រាជធានីភ្នំពេញ ៖ នៅក្នុងជីវិតមានរឿងជាច្រើនដែលត្រូវព្រួយបារម្ភ មិនថាស្ថិតក្នុងវ័យណានោះទេ ជាពិសេសសម្រាប់យុវវ័យ ។ ក្មេងជំទង់នៅតែស្វែងរកអត្តសញ្ញាណ និងរូបភាពរបស់ខ្លួនឯង ។ ស្ទើរតែគ្រប់ទិដ្ឋភាពនៃជីវិតរបស់ពួកគេ គឺមិនអាចសម្រេចចិត្តបាន ហើយការមានជម្រើសច្រើនអាចបង្កជាអារម្មណ៍តានតឹងទៅវិញ ។ លើសពីនេះខួរក្បាលរបស់ក្មេងជំទង់មិនទាន់មានភាពចាស់ទុំពេញលេញនៅឡើយ ដូច្នេះហើយក្មេងជំទង់ជាធម្មតាមិនអាចគ្រប់គ្រងអារម្មណ៍ និងការព្រួយបារម្ភរបស់ពួកគេនោះទេ ។
ដូច្នេះ តើអ្វីទៅដែលក្មេងជំទង់ព្រួយបារម្ភខ្លាំងបំផុត ហើយតើឪពុកម្ដាយអាចធ្វើអ្វីបានខ្លះ ? វាមិនអាចទៅរួចទេដែលថាកូនរបស់អ្នកឆ្លងកាត់វ័យជំទង់ដោយគ្មានការព្រួយបារម្ភ ប៉ុន្តែឪពុកម្តាយអាចជួយបន្ធូរបន្ថយក្តីកង្វល់របស់ក្មេងជំទង់ឱ្យមានតិចបំផុត ៖
១. ធ្វើជាគំរូល្អ ៖ វិធីដែលអ្នកគ្រប់គ្រងស្ត្រេសមានឥទ្ធិពលលើកូនអ្នកខ្លាំងណាស់ ។ ប្រសិនបើអ្នកងាយព្រួយបារម្ភ និងឆាប់ខឹង កុំភ្ញាក់ផ្អើលប្រសិនបើក្មេងជំទង់របស់អ្នកធ្វើបែបនេះដូចគ្នា ។ ដើម្បីរំងាប់ការភ័យខ្លាចរបស់អ្នក ចូរធ្វើលំហាត់ប្រាណរាល់ថ្ងៃ សម្រាកឱ្យបានគ្រប់គ្រាន់ និងជជែកគ្នាជាមួយប្តី ប្រពន្ធអ្នក ឬអ្នកជំនាញនៅពេលអ្នកមានអារម្មណ៍ថប់បារម្ភ ។
២. បង្ហាញទំនុកចិត្តលើកូនរបស់អ្នក ៖ ក្មេងជំទង់របស់អ្នកទទួលរងឥទ្ធិពលពីពាក្យសម្ដីរបស់អ្នកច្រើនជាងអ្វីដែលពួកគេបានអនុញ្ញាត ។ ត្រូវប្រាកដថាពួកគេដឹងថា អ្នកជឿទុកចិត្តលើសមត្ថភាពរបស់ពួកគេ និងកោតសរសើរពួកគេញឹកញាប់ ។
៣. ត្រូវមានសេចក្តីស្រឡាញ់ ៖ ត្រូវចេះបង្ហាញក្តីស្រឡាញ់ ត្រូវចេះឱបពួកគេ និយាយជាមួយពួកគេដោយស្និទ្ធស្នាល ជាពិសេសប្រសិនបើអ្នកយល់ថា ពួកគេកំពុងពិបាកចិត្ត ព្រួយបារម្ភ និងត្រូវការជំនួយ ។ ប្រាប់ពួកគេថា តើអ្នកមានមោទនភាពចំពោះពួកគេប៉ុនណា ហើយកុំខ្លាចក្នុងការនិយាយថា ប៉ាម៉ាក់ស្រឡាញ់កូន ។
៤. ជំរុញការគិតវិជ្ជមាន ៖ រំលឹកកូនថា ការផ្តោតទៅលើការភ័យខ្លាច និងការព្រួយបារម្ភអាចបង្កើនភាពតានតឹង ។ លើកទឹកចិត្តពួកគេឱ្យមើលអ្វីល្អៗ និងកត់សម្គាល់ពីអ្វីដែលវិជ្ជមានក្នុងជីវិតរបស់ពួកគេ ។
៥. សួរសំណួរបើកចំហ ហើយស្តាប់កូន ៖ ក្មេងជំទង់ភាគច្រើនមិនចែករំលែកអារម្មណ៍ខាងក្នុងរបស់ពួកគេដោយងាយស្រួលនោះទេ ។ ប្រសិនបើពួកគេបិទ សូមព្យាយាមចូលទៅក្នុងពិភពលោករបស់ពួកគេ ។ អ្នកអាចសាកសួរអំពីថ្នាក់រៀន សកម្មភាពក្រៅម៉ោងសិក្សា ចំណូលចិត្ត ឬមិត្តភក្តិរបស់ពួកគេ ។
៦. ផ្តល់ជូននូវវិធីសាស្ត្រដោះស្រាយដែលមានសុខភាពល្អ ៖ ជួយកូនជំទង់របស់អ្នកបង្កើតវិធីដើម្បីបំបាត់ភាពតានតឹង នៅពេលដែលពួកគេញាំញីដោយការព្រួយបារម្ភជុំវិញរឿងដែលពួកគេមិនអាចគ្រប់គ្រងបាន ដូចជាការធ្វើសរសេរហេតុ ការធ្វើសមាធិ ឬការលេងកីឡាដែលពួកគេចូលចិត្ត ៕ ប្រភព ៖ newportacademy
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនបើកវគ្គសិក្សាថ្មីចូលរៀនថ្ងៃទី ៤ ខែវិចិ្ឆកា ឆ្នាំ ២០២៤ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងកម្មវិធីភាសាចិន ។ កម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះ ចូលរៀនរៀងរាល់ថ្ងៃ ។ សាលារៀនផ្តល់ជូនអាហាររូបករណ៍រហូតដល់ ៣០% លើតម្លៃសិក្សា ការធានារ៉ាប់រងគ្រោះ ថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ