងប្រែងដើម្បីធ្វើឱ្យទីក្រុងតន្ត្រីកែប ក្លាយជាបេះដូងនៃឆាកតន្ត្រីដ៏រស់រវើករបស់កម្ពុជា ។
សម្រាប់ព័ត៌មានបន្ថែម សូមទំនាក់ទំនង ៖
ទីក្រុងតន្ត្រីកែប Music Kep City info@artforkep.org
គេហទំព័រ ៖ www.artforkep.org
ហ្វេសប៊ុក ៖ www.facebook.com/artforkep ៕ អត្ថបទសហការ
ចែករំលែកព័តមាននេះ