រាជធានីភ្នំពេញ ៖ យើងបានសួរក្មេងជំទង់ជាច្រើនថា តើអ្នកត្រូវការអ្វីពីឪពុកម្តាយរបស់អ្នក ?ចម្លើយដែលយើងទទួលបានផ្តល់ឱ្យឃើញនូវអ្វីដែលក្មេងជំទង់ពិតជាចង់បាន និងត្រូវការពីឪពុកម្តាយរបស់ពួកគេ ។ ១. សូមឱ្យកូនបរាជ័យពេលខ្លះ ៖…
រាជធានីភ្នំពេញ ៖ យើងបានសួរក្មេងជំទង់ជាច្រើនថា តើអ្នកត្រូវការអ្វីពីឪពុកម្តាយរបស់អ្នក ?ចម្លើយដែលយើងទទួលបានផ្តល់ឱ្យឃើញនូវអ្វីដែលក្មេងជំទង់ពិតជាចង់បាន និងត្រូវការពីឪពុកម្តាយរបស់ពួកគេ ។
១. សូមឱ្យកូនបរាជ័យពេលខ្លះ ៖ មាគ៌ាឆ្ពោះទៅរកភាពពេញវ័យ គឺវែងឆ្ងាយ ដែលវាពោរពេញដោយភាពជោគជ័យ និងភាពបរាជ័យ ។ ពេលខ្លះក្មេងជំទង់ត្រូវការសេរីភាពក្នុងការបរាជ័យ ដូច្នេះពួកគេអាចរៀនពីវា ។ មេរៀនដែលទទួលបាន គឺមានសារៈសំខាន់ខ្លាំងណាស់ ព្រោះវាជាមេរៀនផ្ទាល់របស់ពួកគេ ។ ក្មេងៗត្រូវការបទពិសោធន៍ទូលំទូលាយ ដូច្នេះចូរបណ្តោយឱ្យកូនបរាជ័យពេលខ្លះ ។ សូមលើកទឹកចិត្តកូនដើរចេញពីតំបន់ផាសុកភាព ដើម្បីអាចទទួលបាននូវបទពិសោធន៍ដែលកាន់តែធ្វើឱ្យពួកគេរីកចម្រើន ។
២. ជឿលើកូន ហើយនិយាយថា ប៉ា ឬម៉ាក់ស្រឡាញ់កូន ៖ ក្មេងជំទង់ត្រូវការសេរីភាព ហើយក៏រឹតតែត្រូវការការគាំទ្រពីឪពុកម្តាយ ជាពិសេសនៅពេលដែលពួកគេបរាជ័យ ហើយពួកគេចង់ឃើញឪពុកម្តាយនៅទីនោះសម្រាប់ពួកគេ ។ សូមនិយាយពាក្យគាំទ្រ ហើយនៅតែជឿជាក់លើកូនរបស់អ្នក ។ វាក៏មានន័យត្រង់ដែលប្រាប់ពួកគេថា អ្នកស្រឡាញ់ពួកគេផងដែរ ។
៣. ផ្តល់ឱ្យកូននូវឯករាជ្យភាព និងព្រំដែន ៖ សូមណែនាំកូន ប៉ុន្តែកុំដឹកនាំពួកគេ ។ ពួកគេត្រូវការឪពុកម្តាយ ដើម្បីជួយឱ្យពួកគេមានបទពិសោធន៍ទូលំទូលាយ បណ្តោយឱ្យកូនបរាជ័យពេលខ្លះ ប៉ុន្តែឪពុកម្តាយនៅតែជំរុញពួកគេឱ្យរៀនពីកំហុសទាំងនោះ ។
៤. គោរព និងឱ្យតម្លៃគំនិតរបស់កូន ៖ ទំនាក់ទំនងជោគជ័យត្រូវបានបង្កើតឡើងនៅលើការគោរព ។ ទំនាក់ទំនងរវាងឪពុកម្តាយ និងក្មេងជំទង់ ក៏ដូចគ្នាដែរ ។ សូមគោរពកូនរបស់អ្នក ឱ្យតម្លៃគំនិតរបស់ពួកគេ ។ នេះមិនមានន័យថា ឱ្យអ្នកធ្វើជាមិត្តជាងធ្វើជាឪពុកម្តាយនោះទេ ឪពុកម្តាយនៅតែត្រូវការសិទ្ធិអំណាច និងរចនាសម្ព័ន្ធដែលឪពុកម្តាយផ្តល់ជូន ។
៥. រំលឹកកូនឱ្យមានសុខភាពល្អ ៖ ផ្នែកសំខាន់មួយនៃការក្លាយជាមនុស្សពេញវ័យ គឺការថែរក្សាសុខភាព ។ ពួកគេត្រូវការឪពុកម្តាយ ដើម្បីជួយកំណត់ទម្លាប់ដែលមានសុខភាពល្អ ។ នោះអាចតាមរយៈការញ៉ាំអាហារដែលមានសុខភាពល្អ គេងឱ្យបានគ្រប់គ្រាន់ គ្រប់គ្រងភាពតានតឹង និងមិនឱ្យពួកគេធ្វើការ ឬរៀនសូត្រលើសកំណត់ ។
៦. ធ្វើជាគំរូ ៖ សូមធ្វើជាគំរូល្អសម្រាប់កូន ។ បង្ហាញថា អ្នកមានទំនួលខុសត្រូវ ក្លាហាន ស្មោះត្រង់ ។ល។ បង្ហាញថា អ្នកមិនតែងតែត្រឹមត្រូវ ហើយសុខចិត្តសុំទោស និងទទួលយកពេលអ្នកខុស ។
៧. រៀបចំសម្រាប់អនាគត ៖ វ័យជំទង់អាចជាពេលវេលាមិនច្បាស់លាស់ ។ ក្មេងៗជាច្រើនមិនដឹងថា ពួកគេចង់ក្លាយជាអ្វី ឬចង់ធ្វើអ្វីនោះទេ ។ សូមគាំទ្រ និងរៀបចំផ្លូវមួយចំនួនសម្រាប់អនាគតរបស់ពួកគេ ៕ ប្រភព ៖ parentandteen
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ អបអរសាទរ ការបើកដំណើរការ ៤ សាខា ថ្មីបន្ថែមទៀត សាលារៀនវ៉េស្ទឡាញន៍ សាខាតាខ្មៅ សាខាក្រុងច្បារមន (ខេត្តកំពង់ស្ពឺ) សាខាឈូកមាស និងសាលារៀនណត្សឡាញន៍ សាខាចំការដូង ។ សាលារៀនចាប់ទទួលចុះឈ្មោះកូនៗលោកអ្នករៀងរាល់ថ្ងៃ និងផ្តល់ជូនការសិក្សាសម្រាប់គ្រួសារ, អាហារូបករណ៍រហូតដល់ ៣០% លើតម្លៃសិក្សា, សិក្សាថ្នាក់បំប៉នដោយឥតគិតថ្លៃ, ធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូននេះសម្រាប់ការចុះឈ្មោះចូលរៀនត្រឹមថ្ងៃទី ៣០/០៦/២០២៤ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ