ADផ្ទាំងផ្សព្វផ្សាយពាណិជ្ជកម្ម

ឪពុកម្តាយគួរបញ្ឈប់ការគ្រប់គ្រងកូនខ្លាំងពេក !

3 អាទិត្យ មុន

០៩ ខែ កញ្ញា ឆ្នាំ ២០២៤ ម៉ោង ១៦:៣៦

រាជធានីភ្នំពេញ ៖ ឪពុកម្តាយខ្លះបានព្យាយាមអប់រំកូនរបស់ពួកគេតាំងពីនៅក្នុងផ្ទៃ ហើយចង្អុលបង្ហាញកូនពួកគេអំពីតន្ត្រី សិល្បៈ និងអក្សរសិល្ប៍ មុនពេលដែលកូនអាចដើរបានទៅទៀត ។ ឪពុកម្តាយខ្លះចាប់អារម្មណ៍នឹងអ្វីៗទាំងអស់ រាប់ចាប់ពីថា តើកុមាររៀនបានលឿនប៉ុនណា ពូកែប៉ុនណា ហើយបារម្ភ និងប្រតិកម្មហួសហេតុ សូម្បីតែពេលកូនរបស់ពួកគេដួល មុតរបួស ឬមានស្នាមជាំតិចតួច ។ ពួកគេការពារកូនហួសហេតុ ហើយលើសលប់ ។

អ្នកជំនាញផ្នែកកុមារពិតជាមិនស្នើឱ្យអ្នករាល់គ្នាធ្វើបែបនេះនោះទេ ។ មានវិធីសាស្ត្រច្រើនណាស់ដែលអ្នកអាចជួយកូនរបស់អ្នក ហើយអ្នកក៏បានសម្រាក ធូរចិត្ត ហើយជួយកូនអ្នកឱ្យមានអារម្មណ៍ឯករាជ្យ មានសេរីភាព មិនសូវមានអារម្មណ៍ថា ត្រូវបានគេគ្រប់គ្រង ហើយពួកគេអាចស្វែងយល់ និងរៀនសូត្រដោយខ្លួនឯងបានកាន់តែច្រើន ។ ការធ្វើបែបនេះអាចជួយបង្កើតទំនាក់ទំនងល្អជាមួយកូនរបស់អ្នក ហើយពួកគេក៏កាន់តែសប្បាយរីករាយ ។

១. នៅពេលអ្នកខឹង ចូរទៅជិតពួកគេ ហើយឱបពួកគេ ។ ជំនួសឱ្យការស្តីបន្ទោស ឬវា.យដំ ឬវិធីគ្រប់គ្រងផ្សេងទៀត សូមសាកល្បងផ្តល់នូវសេចក្តីស្រឡាញ់ ។ អ្នកកំពុងបង្រៀនកូនរបស់អ្នកតាមរយៈសកម្មភាពរបស់អ្នក ជាជាងពាក្យសម្ដីរបស់អ្នក ។

២. ធ្វើដាក់ពួកគេដោយក្តីសប្បុរស អាណិតស្រឡាញ់ និងគោរពពួកគេ ។ វាហាក់ដូចជាសាមញ្ញ ប៉ុន្តែវាគួរឱ្យភ្ញាក់ផ្អើលថា យើងផ្តល់ការគោរពតិចតួចដល់កុមារ ដោយសារពួកគេជាកុមារ ។

៣. សូមទម្លាក់ការរំពឹងទុកខ្ពស់ពេកចំពោះកូន ។ ជារឿយៗឪពុកម្តាយមានក្តីសង្ឃឹមខ្ពស់ថាកូនរៀនសូត្របានពូកែ លេងកីឡាបានល្អ ឬក្លាយជាអ្នកអាជីព ខណៈពេលខ្លះវាមិនមែនជាអ្វីដែលកូនចង់បាន ។

៤. អនុញ្ញាតឱ្យពួកគេលេង អនុញ្ញាតឱ្យពួកគេរុករក ហើយឈប់ការពារពួកគេខ្លាំងពេក ។ អនុញ្ញាតឱ្យក្មេងក្លាយជាក្មេង ហើយឱ្យពួកគេរត់ជុំវិញខាងក្រៅ ជិះកង់ រុករកធម្មជាតិ ឬលេងជាមួយភ្លើង ។ ជាការពិតណាស់ត្រូវបង្រៀនពួកគេអំពីសុវត្ថិភាព និងគ្រោះថ្នាក់ ប៉ុន្តែសូមឱ្យពួកគេនៅក្មេង និងធ្វើអ្វីដែលពួកគេចង់ធ្វើ បើមិនមានគ្រោះថ្នាក់នោះទេ ។

៥. និយាយថា “បាទ / ចាស បាន” ជំនួសឱ្យការនិយាយថា “ទេ” ។ ជារឿយៗឪពុកម្តាយមានសភាវគតិក្នុងការនិយាយថាទេ ប៉ុន្តែនេះគឺជាការគ្រប់គ្រង និងបង្កជាភាពតានតឹងទាំងកូន និងឪពុកម្តាយ។ ឈប់ព្យាយាមគ្រប់គ្រងកូន ហើយផ្តល់សេរីភាពខ្លះដល់ពួកគេ ។

៦. ឈប់ព្យាយាមបង្ខំក្មេងឱ្យរៀនអ្វីដែលអ្នកគិតថា គេត្រូវរៀន ។ ផ្ទុយទៅវិញ សូមលើកទឹកចិត្តកូនឱ្យស្វែងយល់ អាន និងស្វែងយល់ពីអ្វីៗផ្សេងៗដែលពួកគេចាប់អារម្មណ៍ ។ អនុញ្ញាតិឱ្យពួកគេរីករាយ រំភើបអំពីអ្វីៗដោយខ្លួនឯង ពីព្រោះនៅពេលដែលពួកគេរំភើបនឹងអ្វីមួយ ពួកគេនឹងរៀនពីវា ។ ពេលអ្នកបង្ខំពួកគេ ពួកគេនឹងធ្វើអ្វីដែលអ្នកបង្ខំ ប៉ុន្តែពួកគេមិនបានរៀនអ្វីច្រើនក្រៅពីអ្នកកំពុងគ្រប់គ្រងពួកគេឡើយ ។

៧. ផ្តោតលើអ្វីដែលវិជ្ជមាននាពេលបន្ទាប់ ។ ព្យាយាមធ្វើជំហ៊ានបន្ទាប់ឱ្យល្អប្រសើរជាជាងស្តីបន្ទោសទៅលើរឿងដែលបានកើតឡើងហើយ ។

៨. បញ្ឈប់ខ្លួនឯង ហើយមើលអ្វីៗតាមទស្សនៈរបស់កូនអ្នក ។ បើអ្នកខឹង វាគឺដោយសារតែអ្នកមើលឃើញតែពីទស្សនៈរបស់អ្នកប៉ុណ្ណោះ ។ ក្មេងមានទស្សនៈខុសគ្នាទាំងស្រុងលើអ្វីៗ ហើយប្រសិនបើអ្នកអាចយល់ពីទស្សនៈរបស់ពួកគេ អ្នកនឹងមិនខឹងនឹងកូនឡើយ ។

៩. ប្រសិនបើក្មេងកំពុងធ្វើសកម្មភាពមិនសមរម្យណាមួយដូចជា ខឹង ឆេវឆាវ ឬស្រែកខ្លាំងៗ សូមព្យាយាមរកមូលហេតុ ហើយបំពេញតម្រូវការនោះ ។ ជារឿយៗ វាគឺជាតម្រូវការសម្រាប់សេរីភាព ការយកចិត្តទុកដាក់ សេចក្ដីស្រឡាញ់ ឬដើម្បីគ្រប់គ្រងជីវិតផ្ទាល់ខ្លួនរបស់គាត់ ។

១០. ក្មេង គឺល្អឥតខ្ចោះរួចទៅហើយ អ្នកមិនចាំបាច់ផ្លាស់ប្តូរគាត់ទេ ។ អ្នកមិនចាំបាច់ដាក់គាត់ទៅជាមនុស្សល្អឥតខ្ចោះទេ គាត់ល្អឥតខ្ចោះរួចហើយ ។ ឥឡូវដល់ពេលអ្នកសម្រាកខ្លះហើយ ចូររីករាយរាល់ពេលនៅជាមួយកូនរបស់អ្នក ៕ ប្រភព ៖ zenhabits

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ បវេសនកាលឆ្នាំសិក្សាថ្មីសម្រាប់កម្មវិធីចំណេះទូទៅខ្មែរ ពីថ្នាក់មត្តេយ្យ ដល់ថ្នាក់ទី ១២ ចាប់ទទួលចុះឈ្មោះចូលរៀនពីថ្ងៃនេះតទៅ ។ សាលារៀនផ្តល់ជូនអាហារូបករណ៍រហូតដល់ ២០% ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ និងបន្ថែមកម្មវិធីសិក្សាអមអន្តរជាតិ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕