វីតាល់ និង KKRC បន្តសហការរៀបចំព្រឹត្តិការណ៍រត់ប្រណាំង Cambodia Elephant Trail 2024
ខេត្តកំពង់ស្ពឺ ៖ កាលពីថ្ងៃទី ១១ ខែសីហា ឆ្នាំ ២០២៤ កន្លងទៅនេះ ក្រុមហ៊ុន វ័ន…
ខេត្តកំពង់ស្ពឺ ៖ កាលពីថ្ងៃទី ១១ ខែសីហា ឆ្នាំ ២០២៤ កន្លងទៅនេះ ក្រុមហ៊ុន វ័ន ហ្វ្រេតធើនីធី (វីតាល់) បានបន្តចូលរួមឧបត្ថម្ភជាដៃគូនៅក្នុងព្រឹត្តិការណ៍រត់ប្រណាំង Cambodia Elephant Trail 2024 ក្រោមការរៀបចំឡើងដោយ KK Running Club ដែលបានធ្វើឡើងនៅឧទ្យានជាតិព្រះសុរាម្រិតកុសុមៈគិរីរម្យ នាទឹកដីខេត្តកំពង់ស្ពឺ ។
ព្រឹត្តិការណ៍រត់ប្រណាំង Cambodia Elephant Trail ក្នុងឆ្នាំ ២០២៤ នេះទទួលបានការចូលរួមយ៉ាងច្រើនកុះករដោយមានអ្នកចូលរួមរត់ប្រណាំងប្រមាណជិត ៦០០ នាក់ ដែលបានមកពី ២៨ ប្រទេស ជុំវិញពិភពលោក ។ ព្រឹត្តិការណ៍រត់ប្រណាំង Cambodia Elephant Trail ជាព្រឹត្តិការណ៍រត់ប្រណាំងឧបសគ្គដ៏ធំមួយ ដែលអ្នកចូលរួមទាំងអស់នឹងធ្វើការរត់ឆ្លងកាត់ ព្រៃព្រឹក្សាលតាវល្លិ រួមជាមួយទេសភាពដ៏ស្រស់ត្រកាល នៃដើមស្រល់ខ្ពស់ៗ ប្រកបដោយខ្យល់បរិសុទ្ធ ជាមួយរុក្ខជាតិផ្កាព្រៃ អមសងខាងផ្លូវ ដែលកីឡាករ-កីឡាការនីទាំងអស់ទទួលបានបទពិសោធន៍ថ្មីពុំធ្លាប់មាន ។
ការប្រកួតរត់ប្រណាំងក្នុងឆ្នាំនេះបែងចែកចេញជា ៤ វិញ្ញាសារផ្សេងៗគ្នាសម្រាប់បុរស និងស្ត្រីដែលរួមមានការរត់ចម្ងាយ ៥ គីឡូម៉ែត្រ, ១២ គីឡូម៉ែត្រ, ២៥ គីឡូម៉ែត្រ, និង ៥០ គីឡូម៉ែត្រ ។ នេះជាឆ្នាំទី៣ ហើយដែល វីតាល់ បានបន្តឧបត្ថម្ភ និងចូលរួមជាដៃគូជាមួយព្រឹត្តិការណ៍រត់ប្រណាំងបែបអន្តរជាតិមួយនេះ ។
ក្នុងនាមជាក្រុមហ៊ុនទឹកពិសាឈានមុខគេ វីតាល់ តែងតែចូលរួមជាចំណែក ក្នុងការគាំទ្រសកម្មភាពសង្គមជាច្រើនទម្រង់ តួយ៉ាងដូចជាវិស័យកីឡា ដែលមានព្រឹត្តិការណ៍នេះជាដើម ពោលគឺ ជំរុញលើកទឹកចិត្ត និងបំផុសគំនិតឱ្យសាធារណជន ចូលរួមស្រឡាញ់ និងអនុវត្តលើសកម្មភាពកីឡានានា ដើម្បីទទួលបានសុខភាពល្អទាំងផ្លូវកាយ និងផ្លូវចិត្ត ។ គួរបញ្ជាក់ផងដែរថា វីតាល់ ជាក្រុមហ៊ុនផលិតទឹកពិសា របស់ប្រជាជនខ្មែរ ដែលមានគុណភាពខ្ពស់ និងអនុលោមស្របតាមស្តង់ដារជាតិ និងអន្តរជាតិ ដែលបានឆ្លងកាត់ដំណាក់កាលបន្សុទ្ធដោយប្រើប្រាស់ប្រព័ន្ធបន្សុទ្ធទឹកយ៉ាងទំនើបពីប្រទេសអាល្លឺម៉ង់ ដែលធានាបាននូវគុណភាព ហើយក៏ជាជម្រើសដ៏ស័ក្តិសមបំផុតសម្រាប់គ្រប់វ័យ គ្រប់កាលៈទេសៈ ។ វីតាល់ មោទនភាព ផលិតផលជាតិ ៕ អត្ថបទសហការ
ចែករំលែកព័តមាននេះ