រាជធានីភ្នំពេញ ៖ បន្ទាប់ពីបើកកម្មវិធីសិក្សាចំណេះទូទៅខ្មែរ ភាសាចិន និងភាសាអង់គ្លេស រយៈពេល ៦ខែកន្លងមកនេះ សាលារៀនទទួលបានជោគជ័យ និងការគ្រាំទ្រយ៉ាងខ្លាំងពីសំណាក់អាណាព្យាបាលសិស្ស និងប្រជាជនក្នុងតំបន់ក្រុងតាខ្មៅ ដូច្នេះហើយនៅពេលនេះ សាលារៀនវ៉េស្ទឡាញន៍ សាខាក្រុងតាខ្មៅនឹងចាប់ផ្តើមបើកវគ្គសិក្សាថ្មីនៅថ្ងៃទី ០៤ ខែវិច្ឆិកា ឆ្នាំ ២០២៤ ខាងមុខនេះ ។ ដើម្បីចូលរួមអបអរការបើកវគ្គសិក្សាថ្មីនេះ សាលារៀននឹងផ្តល់ជូនអាហារូបករណ៍រហូតដល់ ៤០% លើតម្លៃសិក្សា និងរួមបញ្ចូលជាមួយកញ្ចប់កម្មវិធីសិក្សាមួយគ្រួសារ ការធានារ៉ាប់រងគ្រោះថ្នាក់បុត្រធីតា និងការការពារការសិក្សារហូតដល់ ៥ឆ្នាំផងដែរ ។

គួរបញ្ចាក់ផងដែរថា សាលារៀនវ៉េស្ទឡាញន៍ មានការផ្តល់ជូនសេវាកម្មអប់រំដែលមានគុណភាពខ្ពស់ ស្របតាមស្តង់ដាជាតិ និងអន្តរជាតិដូចជា ៖ កម្មវិធីពេញមួយថ្ងៃ៣ភាសា (ភាសាខ្មែរ ភាសាអង់គ្លេស និងភាសាចិន) កម្មវិធីអប់រំ និងថែទាំកុមារ (អាយុ ១-២ឆ្នាំ) កម្មវិធីមត្តេយ្យភាសាអង់គ្លេស (អាយុ ៣-៥ឆ្នាំ) កម្មវិធីអង់គ្លេសសម្រាប់កុមារ (អាយុ ៦-១២ឆ្នាំ) កម្មវិធីភាសាចិនសម្រាប់កុមារ (អាយុ ៦-១២ឆ្នាំ) ។ កម្មវិធីភាសាចិនទូទៅគ្រប់កម្រិត កម្មវិធីពេញម៉ោងភាសាអង់គ្លេសគ្រប់កម្រិត កម្មវិធីក្រៅម៉ោងភាសាអង់គ្លេស គ្រប់កម្រិត កម្មវិធីមត្តេយ្យភាសាខ្មែរ និងកម្មវិធីចំណេះទូទៅខ្មែរ (ថ្នាក់ទី ១ ដល់ទី ១២) ។

លើសពីនេះទៅទៀត សាលារៀនក៏យកចិត្តទុកដាក់លើការអភិវឌ្ឍបំណិនសតវត្សរ៍ទី ២១ ដោយបញ្ចូលកម្មវិធីសិក្សាសំខាន់ៗចំនួន ៣ រួមមាន ៖ កម្មវិធីបណ្តុះបណ្តាលទម្លាប់ល្អទាំង ៧ សម្រាប់បុគ្គលឆ្នើម នាំមកពីសហរដ្ឋអាមេរិក ដែលផ្តោតសំខាន់លើការអភិវឌ្ឍភាពជាអ្នកដឹកនាំ និងចរិយាម្បទា ។ កម្មវិធីចំណេះដឹងហិរញ្ញវត្ថុ MoneyTree មកពីប្រទេសសិង្ហបុរី ដែលជួយជំរុញនិងបណ្តុះបណ្តាលចំណេះដឹងសេដ្ឋកិច្ច ចំណេះដឹងហិរញ្ញវត្ថុ និងសហគ្រិនភាព ។ ការបណ្តុះបំណិនកុំព្យូទ័រ បច្ចេកវិទ្យា និងឌីជីថល ដែលជាកម្មវិធីសិក្សាមួយថ្មីបន្ថែមទៀត មកពីចក្រភពអង់គ្លេស ដើម្បីបង្កើនសមត្ថភាពក្នុងការសិក្សាស្រាវជ្រាវរបស់សិស្សានុសិស្ស ក៏ដូចជាបំពេញការងារក្នុងពេលអនាគតផងដែរ ។

ជាមួយគ្នានេះផងដែរ សាលារៀនក៏បានបន្ថែមនូវកម្មវិធីអមមួយចំនួនទៀត ដើម្បីអភិវឌ្ឍរាងកាយ និងអារម្មណ៍របស់សិស្សានុសិស្សដូចជា៖ ហែលទឹក តៃក្វាន់ដូរ សិល្បៈ តន្ត្រី គំនូរ និងកម្មវិធីផ្សេងៗទៀតជាច្រើន ។ ទន្ទឹមនឹងនោះ សាលារៀនបានសហការជាមួយគ្រឹះស្ថានអប់រំក្នុងប្រទេស និងក្រៅប្រទេសជាច្រើន ដើម្បីផ្តល់អាហារូបករណ៍ដល់សិស្សឆ្នើម និងជួយសម្រួលការរៀបចំឯកសារដល់សិស្សដែលមានគោលបំណងបន្តការសិក្សានៅក្រៅប្រទេសផងដែរ ។

សាលារៀនចាប់ទទួលចុះឈ្មោះសិស្សចូលរៀនចាប់ពីថ្ងៃផ្សាយដំណឹងនេះតទៅ ។ សម្រាប់ព័ត៌មានលម្អិតសូមទាក់ទងលេខ ០១១ ៣៦៩ ១៦៨ | ០១៥ ៧៩៨ ១២៣ ឬមកកាន់សាលារៀននៅអគារលេខ ០០៩៤០៦ ផ្លូវ ១០៨ ភូមិតាខ្មៅ ២ សង្កាត់តាខ្មៅ ជិតកីឡដ្ឋានក្រុងតាខ្មៅ ឬទីតាំង ៖ https://n9.cl/yug27 ៕ អត្ថបទសហការ