ADផ្ទាំងផ្សព្វផ្សាយពាណិជ្ជកម្ម

របៀបនិយាយឱ្យកូនគោរព និងធ្វើតាមដោយមានប្រសិទ្ធភាព

1 ខែ មុន

១០ ខែ សីហា ឆ្នាំ ២០២៤ ម៉ោង ១៧:១៣

រាជធានីភ្នំពេញ ៖ ជំហានដំបូង ដើម្បីភាពសុខដុមរមនា គឺការបង្រៀនកូនរបស់អ្នកឱ្យចេះស្តាប់ និងធ្វើតាមការណែនាំ ។ គន្លឹះដ៏សំខាន់បំផុតមួយក្នុងការកាត់បន្ថយបញ្ហា គឺការធ្វើឱ្យប្រាកដថា កូនរបស់អ្នកកំពុងយល់នូវអ្វីដែលអ្នកប្រាប់ពួកគេ ។ ខាងក្រោមនេះជាវិធីសាស្ត្រនិយាយប្រាប់ ឬបង្ហាញព័ត៌មានដល់កូនៗរបស់អ្នក ដើម្បីធ្វើឱ្យពួកគេឮអ្នកនិយាយ និងគោរពតាមសម្តីរបស់អ្នក ៖

១. និយាយឱ្យចំៗ ៖ ចូរនិយាយឱ្យចំៗ ខ្លីខ្លឹម ជាជាងការសួរសំណួរដេញដោលច្រើន ។ ចូរនិយាយថា “កូនធ្វើកិច្ចការផ្ទះ” កុំនិយាយថា “តើកូនត្រៀមខ្លួនរួចរាល់ហើយ ឬនៅដើម្បីធ្វើកិច្ចការផ្ទះរបស់អ្នក ?” ។

២. នៅឱ្យជិតកូន ៖ និយាយប្រាប់កូន នៅពេលអ្នកនៅជិតកូន ជាជាងការស្រែកប្រាប់ពីចម្ងាយ ។

៣. ប្រើពាក្យច្បាស់លាស់ និងជាក់លាក់ ៖ ជំនួសឱ្យពាក្យ “តោះ” ចូរនិយាយថា “កូនអាចចាប់ផ្តើមញ៉ាំបាយបានហើយ” ។

៤. ផ្តល់ការណែនាំតាមអាយុកូន ៖ និយាយជាមួយកូនរបស់អ្នកក្នុងកម្រិតមួយដែលពួកគេនឹងយល់ ។ ប្រសិនបើកូនរបស់អ្នកនៅក្មេង ចូរនិយាយពាក្យសាមញ្ញៗ ហើយប្រើពាក្យដែលអ្នកដឹងថាពួកគេយល់ច្បាស់ ៖ “ហុចចានបាយឱ្យប៉ា” ។ ជាមួយនឹងកុមារធំៗ វាជាការសំខាន់ក្នុងការបញ្ជាក់ឱ្យបានច្បាស់លាស់ថា ពួកគេមិនមែនជាទារកទៀតនោះទេ ។

៥. ផ្តល់ការណែនាំម្តងមួយៗ ៖ ជាពិសេសសម្រាប់កុមារដែលមានបញ្ហាក្នុងការយកចិត្តទុកដាក់ សូមព្យាយាមចៀសវាងការផ្តល់ការណែនាំច្រើនជាបន្តបន្ទាប់ដូចជា ៖ “យកកាតាប ប្រញាប់ពាក់ស្បែកជើងប៉ាតា កុំភ្លេចយកអាហារថ្ងៃត្រង់ចេញពីតុផ្ទះ ហើយទៅជួបប៉ានៅខាងមុខផ្ទះ” ។ ដូច្នេះ សូមផ្តល់ការណែនាំម្តងមួយៗ ហើយច្បាស់លាស់ ។

៦. ពន្យល់សាមញ្ញ ៖ ការផ្តល់ហេតុផលទំនងជាធ្វើឱ្យកុមារស្តាប់បញ្ជា ។ សូមនិយាយថា ៖ “ភ្លៀងធ្លាក់ហើយ ប៉ាមិនចង់ឱ្យកូនផ្តាសាយទេ ឆាប់ទៅយកអាវរងារមកពាក់” ។

៧. ផ្តល់ពេលវេលាដល់កុមារ ដើម្បីដំណើរការ ៖ បន្ទាប់ពីអ្នកនិយាយប្រាប់ហើយ សូមរង់ចាំពីរបីវិនាទី ដោយមិននិយាយឡើងវិញនូវអ្វីដែលអ្នកបាននិយាយ ។ វាអាចបង្រៀនកូនអ្នកឱ្យចេះរៀនស្តាប់ការណែនាំដ៏ស្ងប់ស្ងាត់ដែលអ្នកនិយាយម្តង ជាជាងពួកគេរៀនថា ពួកគេមិនចាំបាច់ស្តាប់ទេ ពីព្រោះអ្នកនឹងនិយាយពីរដង ឬបីដងទៀត ៕ ប្រភព ៖ childmind

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ អបអរសាទរ បវេសនកាលឆ្នាំសិក្សាថ្មី សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសម្រាប់សិស្សធំ និងកម្មវិធីភាសចិន ចូលរៀនថ្ងៃទី ១ ខែសីហា ឆ្នាំ ២០២៤ ។ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ ចូលរៀនថ្ងៃទី ២៦ ខែសីហា ឆ្នាំ ២០២៤ ។ សាលារៀនផ្តល់ជូនកញ្ចប់សិក្សាសម្រាប់គ្រួសារ (ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ) និងអាហាររូបករណ៍រហូតដល់ ៣០% លើតម្លៃសិក្សាសម្រាប់ការចុះឈ្មោះចូលរៀនត្រឹមថ្ងៃទី ៣១ ខែកក្កដា (សម្រាប់មត្តេយ្យ អង់គ្លេស និងចិន) និងថ្ងៃទី ២៥ ខែសីហា (ចំណេះទូទៅខ្មែរ) ។ សាលារៀនចាប់ទទួលចុះឈ្មោះសិស្សចូលរៀងរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕