រាជធានីភ្នំពេញ៖ លោកបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា និងជាអ្នកវិភាគនយោបាយនៅកម្ពុជានៅថ្ងៃទី០១ ខែឧសភា ឆ្នាំ២០២៤នេះ បានគាំទ្រចំពោះការដាក់ចេញប្រធានបទ ស្តីពី…
រាជធានីភ្នំពេញ៖ លោកបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា និងជាអ្នកវិភាគនយោបាយនៅកម្ពុជានៅថ្ងៃទី០១ ខែឧសភា ឆ្នាំ២០២៤នេះ បានគាំទ្រចំពោះការដាក់ចេញប្រធានបទ ស្តីពី សហគ្រាសមួយជាសហគមន៍សុខសាន្តមួយ របស់រាជរដ្ឋាភិបាលកម្ពុជា ដើម្បីរំលឹកខួបលើកទី១៣៨ នៃទិវាពលកម្មអន្តរជាតិ ។ ប៉ុន្តែទន្ទឹមនឹងនេះ លោកបណ្ឌិតយង់ ពៅ ក៏បានអំពាវនាវឱ្យសហជីពនៅកម្ពុជា មិនត្រូវវង្វេងអ្វីដែលជាប្រយោជន៍របស់កម្មករ ដោយពិតប្រាកដនោះឡើយ ឬជាអ្វីដែលលោកហៅថា ឆ្នាំងបាយរបស់កម្មករ ។
សម្រាប់លោក សហជីពនៅកម្ពុជា គួរតែមកគិតពីសុខដុមវិជ្ជាជីវៈ ក្នុងការបំពេញការងារដើម្បីភាពចម្រុងចម្រើនទាំងកម្មករ និងនិយោជក ដែលជាការរក្សាបានឆ្នាំងបាយ ហើយក៏មិនគួរធ្វើជាឈ្នាន់នយោបាយ ដើរទៅតាមខ្សែញាក់ពីបរទេសនោះឡើយ ។
ចំពោះអ្នកវិភាគរូបនេះ រាជរដ្ឋាភិបាល ក៏ដូចជាក្រសួងជំនាញ បានអនុវត្តច្បាប់យ៉ាងត្រឹមត្រូវ ដើម្បីការពារប្រយោជន៍ដល់កម្មករនិយោជិត និងនិយោជកដោយឈរលើគោលការច្បាប់ ក្នុងការរក្សាសុខដុមនីយកម្ម និងការថែរក្សាឆ្នាំងបាយរួម ៕ អត្ថបទសហការ
ចែករំលែកព័តមាននេះ