រាជធានីភ្នំពេញ ៖ សម្រាប់ឪពុកម្តាយជាច្រើន ជីវិត គឺពោរពេញដោយបញ្ហាប្រឈមទាំងរឿងគ្រួសារ និងការងារ ជាពិសេសក្នុងរយៈពេលពីរបីឆ្នាំចុងក្រោយនេះ ។ ដូច្នេះ វាជារឿងសំខាន់ក្នុងការថែរក្សាសុខុមាលភាពរបស់យើង…
រាជធានីភ្នំពេញ ៖ សម្រាប់ឪពុកម្តាយជាច្រើន ជីវិត គឺពោរពេញដោយបញ្ហាប្រឈមទាំងរឿងគ្រួសារ និងការងារ ជាពិសេសក្នុងរយៈពេលពីរបីឆ្នាំចុងក្រោយនេះ ។ ដូច្នេះ វាជារឿងសំខាន់ក្នុងការថែរក្សាសុខុមាលភាពរបស់យើង ក៏ដូចជាកូនៗរបស់យើងឱ្យបានល្អប្រសើរ ។ សុខុមាលភាព និងទំនាក់ទំនងដែលល្អ មិនងាយកើតឡើងនោះទេ វាត្រូវការការថែទាំ និងការយកចិត្តទុកដាក់ខ្លាំងណាស់ ។ ការថែរក្សាខ្លួនឯង ទាមទារការបញ្ចូលថ្មដ៏សំខាន់ដែលយើងទាំងអស់គ្នាត្រូវការ ដើម្បីឱ្យមានថាមពលទាំងផ្លូវកាយ និងផ្លូវចិត្ត ដើម្បីប្រើប្រាស់ពេលវេលាល្អៗ និងបន្តដំណើរទៅមុខក្នុងគ្រាលំបាកជាមួយគ្នា ។ ក្នុងនាមជាឪពុកម្តាយ អ្នកប្រហែលជាគិតអំពីសុខុមាលភាពរបស់កូនអ្នកផ្ទាល់ ខណៈពេលមើលរំលងខ្លួនឯង ។ ប៉ុន្តែការចិញ្ចឹមកូន គឺពឹងអ្នកមើលថែខ្លួនឯងជាមុន ដើម្បីមើលថែកូនអ្នកបន្ត ។
១. មើលថែរក្សារាងកាយរបស់អ្នក ៖ ការថែរក្សាសុខុមាលភាពផ្លូវកាយដើរតួនាទីយ៉ាងសំខាន់ ដើម្បីជំរុញសុខុមាលភាពផ្លូវចិត្ត ដូច្នេះសូមបន្តការយកចិត្តទុកដាក់លើអ្វីដែលយើងញ៉ាំ ឆ្លៀតពេលហាត់ប្រាណ សម្រាកឱ្យបានច្រើន និងរក្សាការគេងឱ្យបានល្អ ។
២. ពេលវេលានៅឆ្ងាយពីអេក្រង់ ៖ ជំនួសឱ្យការមើលទូរស័ព្ទ សូមធ្វើសកម្មភាពផ្សេងដូចជា ការធ្វើលំហាត់ប្រាណជាទៀងទាត់ និងបង្កើតសកម្មភាពរាងកាយដ៏រីករាយក្នុងថ្ងៃរបស់អ្នក ។ ក្នុងក្រុមគ្រួសារ ការលេងហ្គេមជាមួយគ្នាអាចជាវិធីដ៏ល្អមួយ ។ ការណាត់ជួបជាមួយមិត្តភ័ក្តិតាមទូរស័ព្ទ ឬដោយផ្ទាល់ដើម្បីស្រូបខ្យល់អាកាសបរិសុទ្ធខ្លះ ក៏អាចជួយបង្កើតកន្លែងសម្រាប់ការថែទាំខ្លួនឯងផងដែរ ។
៣. តម្លៃនៃទម្លាប់ ៖ គិតអំពីរបៀបទម្លាប់ក្នុងគ្រួសារ ដែលអាចជួយឱ្យក្រុមគ្រួសាររបស់អ្នកមានការផ្លាស់ប្តូរ មានការរីកចម្រើន និងមានសុខភាពល្អ ។ បង្កើតទម្លាប់ណាល្អៗ ដូចជាការមិនដើរលេងពេលយប់ ការញ៉ាំអាហារជុំគ្នារាល់ថ្ងៃ ការប្រជុំក្នុងក្រុមគ្រួសារដើម្បីស្វែងយល់ពីគ្នា ការទម្លាប់លេងកីឡា ឬដើរលេងក្រៅប្រទេសជុំគ្នាជាដើម ។
៤. ស្វែងរកសមតុល្យ ៖ ពេលវេលានៅឆ្ងាយពីការងារ ជាឱកាសសម្រាប់សម្រាក ប៉ុន្តែសូមបញ្ចប់ការ ងារឱ្យអស់សិន ។ សូមធ្វើផែនការទុកជាមុន ដើម្បីអាចជួយអ្នករាល់គ្នាឱ្យចំណាយពេលទំនេរនេះនៅជាមួយគ្នាឱ្យបានល្អបំផុត ។
៥. រក្សាទំនាក់ទំនង ៖ សូមបន្តការរាប់អាន និងភ្ជាប់ទំនាក់ទំនងជាមួយសាច់ញាតិ បងប្អូន និងមិត្តភក្តិរបស់អ្នកដដែល ។ កុំផ្អាក ឬឈប់ទាក់ទងពួកគេ ដោយសារតែអ្នករវល់មើលថែកូន ។
៦. សំឡឹងទៅមុខ ៖ ការបង្កើតផែនការថ្មី គឺជាមធ្យោបាយដ៏សំខាន់មួយក្នុងការគាំទ្រខ្លួនឯង និងកូនរបស់អ្នកឱ្យកាន់តែល្អប្រសើរ ។ កុំភ្លេចខ្លួនឯង ហើយគិតទៅមុខឱ្យបានឆ្ងាយបន្តិច ។ ការមើលថែខ្លួនឯង និងគ្នាទៅវិញទៅមក គឺជារឿងសំខាន់ ៕ ប្រភព ៖ bbc
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ អបអរសាទរ ការបើកដំណើរការ ៤ សាខា ថ្មីបន្ថែមទៀត សាលារៀនវ៉េស្ទឡាញន៍ សាខាតាខ្មៅ សាខាក្រុងច្បារមន (ខេត្តកំពង់ស្ពឺ) សាខាឈូកមាស និងសាលារៀនណត្សឡាញន៍ សាខាចំការដូង ។ សាលារៀនចាប់ទទួលចុះឈ្មោះកូនៗលោកអ្នករៀងរាល់ថ្ងៃ និងផ្តល់ជូនការសិក្សាសម្រាប់គ្រួសារ, អាហារូបករណ៍រហូតដល់ ៣០% លើតម្លៃសិក្សា, សិក្សាថ្នាក់បំប៉នដោយឥតគិតថ្លៃ, ធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូននេះសម្រាប់ការចុះឈ្មោះចូលរៀនត្រឹមថ្ងៃទី ៣០/០៦/២០២៤ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ