វិធីដើម្បីឱ្យកូនប្រុសក្លាយជាបុរសពេញវ័យ !
រាជធានីភ្នំពេញ ៖ កូនប្រុសរបស់អ្នកកំពុងរីកលូតលាស់ក្លាយជាបុរសពេញវ័យម្នាក់ហើយ តើអ្នកចង់ឃើញពួកគេរីកធំធាត់បែបណា ? ក្លាហាន មានទំនួលខុសត្រូវ ឯករាជ្យ ឬមួយបែបណា ?…
រាជធានីភ្នំពេញ ៖ កូនប្រុសរបស់អ្នកកំពុងរីកលូតលាស់ក្លាយជាបុរសពេញវ័យម្នាក់ហើយ តើអ្នកចង់ឃើញពួកគេរីកធំធាត់បែបណា ? ក្លាហាន មានទំនួលខុសត្រូវ ឯករាជ្យ ឬមួយបែបណា ? ការខិតខំប្រឹងប្រែងជួយកូនប្រុសអាចកើតឡើងដោយធម្មជាតិ ប៉ុន្តែបើអ្នកតែងតែធ្វើបែបនេះ ការផ្តល់ឱកាសឱ្យពួកគេរីកចម្រើនមិនមានច្រើនទេ ។ ទីបំផុតពួកគេនៅតែចាកចេញ នៅឆ្ងាយពីយើងពេលធំឡើង ហើយច្បាស់ណាស់ យើងចង់ឱ្យពួកគេក្លាយជាបុរសឯករាជ្យ មានទំនួលខុសត្រូវ និងរឹងមាំ ។ ដូច្នេះពេលពួកគេនៅតូច យើងគួរតែឱ្យពួកគេដើរ និងសម្រេចចិត្តនូវរឿងមួយចំនួន ដើម្បីអនុញ្ញាតិឱ្យពួកគេធំដឹងក្តី ។
ខាងក្រោមនេះជារបៀបដើរថយក្រោយមួយចំនួន ដើម្បីឱ្យកូនប្រុសរបស់អ្នកក្លាយជាមនុស្សប្រុសពេញវ័យល្អម្នាក់ ៖
១. កុំធ្វើដើម្បីកូនរបស់អ្នកនូវអ្វីដែលពួកគេអាចធ្វើបានសម្រាប់ខ្លួនឯង ៖ អនុញ្ញាតឱ្យកូនប្រុសរបស់អ្នកទទួលខុសត្រូវបន្ថែមទៀត ។ បង្រៀនពួកគេឱ្យបោកខោអាវ និងសម្អាតបន្ទប់ខ្លួនឯង ។ អនុញ្ញាតឱ្យពួកគេប្រមូលឧបករណ៍កីឡា និងរបស់លេងដោយគ្មានជំនួយពីអ្នក ។ លើកទឹកចិត្តពួកគេឱ្យនិយាយជាមួយគ្រូរបស់គេ ឬដោះស្រាយបញ្ហា មុនពេលអ្នកឈានជើងចូលជួយ ។ ទោះបីជាពួកគេមិនធ្វើដូចដែលអ្នកធ្វើក៏ដោយ ទំនួលខុសត្រូវនឹងកើនឡើងបន្តិចម្តងៗ ហើយវាក៏បង្កើនឱកាសរបស់ពួកគេដើម្បីជោគជ័យ និងរីកចម្រើន ។
២. ប្រាប់កូនប្រុសរបស់អ្នកថា អ្នកជឿលើពួកគេ ៖ នៅពេលពួកគេប្រឈមមុខនឹងការសម្រេចចិត្តធំមួយ ចូរនៅក្បែរកូនប្រុស ដើម្បីពិភាក្សាអំពីជម្រើសរបស់ពួកគេ ។ សួរសំណួរដើម្បីណែនាំគេ ប៉ុន្តែអនុញ្ញាតឱ្យពួកគេសន្និដ្ឋាន និងសម្រេចចិត្តដោយខ្លួនឯង ។ ដរាបណាជម្រើសរបស់ពួកគេមិនបង្កគ្រោះថ្នាក់ ចូរប្រាប់ពួកគេថា អ្នកជឿជាក់លើសមត្ថភាពរបស់ពួកគេក្នុងការសម្រេចចិត្តដ៏ល្អមួយ ។
៣. បង្រៀនកូនប្រុសរបស់អ្នកឱ្យទទួលខុសត្រូវចំពោះអាកប្បកិរិយារបស់ពួកគេ ៖ នៅពេលដែលកូនប្រុសរបស់អ្នករញ៉េរញ៉ៃ ពិតណាស់ពួកគេក៏ជាមនុស្សដែរ ចូរកុំទាន់ចូលទៅដោះស្រាយជាមួយកូនរបស់អ្នក ។ ផ្ទុយទៅវិញ ចូរបង្រៀនពួកគេថា សកម្មភាព និងការជ្រើសរើសរបស់គេនឹងបង្កឱ្យមានផលវិបាក ។ ប្រសិនបើពួកគេឃើញខ្លួនឯងនៅកន្លែងមិនល្អ ដោយសារការសម្រេចចិត្តមិនល្អរបស់ពួកគេ ចូរកុំបោះបង់ពួកគេ តែត្រូវជួយពួកគេដើរតាមជំហាននៃការទទួលខុសត្រូវ ។
៤. ឱ្យកូនប្រុសរបស់អ្នកមានទំនាក់ទំនងជិតស្និទ្ធផ្សេងទៀត ៖ ឪពុកម្តាយចូលចិត្តមានអារម្មណ៍ថា កូនៗត្រូវការឪពុកម្តាយជានិច្ច ប៉ុន្តែពិតប្រាកដណាស់ កូនប្រុសរបស់អ្នកក៏ត្រូវការទំនាក់ទំនងជិតស្និទ្ធដទៃទៀតជាមួយមនុស្សផ្សេងទៀតដែរ ។ ក្មេងប្រុសត្រូវអនុវត្តជំនាញទំនាក់ទំនង ដែលនឹងជួយឱ្យពួកគេរីកចម្រើនដូចបុរសពេញវ័យ ។ ដូច្នេះសូមលើកទឹកចិត្តឱ្យមានទំនាក់ទំនងដ៏រឹងមាំផ្សេងទៀត ឧទាហរណ៍ជាមួយមិត្តភក្ដិ ៕ ប្រភព ៖ imom
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ បវេសនកាលឆ្នាំសិក្សាថ្មីសម្រាប់កម្មវិធីចំណេះទូទៅខ្មែរ ពីថ្នាក់មត្តេយ្យ ដល់ថ្នាក់ទី ១២ ចាប់ទទួលចុះឈ្មោះចូលរៀនពីថ្ងៃនេះតទៅ ។ សាលារៀនផ្តល់ជូនអាហារូបករណ៍រហូតដល់ ២០% ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ និងបន្ថែមកម្មវិធីសិក្សាអមអន្តរជាតិ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ