រាជធានីភ្នំពេញ៖ នៅព្រឹកថ្ងៃទី ០៣ ខែសីហា ឆ្នាំ២០២៤ ក្រុមហ៊ុនធានារ៉ាប់រងអាយុជីវិត FWD Cambodia សហការជាមួយ ក្រុមហ៊ុន…
រាជធានីភ្នំពេញ៖ នៅព្រឹកថ្ងៃទី ០៣ ខែសីហា ឆ្នាំ២០២៤ ក្រុមហ៊ុនធានារ៉ាប់រងអាយុជីវិត FWD Cambodia សហការជាមួយ ក្រុមហ៊ុន ប៉េង ហួត គ្រុប បានរៀបចំឡើងនូវកម្មវិធីរត់កម្សាន្ត «សាទរជីវិតជាមួយការរត់ដើម្បីកុមារកម្ពុជា» ដែលប្រព្រឹត្តទៅនៅបុរី ប៉េង ហួត បឹងស្នោ គម្រោងហ្គ្រេនស្តា ផ្លាទីនីម អេកូ ខូលិកសិន ។ កម្មវិធីរត់នេះត្រូវបានធ្វើឡើង ដើម្បីអបអរការដាក់សម្ពោធផលិតផលធានារ៉ាប់រងអាយុជីវិតថ្មី FWD សាទរជីវិត និងដើម្បីគាំទ្រការរៃអង្គាសថវិកាសប្បុរសធម៌ ទៅកាន់មន្ទីរពេទ្យកុមារគន្ធបុប្ផា តាមរយៈមូលនិធិគន្ធបុប្ផាកម្ពុជា ។
កម្មវិធី សាទរជីវិតជាមួយការរត់ដើម្បីកុមារកម្ពុជា ប្រព្រឹត្តទៅក្នុងឱកាសនៃពិធីសម្ពោធជាផ្លូវការនៃផលិតផលធានារ៉ាប់រងអាយុជីវិតថ្មី «FWD សាទរជីវិត» របស់ក្រុមហ៊ុន FWD Cambodia ក្រោមអធិបតីភាពរបស់ ឯកឧត្តម ប៊ូ ច័ន្ទភីរូ អគ្គនាយកនៃនិយ័តករធានារ៉ាប់រងកម្ពុជា លោកហ៊ុយ វ៉ាថារ៉ូ ប្រធានសមាគមធានារ៉ាប់រងកម្ពុជា លោក ជីម គង់ហ៊ុយ អគ្គនាយកក្រុមហ៊ុនធានារ៉ាប់រងអាយុជីវិត FWD Cambodia និងតំណាងដៃគូសហការនានា ក្នុងកម្មវិធីនេះ ។ ព្រឹត្តិការណ៍នេះបានរៃអង្គាសថវិកា សរុបចំនួនច្រើនជាង ៨ លានរៀល ដើម្បីបរិច្ចាគជូនដល់មូលនិធិគន្ធបុប្ផាកម្ពុជា ។
គួរបញ្ជាក់ផងដែរថា កម្មវិធីរត់នេះទទួលបានការគាំទ្រ ពីនិយ័តករធានារ៉ាប់រងកម្ពុជា សមាគមធានារ៉ាប់រងកម្ពុជា មូលនិធិគន្ធបុប្ផាកម្ពុជា និងការសហការគាំទ្រពី ក្រុមហ៊ុន ប៉េង ហួត គ្រុប, Cambodia Water, មន្ទីរពេទ្យសង់ត្រាល់, មន្ទីរសម្រាកព្យាបាលកុមារខ្មែរឃីដ និង Starbalm ៕ អត្ថបទសហការ
ចែករំលែកព័តមាននេះ