រាជធានីភ្នំពេញ ៖ នៅពេលដែលកូនរបស់អ្នកកំពុងឆ្លងកាត់ដំណាក់កាលនីមួយៗក្នុងជីវិត ទំនាក់ទំនង ការប្រាស្រ័យទាក់ទង និងរបៀបចិញ្ចឹមកូនរបស់អ្នកក៏នឹងផ្លាស់ប្តូរដូចគ្នា ជាពិសេសនៅពេលដែលកូនរបស់អ្នកកាន់តែមានភាពចាស់ទុំ និងកាន់តែឯករាជ្យ ។ ដូច្នេះគន្លឹះក្នុងការធ្វើឱ្យការផ្លាស់ប្តូរនេះវិជ្ជមាន…
រាជធានីភ្នំពេញ ៖ នៅពេលដែលកូនរបស់អ្នកកំពុងឆ្លងកាត់ដំណាក់កាលនីមួយៗក្នុងជីវិត ទំនាក់ទំនង ការប្រាស្រ័យទាក់ទង និងរបៀបចិញ្ចឹមកូនរបស់អ្នកក៏នឹងផ្លាស់ប្តូរដូចគ្នា ជាពិសេសនៅពេលដែលកូនរបស់អ្នកកាន់តែមានភាពចាស់ទុំ និងកាន់តែឯករាជ្យ ។ ដូច្នេះគន្លឹះក្នុងការធ្វើឱ្យការផ្លាស់ប្តូរនេះវិជ្ជមាន គឺទំនាក់ទំនងបើកចំហ និងមានភាពបត់បែន ។ ក្មេងជំទង់ចង់មានភាពឯករាជ្យ ប៉ុន្តែមើលឱ្យស៊ីជម្រៅ ពួកគេក៏នៅតែត្រូវជំនួយ និងទំនាក់ទំនងផងដែរ ។ ឪពុកម្តាយគួរព្យាយាមធ្វើឱ្យមានតុល្យភាពរវាងការផ្តល់សេរីភាព គោលការណ៍ណែនាំ និងរចនាសម្ព័ន្ធ ។ ជាឧទាហរណ៍ ចូរកំណត់ម៉ោងមើលទូរទស្សន៍ កុំព្យូទ័រ ទូរសព្ទដៃ ឬម៉ោងចូលគេងពេលយប់ឱ្យបានជាប់លាប់ ។ ប៉ុន្តែអ្នកក៏អាចបត់បែនបានដោយធ្វើការលើកលែងនៅពេលខ្លះ ។
មិនថាពេលពួកគេរៀនចប់វិទ្យាល័យ មហាវិទ្យាល័យ ឬមានការងារធ្វើហើយក្តី កូនពេញវ័យរបស់អ្នកនៅតែត្រូវការមតិយោបល់ និងការណែនាំដ៏ល្អរបស់អ្នក ។ វាគ្រាន់តែត្រូវការឱ្យសមស្របទៅនឹងស្ថានភាពរបស់ពួកគេ ។ កុមារមានភាពចាស់ទុំក្នុងល្បឿនខុសៗគ្នា ដូច្នេះមិនមានការណែនាំអំពីអាយុសម្រាប់ឯករាជ្យភាពនោះទេ ។ ឪពុកម្តាយភាគច្រើនមានអារម្មណ៍សោកសៅ ឬការបាត់បង់ខ្លះ នៅពេលដែលតួនាទីរបស់ពួកគេផ្លាស់ប្តូរ ។ ប៉ុន្តែសូមចងចាំថា កុមារក៏តែងតែតស៊ូជាមួយនឹងការផ្លាស់ប្តូរនេះដូចគ្នាផងដែរ ។
ខាងក្រោមនេះ គឺជាគន្លឹះខ្លះៗដើម្បីជួយធ្វើឱ្យការផ្លាស់ប្តូរខាងលើនេះមានសុខភាពល្អ និងវិជ្ជមាន ៖
១. និយាយដោយបើកចំហ និងស្មោះត្រង់ជាមួយកូនរបស់អ្នកអំពីអារម្មណ៍របស់អ្នក ហើយលើកទឹកចិត្តពួកគេឱ្យធ្វើបែបនេះដូចគ្នា ។
២. ជួយកូនរបស់អ្នករៀបចំផែនការអនាគតឯករាជ្យរបស់ពួកគេ ។ ប្រសិនបើអ្នកធ្វើវាជាមួយគ្នា វានឹងជួយកាត់បន្ថយភាពតានតឹង សម្ពាធ និងបញ្ហានានា ។ ឧទាហរណ៍ អ្នកអាចជួយកូនរបស់អ្នកក្នុងជ្រើសរើសថ្នាក់មហាវិទ្យាល័យ ឬស្វែងរកផ្ទះជួលសម្រាប់ពួកគេរស់នៅជាមួយគ្នា ។
៣. ចែករំលែកគំនិតយោបល់របស់អ្នក ប៉ុន្តែអនុញ្ញាតឱ្យកូនរបស់អ្នកធ្វើការសម្រេចចិត្តដោយខ្លួនឯង ។ ជាឧទាហរណ៍ កូនរបស់អ្នកប្រហែលចង់ផ្លាស់ទៅរស់នៅក្នុងផ្ទះ ដែលអ្នកគិតថា ថ្លៃពេក ។ អ្នកអាចជួយពួកគេដោយពិនិត្យមើលថវិកា និងការចំណាយរបស់ពួកគេ ។
៤. ព្យាយាមបង្កើតទំនាក់ទំនងថ្មី ឬប្រសើរជាងនេះជាមួយប្តី ឬប្រពន្ធរបស់អ្នក ឬមនុស្សជាទីស្រឡាញ់ផ្សេងទៀត ។ ប្រហែលជាអ្នកអាចរៀបចំផែនការសកម្មភាពបន្ថែមទៀតជាមួយគ្នា ។
៥. ជជែកគ្នាជាមួយឪពុកម្តាយផ្សេងទៀតដែលបានឆ្លងកាត់ដំណាក់កាលនេះរួចហើយ ។ បទពិសោធន៍របស់ពួកគេ ទាំងល្អ និងអាក្រក់ និងការផ្ដល់យោបល់អាចជួយអ្នកបានច្រើន ។
៧. ប្រសិនបើអ្នកមានការលំបាកខ្លាំង សូមពិភាក្សាជាមួយអ្នកផ្តល់សេវាថែទាំសុខភាពរបស់អ្នក ។ ការព្យាបាល ក៏ដូចជាការប្រឹក្សាយោបល់អាចត្រូវបានណែនាំ ៕ ប្រភព ៖ urmc
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនបើកវគ្គសិក្សាថ្មីចូលរៀនថ្ងៃទី ៤ ខែវិចិ្ឆកា ឆ្នាំ ២០២៤ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងកម្មវិធីភាសាចិន ។ កម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះ ចូលរៀនរៀងរាល់ថ្ងៃ ។ សាលារៀនផ្តល់ជូនអាហាររូបករណ៍រហូតដល់ ៣០% លើតម្លៃសិក្សា ការធានារ៉ាប់រងគ្រោះ ថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ