រាជធានីភ្នំពេញ ៖ ឪពុកម្តាយគ្រប់រូបមានអារម្មណ៍រំភើប នៅពេលដែលកូនរបស់ពួកគេរៀននិយាយ និងបង្ហាញខ្លួនឯង ប៉ុន្តែការរំភើបចិត្តនោះអាចក្លាយទៅជាសញ្ញាព្រមានយ៉ាងឆាប់រហ័ស នៅពេលដែលកូនរបស់ពួកគេប្រើពាក្យមិនសមរម្យ មិនគោរព ឬឧហ្សាហ៍តមាត់វិញជាដើម ។…
រាជធានីភ្នំពេញ ៖ ឪពុកម្តាយគ្រប់រូបមានអារម្មណ៍រំភើប នៅពេលដែលកូនរបស់ពួកគេរៀននិយាយ និងបង្ហាញខ្លួនឯង ប៉ុន្តែការរំភើបចិត្តនោះអាចក្លាយទៅជាសញ្ញាព្រមានយ៉ាងឆាប់រហ័ស នៅពេលដែលកូនរបស់ពួកគេប្រើពាក្យមិនសមរម្យ មិនគោរព ឬឧហ្សាហ៍តមាត់វិញជាដើម ។ រឿងធម្មតាដែលអាចកើតឡើង អ្នកប្រាប់កូនអាយុបួនឆ្នាំរបស់អ្នកថា ដល់ពេលត្រូវទុករបស់លេងហើយ ។ កូនបែរជាស្រែកថា «ទេ» «ខ្ញុំមិនចង់» ។ ដូច្នេះនេះជាអ្វីដែលត្រូវធ្វើ នៅពេលកុមារនិយាយតមាត់ ៖
១. រក្សាភាពស្ងប់ស្ងាត់ ៖ សូមព្យាយាមរក្សាភាពស្ងប់ស្ងាត់ ហើយនិយាយដោយសំឡេងធម្មតា និងទន់ភ្លន់ ។ ប្រសិនបើអ្នកមានអារម្មណ៍ខឹង ឬធុញថប់ សូមរាប់ដល់ ១០ ដកដង្ហើមជ្រៅៗពីរបី ឬងាកចេញមួយភ្លែត ដើម្បីសម្រួលអារម្មណ៍របស់អ្នកវិញ ។ យកល្អ អ្នកគួរតែចំណាយពេលខ្លះដើម្បីរំងាប់អារម្មណ៍ខ្លួនឯង ជាជាងបង្កើតជម្លោះជាមួយកូន ។ ព្យាយាមនិយាយដោយស្ងប់ស្ងាត់ និងដោយគោរពចំពោះកូនរបស់អ្នក ។
២. សូមណែនាំសាមញ្ញា និងច្បាស់លាស់ ៖ ផ្តល់ឱ្យកូនរបស់អ្នកនូវការណែនាំដ៏សាមញ្ញ និងជាក់លាក់អំពីអ្វីដែលអ្នករំពឹងទុក និងអ្វីដែលអ្នកនឹងមិនអត់ឱន ។ ជាឧទាហរណ៍ ក្មេងអាយុបីឆ្នាំដែលនិយាយតមាត់ ប្រហែលជាមិនយល់ពីការណែនាំទូទៅដូចជា «កុំឈ្លើយ» ។ ផ្ទុយទៅវិញ ចូរប្រាប់គេថា នៅពេលប៉ាប្រាប់កូនឱ្យយកប្រដាប់លេងទុក កូនត្រូវធ្វើវា ។ កូនត្រូវស្តាប់ នៅពេលប៉ាសុំឱ្យកូនធ្វើអ្វីមួយ ។
៣. ផ្តល់ជូននូវជម្រើស ៖ នៅពេលកូននិយាយតមាត់ វាមិនអីទេក្នុងការផ្តល់ឱ្យពួកគេនូវជម្រើស ជាជាងតវ៉ាប្រឆាំង ហើយខឹង ឬស្តីឱ្យកូនរបស់អ្នក ។ ក្មេងអាយុដែលមិនព្រមរៀបចំប្រដាប់លេងទុក ប្រហែលជាគេកំពុងមើលសៀវភៅដែលគេចូលចិត្ត ។ សូមពិចារណាផ្តល់ជម្រើសឱ្យគេ ។
៤. កំណត់ព្រំដែន ៖ ការស្រែកជេរ ការប្រមាថ ឬការគំរាមកំហែង ជារឿងដែលអ្នកមិនគួរអនុញ្ញាតិឡើយ ។ ក្មេងខ្លះលឺពាក្យមិនល្អមកពីសាលា ទូរទស្សន៍ ឬនៅទីសាធារណៈ ដោយមិនដឹងថា វាមានន័យយ៉ាងណាទេ ។ ព្យាយាមកុំភ្ញាក់ផ្អើល ឬខឹងសម្បារកូនរបស់អ្នក ប្រសិនបើកូនរបស់អ្នកប្រើភាសាមិនសមរម្យ ផ្ទុយទៅវិញ សូមដោះស្រាយស្ថានការណ៍ដោយស្ងប់ស្ងាត់ ហើយផ្តល់ការណែនាំច្បាស់លាស់ឱ្យកូនរបស់អ្នកដូចជា ៖ នោះមិនមែនជាពាក្យដែលយើងប្រើនោះទេ ។ វាមិនមែនជាពាក្យល្អទេ ហើយប៉ាមិនចង់ឮកូននិយាយវាទៀតនោះទេ ។ ចូរស្វែងរកពាក្យមួយទៀតដែលកូនអាចប្រើ ដើម្បីនិយាយពីអារម្មណ៍របស់កូន ។ ប្រសិនបើកូនប្រើពាក្យនោះម្តងទៀត សូមសាកល្បងវិធីផ្សេង ដូចជា ៖ កុំអើពើនឹងគេ ហើយបន្តធ្វើអ្វីដែលអ្នកកំពុងធ្វើ ។ ព្យាយាមប្រាប់ពួកគេថា ប៉ានឹងមិនស្តាប់នៅពេលកូននិយាយបែបនោះទេ ។ ប៉ានឹងស្តាប់ នៅពេលកូននិយាយដោយពាក្យគោរព ។
៥. អនុវត្តផលវិបាក ដាក់វិន័យ ៖ ដាក់វិន័យដល់កុមារដោយច្បាស់លាស់ និងសមស្របតាមអាយុ ហើយនៅជាប់នឹងវិន័យនោះ ។ បើអ្នកមិនធ្វើជាប់លាប់ទេ មិនដាក់វិន័យទេ អ្នកកំពុងអនុញ្ញាតឱ្យកុមារមានអារម្មណ៍ថា ពួកគេអាចធ្វើអ្វីបានតាមចិត្ត ។ ភាពជាប់លាប់នៃការដាក់វិន័យ ផ្ញើសារយ៉ាងច្បាស់ថា អ្នកត្រូវដាក់វិន័យកូន ដើម្បីឱ្យកូនរបស់អ្នករៀនសូត្រ និងលូតលាស់ ។
៦. ត្រចៀកតូចរបស់ពួកគេតែងតែស្តាប់អ្នក ៖ ឧបករណ៍ដ៏មានប្រសិទ្ធភាពបំផុតមួយ គឺការធ្វើគំរូអាកប្បកិរិយាល្អ ដោយប្រុងប្រយ័ត្នចំពោះពាក្យដែលអ្នកប្រើ និងសំឡេងរបស់អ្នក ។ ចូរធ្វើឱ្យអស់ពីសមត្ថភាព ដើម្បីគោរពពេលនិយាយជាមួយប្តីប្រពន្ធ មិត្តភ័ក្តិ គ្រួសារ មិត្តរួមការងារ និងមនុស្សចម្លែក ។ ការយល់ដឹងកាន់តែច្រើនអំពីអ្វីដែលអ្នកនិយាយ និងរបៀបដែលអ្នកនិយាយ វានឹងបង្កើតទម្លាប់ល្អ ដែលជះឥទ្ធិពលល្អដល់កូនរបស់អ្នក ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ វគ្គសិក្សាថ្មីចូលរៀនថ្ងៃទី ២៩ ខែមេសា ឆ្នាំ ២០២៤ ខាងមុខនេះ ។ សាលារៀនផ្តល់ជូនអាហារូបករណ៍រហូតដល់ ៤០% និងធានារ៉ាប់រងគ្រោះថ្នាក់បុត្រធីតា និងការការពារសិក្សារហូតដល់ ៥ ឆ្នាំ ។ លើពីនេះសាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ