រាជធានីភ្នំពេញ ៖ ធនាគារ ABA ជាធនាគារពាណិជ្ជធំជាងគេក្នុងប្រទេសកម្ពុជា និងជាធនាគារផ្តល់សេវាហិរញ្ញវត្ថុឌីជីថលឈានមុខ មានមោទនភាពប្រកាសពីការទទួលបាន វិញ្ញាបនបត្រ បទដ្ឋានសន្តិសុខទិន្នន័យឧស្សាហកម្មកាតទូទាត់ (PCI…
រាជធានីភ្នំពេញ ៖ ធនាគារ ABA ជាធនាគារពាណិជ្ជធំជាងគេក្នុងប្រទេសកម្ពុជា និងជាធនាគារផ្តល់សេវាហិរញ្ញវត្ថុឌីជីថលឈានមុខ មានមោទនភាពប្រកាសពីការទទួលបាន វិញ្ញាបនបត្រ បទដ្ឋានសន្តិសុខទិន្នន័យឧស្សាហកម្មកាតទូទាត់ (PCI DSS) ដ៏មានកិត្យានុភាពពីរឆ្នាំជាប់ៗគ្នា ។
ការធ្វើសវនកម្មប្រចាំឆ្នាំយ៉ាងហ្មត់ចត់ ពីសំណាក់អ្នកជំនាញវាយតម្លៃសុវត្ថិភាព (QSA) បានបង្ហាញឲ្យឃើញថា ប្រព័ន្ធគោលនយោបាយ និងនីតិវិធីរបស់ធនាគារ ABA កំពុងអនុលោមយ៉ាងពេញលេញ ជាមួយលក្ខខណ្ឌតម្រូវដ៏តឹងរឹងរបស់ PCI DSS ។ ការវាយតម្លៃដែលត្រូវបានធ្វើឡើងដោយក្រុមហ៊ុនសន្តិសុខបច្ចេកវិទ្យាល្បីៗលំដាប់កំពូលជុំវិញសកលលោក បានបញ្ជាក់ពីវិធានការសុវត្ថិភាពគួរជាទីទុកចិត្តបំផុតរបស់ធនាគារ ABA ។
ក្នុងឆ្នាំនេះដែរ វិញ្ញាបនបត្រ PCI DSS បានដាក់ចេញនូវលក្ខខណ្ឌសុវត្ថិភាពទិន្នន័យកាន់តែតឹងរ៉ឹងជាងមុន ជាមួយកំណែថ្មី 4.0 ។ ខណៈពេលដែល ABA អនុលោមបានពេញលេញតាមលក្ខខណ្ឌសុវត្ថិភាពទិន្នន័យដែលកាន់តែតឹងរ៉ឹងនោះ ធនាគារដ៏ធំមួយនេះ អាចរក្សាសុវត្ថិភាពទាំងស្រុងពីបញ្ហានានាដែលខ្លាំងក្លាជាងមុន សបញ្ជាក់ឲ្យឃើញពីសមត្ថភាពខ្ពស់បំផុតរបស់ ABA ក្នុងការឆ្លើយតបទៅនឹងលក្ខខណ្ឌសុវត្ថិភាពថ្មីៗដែលបន្តវិវត្តឥតឈប់ឈរ ។
ដោយចាត់ថ្នាក់ ABA ជាអ្នកផ្តល់សេវាកម្មកម្រិតលេខមួយ (Level 1 Service Provider) វិញ្ញាបនបត្រនេះ ឆ្លុះបញ្ចាំងឲ្យឃើញពីការប្តេជ្ញាចិត្តរបស់ធនាគារក្នុងការផ្តល់ជូននូវសុវត្ថិភាពកម្រិតខ្ពស់បំផុត សម្រាប់ប្រតិបត្តិការអនឡាញ និងការពារទិន្នន័យសម្ងាត់របស់អតិថិជនដែលជាម្ចាស់កាត ។ ដោយប្រកាន់ខ្ជាប់នូវស្តង់ដារដ៏តឹងរ៉ឹងនេះ ABA បានបន្តអនុវត្តវិធានការសុវត្ថិភាពកម្រិតខ្ពស់ឈានមុខ និងរក្សាសមត្ថភាពប្រព័ន្ធគ្រប់គ្រងភាពងាយរងគ្រោះបានយ៉ាងគត់មត់ ដែលធានាថារាល់ប្រតិបត្តិការឌីជីថលរបស់អតិថិជន មានការការពាររឹងមាំ និងសុវត្ថិភាពពេញលេញ ។
ទន្ទឹមនេះដែរ ABA ក៏បានផ្តោតសំខាន់លើការការពារទិន្នន័យផ្ទាល់ខ្លួនរបស់អតិថិជន ។ វិញ្ញាបនប័ត្រនេះ ឆ្លុះបញ្ចាំងពីកិច្ចខិតខំប្រឹងប្រែងយ៉ាងខ្ជាប់ខ្ចួនរបស់ធនាគារក្នុងការប្រកាន់ខ្ជាប់នឹងគោលនយោបាយសន្តិសុខព័ត៌មានដ៏រឹងមាំ ដែលធានាថាគ្រប់ទិន្នន័យទាំងអស់របស់ម្ចាស់កាតត្រូវបានការពារយ៉ាងសម្ងាត់ និងគត់មត់បំផុត ។ ត្រង់នេះ ធនាគារ ABA មិនត្រឹមតែអនុលោមតាមស្តង់ដារវិស័យទូទាត់ប៉ុណ្ណោះទេ ប៉ុន្តែថែមទាំងមានសមត្ថភាពធានាបាននូវសុវត្ថិភាព និងបទពិសោធរលូនស្រួលសម្រាប់អតិថិជនរបស់ខ្លួនក្នុងការទិញ ឬទូទាត់អនឡាញ និងការប្រើប្រាស់សេវាធនាគារគ្រប់តម្រូវការផងដែរ ។
ការទទួលបានវិញ្ញាបនបត្រកំពូលប្រចាំឧស្សហកម្មទូទាត់ពីរឆ្នាំជាប់ៗគ្នា ជាសក្ខីភាពបញ្ជាក់ពីកិច្ចខិតខំប្រឹងប្រែងឥតឈប់ឈរ របស់ធនាគារក្នុងការផ្តល់សេវាកម្មហិរញ្ញវត្ថុផ្នែកឌីជីថលដោយសុវត្ថិភាព ជាមួយសន្តិសុខបច្ចេកវិទ្យាកាន់តែរឹងមាំជាលំដាប់ និងរក្សាកត្តិយសក្នុងនាម ធនាគារដ៏ធំគួរជាទីទុកចិត្តបំផុតនៅក្នុងប្រទេសកម្ពុជា ៕ អត្ថបទសហការ
ចែករំលែកព័តមាននេះ