រាជធានីភ្នំពេញ​, ថ្ងៃ​ទី​ ២០ ខែវិច្ឆិកា ឆ្នាំ ​២០២៤ ៖ ត្រៀម ! ត្រៀម​បំពង់ក​ស្រែក​ហ៊ោ​កញ្ជ្រៀវ និង​បញ្ចេញ​ក្បាច់​រាំ​សប្បាយ​ម៉ា​អស់ដៃ​តាម​កំពូល Idol ហើយ​ឬ​នៅ​ហ្វេ​ន​ៗ K-POP ទាំងអស់ ? តើ​មាន​អ្វី​ពិសេស​មែន​ទេ ? មែនហើយ​ ! គឺ​កាន់តែ​កក្រើក កាន់តែ​អស្ចារ្យ លើស​ពី​ពិសេស Beyond The Best ជាមួយ​វត្តមាន​កំពូល​តារាចម្រៀង​កូរ៉េ ប្រុស​សង្ហារ និង​ស្រី​ស្អាត​ក្នុង​ព្រឹត្តិការណ៍​ប្រគំ​តន្ត្រី​លំដាប់​ពិភពលោក GANZBERG Super Idol រដូវ​កាល​ទី 3 ! ។

មហា​ព្រឹត្តិការណ៍​ប្រគំ​តន្ត្រី​លំដាប់​ពិភពលោក​ដ៏​កក្រើក​អស្ចារ្យ ស្វាគមន៍​ទំព័រ​ឆ្នាំ​ថ្មី 2025 នេះ​នឹង​នាំ​វត្តមាន​របស់​ក្រុម​កំពូល​តារាចម្រៀង​កូរ៉េ K-POP រួម​មាន​ប្រុស​ស្អាត JU-NE និង DK មក​ពី​ក្រុម iKON និង​ស្រី​ស្អាត HYOLYN មក​ពី​ក្រុម SISTAR 19 នៅ​ថ្ងៃ​សៅរ៍ ទី 18 ខែមក​រា ឆ្នាំ 2025 នៅ​កោះ​ពេជ្រ (​ទល់មុខ​សាល​មហោស្រព​កោះ​ពេជ្រ​) ចាប់ពី​ម៉ោង 4:00 រសៀល ដល់​ម៉ោង 11:00 យប់​ ! ។

នេះ​គឺជា​លើក​ទី​ ១ ហើយ​ដែល​កំពូល​តារាចម្រៀង​កូរ៉េ K-POP ប្រុស​ស្អាត​មក​ពី​ក្រុម iKON និង​ស្រី​ស្អាត HYOLYN មក​ពី​ក្រុម SISTAR 19 មាន​វត្តមាន​ក្នុង​ការ​ប្រគំ​តន្ត្រី​អន្តរជាតិ​ខ្នាត​យក្ស​លំដាប់​ពិភពលោក​នៅ​ស្រុក​ខ្មែរ ដែល​នឹង​ធ្វើ​ឱ្យ​ហ្វេ​ន​ៗ K-POP រំភើប​រំជួល​មិន​អាច​បំភ្លេច​បាន ​។

ក្រុម​តារាចម្រៀង​កូរ៉េ K-POP មក​ពី​ក្រុម iKON មានឈ្មោះ​បោះ​សំឡេង​ល្បី​រន្ទឺ​ដែល​បាន​ឆក់​យក​បេះដូង​ហ្វេ​ន​ស្រី​ៗ​នៅ​ទូ​ទាំង​ពិភពលោក ព្រោះ​ក្រុម​នេះ​សុទ្ធតែ​ប្រុស​ស្អាត​ដែល​មាន​ទេ​ព្យ​កោសល្យ​ច្រៀង និង​សម្ដែង​បញ្ចេញ​ភាព​សិច​ស៊ី​ដោយ​ភាព​រស់​រវើក​យ៉ាង​អស្ចារ្យ ហើយ​បទ​ចម្រៀង​ល្បី​ៗ​បំផុត​របស់​ក្រុម iKON រួម​មាន​បទ My Type, Killing Me, Rhythm Ta, Goodbye Road, Dumb & Dumber, Bling Bling, I’m OK ហើយ​បទ​ដែល​ហ្វេ​ន​ៗ​នៅ​ស្រុក​ខ្មែរ ស្គាល់​ក្រុម​នេះ​គឺ​បទ Love Scenario ដែល​ចេញ​នៅ​ឆ្នាំ 2018 Album ចម្រៀង​ល្បី​ៗ​បំផុត​របស់​ក្រុម​នេះ​រួម​មាន Welcome Back (2015) និង Return (2018) ព្រមទាំង Flashback (2022) ផង​ដែរ​ ។

ដោយឡែក កំពូល​តារាចម្រៀង K-POP ស្រី​ស្អាត HYOLYN ដែល​ជា​សមាជិក​ក្រុម SISTAR 19 មានឈ្មោះ​ល្បីល្បាញ​ទូ​ទាំង​ពិភពលោក​តាម​រយៈ​ចម្រៀង​ជា​ច្រើន​រួម​ដូច​ជា​បទ Dally បទ SEE SEA បទ You Know Better បទ Layin’ Low បទ Love Like This បទ One Step បទ Let It Go បទ Goodbye បទ I Miss You បទ Touch My Body បទ Alone និង​បទ Loving U ជាដើម ហើយ​បទ​ចុង​ក្រោយ​ដ៏​ល្បីល្បាញ​របស់​នាង​គឺ​បទ Wait ដែល​ចេញ​នៅ​ឆ្នាំ 2024 នេះ ​។

សូមកុំ​ភ្លេច​ណា៎​ ! ត្រៀមខ្លួន​ស្វាគមន៍​កំពូល Idol របស់​យើង​ក្នុង​មហា​ព្រឹ​ត្ត​ការណ៍​ការ​ប្រគំ​តន្ត្រី​ដ៏​ធំ​បំផុត​ប្រចាំឆ្នាំ 2025 GANZBERG Super Idol រដូវ​កាល​ទី 3 ! សំបុត្រ​ចូលរួម​ទស្សនា​នឹង​មាន​លក់​ក្នុង​ពេល​ឆាប់​ៗ​នេះ ​! ។

អរគុណ​អតិថិជន​ដែល​ទិញ GANZBERG អ្នក​ទាំងអស់​គ្នា​គឺ​មាន​ចំណែក​ចូលរួម​បង្កើត​មហា​ព្រឹត្តិការណ៍​នេះ​ឡើង ​! ។ ឧបត្ថម្ភ​គាំទ្រ​ជា​ពិសេស​ផ្ដាច់មុខ​ដោយ Ganzberg ផឹក​ស្រួល ស្រួល​ផឹក ផឹក Ganzberg និង​សហការ​ឧបត្ថម្ភ​ដោយ ភេសជ្ជៈ Boostrong ភេសជ្ជៈ iDOL និង ទឹក​ផ្លែ​ឈើ Freshy ​៕ សូមពិសាដោយការទទួលខុសត្រូវ ៕ អត្ថបទសហការ