រាជធានីភ្នំពេញ ៖ ជាតួនាទីរបស់ឪពុកម្តាយក្នុងការលើកទឹកចិត្ត និងដឹកនាំទំនោរធម្មជាតិរបស់កុមារ ដើម្បីឱ្យវិវត្តទៅជាទម្លាប់ដែលស្ថិតស្ថេរពេញមួយជីវិតរបស់ពួកគេ ។ អ្នកជំនាញពន្យល់ថា កុមាររៀនពីការសង្កេតមើលឪពុកម្តាយរបស់ពួកគេ ដូច្នេះសំខាន់ណាស់ក្នុងការធ្វើជាគំរូល្អឱ្យកូនឃើញ ។…
រាជធានីភ្នំពេញ ៖ ជាតួនាទីរបស់ឪពុកម្តាយក្នុងការលើកទឹកចិត្ត និងដឹកនាំទំនោរធម្មជាតិរបស់កុមារ ដើម្បីឱ្យវិវត្តទៅជាទម្លាប់ដែលស្ថិតស្ថេរពេញមួយជីវិតរបស់ពួកគេ ។ អ្នកជំនាញពន្យល់ថា កុមាររៀនពីការសង្កេតមើលឪពុកម្តាយរបស់ពួកគេ ដូច្នេះសំខាន់ណាស់ក្នុងការធ្វើជាគំរូល្អឱ្យកូនឃើញ ។
១. កែច្នៃឡើងវិញ ៖ ឱ្យកូនរបស់អ្នកប្រមូលកំប៉ុង និងរបស់របរនៅក្នុងផ្ទះ ដែលអាចកែច្នៃឡើងវិញបាន ។ អ្នកអាចយកវាទៅធ្វើអ្វីម្យ៉ាង ឬលក់ក៏បាន ។ ផ្តល់ការលើកទឹកចិត្ត ឬជាលុយសម្រាប់អ្វីដែលពួកគេប្រមូលបាន រួចឱ្យពួកគេទុក ឬបរិច្ចាកលុយទាំងនោះ ។
២. ជួយដោះស្រាយបញ្ហាគ្រួសារ ៖ កូនរបស់អ្នកគប្បីដឹងពីអ្វីដែលត្រូវធ្វើ នៅពេលសមាជិកគ្រួសារឈឺ ឬមានបញ្ហាអ្វីមួយ ។ ឱ្យកូនរបស់អ្នកចូលរួមក្នុងការជួយ និងដោះស្រាយបញ្ហាទៅតាមអាយុរបស់ពួកគេ ។
៣. បង្រៀនពួកគេឱ្យចេះចែករំលែក និងមានសន្តានចិត្តល្អ ៖ តើកូនបានអានសៀវភៅអស់ហើយមែនទេ ? សូមណែនាំកូនរបស់អ្នកឱ្យបរិច្ចាគសៀវភៅខ្លះទៅបណ្ណាល័យ ឬក្មេងៗដែលត្រូវការ ។
៤. កុំបោះចោលផ្តេសផ្តាស ៖ ប្រសិនបើអ្នកធ្វើឱ្យកំពប់ ឬជ្រុះអ្វីមួយដោយចៃដន្យ ចូរសម្អាត និងរើសវាទុកដាក់ឱ្យបានត្រឹមត្រូវ ។ ប្រសិនបើអ្នកឃើញកាសែតចាស់ៗ ឬកែវជ័រដែលប្រើរួចនៅសួនច្បារ សូមរើស ហើយបោះចោលក្នុងធុងសម្រាម ។ វាមានអារម្មណ៍កាន់តែល្អក្នុងការសម្អាតភាពរញ៉េរញ៉ៃដែលអ្នកមិនបានបង្កើត ។
៥. ចាត់ចែងកិច្ចការ ៖ បង្កើតតារាងការងារផ្ទះ ដើម្បីតាមដាន និងផ្តល់រង្វាន់ ពេលកូនបញ្ចប់កិច្ចការទាំងនោះ ។ កូនរបស់អ្នកនឹងមានមោទនភាពណាស់ដែលបានបំពេញតួ
នាទីរបស់ពួកគេ ។
៦. កាយវិការចិត្តល្អ ៖ ប្រសិនបើពួកគេមានមិត្តភ័ក្តិមានអារម្មណ៍តានតឹង សូមសួរកូនអ្នកពីអ្វីដែលពួកគេអាចធ្វើបាន ដើម្បីជួយពួកគេ ។
៧. មើលទៅលើផ្នែកភ្លឺ ៖ ពេលខ្លះហាក់ដូចជាឃើញដំណឹងអាក្រក់នៅគ្រប់ទីកន្លែង ប៉ុន្តែសូមណែនាំកូនរបស់អ្នកអំពីរឿងល្អដែលកំពុងកើតឡើង និងមនុស្សល្អដែលកំពុងជួយអ្នកដទៃ ។
៨. កុំស្តីបន្ទោសការខិតខំរបស់ពួកគេ ៖ ប្រសិនបើអ្នកស្តីថា កូនច្រើនពេក កូនរបស់អ្នកនឹងមានអារម្មណ៍ថា ពួកគេគ្មានសមត្ថភាព គ្មានជំនាញ ហើយទំនងជាលែងចង់ធ្វើអ្វីទាំងអស់ ៕ ប្រភព ៖ wohum
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ៣ ខែកុម្ភៈ ឆ្នាំ ២០២៥ ។ លារៀនមានកម្មវិធីអប់រំ និងថែទាំកុមារតូច ចំណេះទូទៅខ្មែរពីថ្នាក់មត្តេយ្យ ដល់ទី ១២ ភាសាចិនទូទៅ និងភាសាអង់គ្លេសទូទៅ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៩ កុម្ភៈ ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ